পূজা কাপুৰ

পূজা কাপুৰ: Pooja Kapur; ভাৰতৰ বৈদেশিক পৰিক্ৰমা মন্ত্ৰালয়ৰ অতিৰিক্ত সচিব আৰু জি-২০ সৌছ শ্বেৰ্পা(G20 Sous Sherpa)। ^১ এই পদত নিযুক্ত হোৱাৰ আগতে, তেওঁ ডেনমাৰ্ক ৰাজ্যত ভাৰতীয় ৰাষ্ট্ৰদূত আছিল^২ আৰু তাৰ পূৰ্বে বুলগেৰিয়া ৰিপাব্লিক^৩ আৰু উত্তৰ মেচিডোনিয়া ৰিপাব্লিকত ভাৰতীয় ৰাষ্ট্ৰদূতৰূপে কাৰ্যনিৰ্বাহ কৰিছিল।^৪

কৰ্ম জীৱন

পূজা কাপুৰ ১৯৯৬ চনত ভাৰতীয় বৈদেশিক সেৱাত যোগদান কৰিছিল। তেওঁ লণ্ডন, কুৱালালামপুৰ আৰু ব্ৰাছেলছৰ ভাৰতীয় দূতাবাস / উচ্চায়ুক্তত কাৰ্যনিৰ্বাহ কৰি আহিছে। নতুন দিল্লীৰ বৈদেশিক পৰিক্ৰমা মন্ত্ৰালয়ত তেওঁ আছিয়ান বহুপক্ষীয় বিভাগৰ নেতৃত্বকে ধৰি পশ্চিম ইউৰোপ, দক্ষিণ-পূব এছিয়া, ৰাষ্ট্ৰসংঘ আৰু কমনৱেলথৰ সৈতে ভাৰতৰ সম্পৰ্ক বিষয়ক দায়িত্ব পালন কৰিছিল।^৫৬ ২০১৭ চনৰ জুলাই মাহত বুলগেৰিয়া গণৰাজ্যত ভাৰতৰ ৰাষ্ট্ৰদূত হিচাপে দায়িত্ব গ্ৰহণ কৰে,^৭ আৰু সমান্তৰালভাৱে উত্তৰ মেচিডোনিয়া গণৰাজ্যত ভাৰতৰ ৰাষ্ট্ৰদূত হিচাপে স্বীকৃতি লাভ কৰে।^৮ পূজা কাপুৰে ২০২১ চনৰ মাৰ্চ মাহত ডেনমাৰ্ক ৰাজ্যত ভাৰতৰ ৰাষ্ট্ৰদূত হিচাপে দায়িত্ব গ্ৰহণ কৰে।^২ ২০২৪ চনৰ এপ্ৰিল মাহত পূজা কাপুৰে বৈদেশিক পৰিক্ৰমা মন্ত্ৰালয়ৰ অতিৰিক্ত সচিব (জি২০) আৰু সৌছ শ্বেৰ্পাই (G20 Sous Sherpa) দায়িত্ব লয়।^১

লিংকডইন শীৰ্ষ কণ্ঠস্বৰ ২০১৮ হিচাপে নিৰ্বাচিত হয়, আৰু এই তালিকাত স্থান লাভ কৰা তেওঁ একমাত্ৰ কূটনীতিবিদ আছিল। ^৯১০

২০২২ চনত দ্য কোপেনহেগেন পোষ্টে তেওঁক ডেনমাৰ্কৰ আটাইতকৈ ব্যস্ত ৰাষ্ট্ৰদূত হিচাপে ঘোষণা কৰে।^১১

ব্যক্তিগত জীৱন

পূজা কাপুৰ অক্সফৰ্ড বিশ্ববিদ্যালয়ৰ চেভেনিং স্কোলাৰ আছিল, য'ত তেওঁ কূটনৈতিক অধ্যয়ন সম্পন্ন কৰিছিল।^১২তেওঁ পেৰিছৰ ইক'ল নেচনেল ডি এডমিনিষ্ট্ৰেচনৰ পৰা ৰাজহুৱা প্ৰশাসনত স্নাতকোত্তৰ ডিগ্ৰী লাভ কৰাৰ লগতে দিল্লী বিশ্ববিদ্যালয়ৰ পৰা ৰাজনীতি বিজ্ঞানত স্নাতক আৰু স্নাতকোত্তৰ ডিগ্ৰী লাভ কৰিছে।^৬তেওঁ বিশ্ববিদ্যালয়ত শীৰ্ষ স্থান অধিকাৰ কৰা ছাত্ৰী আছিল আৰু বহুতো একাডেমিক ছাত্ৰবৃত্তি আৰু সন্মান লাভ কৰিছিল। তেওঁ ইংৰাজী, ফ্ৰেন্স আৰু হিন্দী ভাষাত বিশেষ ভাবে পাৰদৰ্শী থকা ভাৰতীয় ৰাষ্ট্ৰদূত।^৬

পূজা কাপুৰৰ পিতৃ এজন ভাৰতীয় প্ৰশাসনিক বিষয়া আছিল। পূজা কাপুৰ বিবাহিত আৰু তেওঁৰ এজন কিশোৰ পুত্ৰ আছে।^১৩

প্ৰকাশনা

পূজা কাপুৰ এগৰাকী প্রতিস্থিত লেখিকা। যিয়ে কেৱল বিশ বছৰ বয়সতে তেওঁৰ প্ৰথমখন ৰাজনীতি সম্পৰ্কীয় গ্ৰন্থ সহ-লিখন কৰিছিল।