পুপুল ভূঞা

পুপুল ভূঞা এগৰাকী ভাৰতীয় অভিনেত্ৰী, টেলিভিছন উপস্থাপক আৰু মডেল, যিয়ে ওড়িয়া চলচ্চিত্ৰ, টেলিফিল্ম, বিজ্ঞাপন, আৰু ৰিয়েলিটি শ্ব'ত অভিনয় কৰিছে। ২০১৩ চনত কাব্য কীৰণৰ সৈতে প্ৰথম ওড়িয়া থ্ৰীডি ছবি কাউঁৰী কন্যাৰ জৰিয়তে ওলিউডত চলচ্চিত্ৰ জীৱন আৰম্ভ কৰিছিল৷^১ ২০১৮ চনত অপেৰা মিচেছ ইণ্ডিয়া গ্ল'বেল প্ৰতিযোগিতাত তেওঁক বিজয়ী হিচাপে মুকুট পিন্ধোৱা হয়।^২

প্ৰাৰম্ভিক জীৱন

তেওঁ ওড়িশাৰ কেওনঝাৰ জিলাৰ ছাইঁকুল গাঁৱত বটকৃষ্ণ ভূঞা আৰু বৈজয়ন্তীমালা ভূঞাৰ ঘৰত ১৯৯২ চনৰ ২৩ ফেব্ৰুৱাৰী তাৰিখে জন্মগ্ৰহণ কৰে আৰু বুক্সি জগাবন্ধু বিদ্যাধৰ মহাবিদ্যালয়, ভুৱনেশ্বৰৰ পৰা স্নাতক ডিগ্ৰী লাভ কৰে।^৩ ২০১৬ চনত তেওঁ দীপ থাদানীৰ সৈতে বিবাহপাশত আবদ্ধ হয়।^২

কেৰিয়াৰ

ভূঞাই নিজৰ কেৰিয়াৰ আৰম্ভ কৰিছিল মঞ্চ উপস্থাপক হিচাপে। তাৰ পিছত তেওঁ ই-নিউজ, আপনঙ্ক পছন্দ আদি কিছুমান একক টেলিভিছন শ্ব’ আয়োজন কৰিছিল। পিছলৈ তেওঁ সাৰে গা মা পা লিটল চেম্পছ, স্বৰ ওড়িশাৰ, মুঁ বি হিৰোইন হেবি আদি জনপ্ৰিয় মনোৰঞ্জন অনুষ্ঠান আয়োজন কৰিবলৈ আৰম্ভ কৰে।

২০১৩ চনত সৌম্য ৰঞ্জন সাহুৰ পৰিচালিত প্ৰথমখন ওডিয়া থ্ৰীডি ছবি কাউঁৰী কন্যাত মুখ্য চৰিত্ৰত অভিনয় কৰি ওডিয়া চলচ্চিত্ৰ জগতত আত্মপ্ৰকাশ কৰে। পিছলৈ ব্লেকমেইল, বিদ্যাৰাণ,^৪ আদি ওডিয়া ছবিৰ কিছু বিশেষ চৰিত্ৰত অভিনয় কৰে। ২০২৩ চনত তেওঁ এষ্ট্ৰী মুভিজৰ প্ৰযোজনা নিয়তি প্ৰজেক্টত অভিনয় কৰে।^৫৬

উপস্থাপন আৰু অভিনয়ৰ উপৰিও মডেলিঙৰ কামো কৰিছে। ২০১৮ চনত অপেৰা মিচেছ ইণ্ডিয়া গ্ল’বেল প্ৰতিযোগিতাত অংশগ্ৰহণ কৰি জয়ী হৈছিল।^৭৮ প্ৰতিযোগিতাখনৰ ছেমি ফাইনেলত শ্ৰেষ্ঠ ৰেম্প ৱাকৰ বঁটা লাভ কৰে।^৯ ২০২২ চনত শুভ পল্লৱ নামৰ ওডিয়া আলোচনীৰ প্ৰচ্ছদত তেওঁৰ ছবি প্ৰকাশ কৰা হয়।^১০ ইয়াৰ আগতে ২০১৬ চনত তেওঁৰ ফটো কদাম্বিনী আলোচনীত প্ৰকাশ পাইছিল।

ফিল্মগ্ৰাফী