পাভ মাছ

পাভ মাছ (Pabo catfish, বৈজ্ঞানিক নামকৰণ পদ্ধতি: Ompok pabo) siluridae পৰিয়ালৰ এবিধ সতেজ পানীৰ মাছ।^১ এই মাছবিধ উত্তৰ-পূব ভাৰত, পাকিস্তান, বাংলাদেশ আৰু ম্যানমাৰত পোৱা যায়। ই মূলতঃ নদী, পুখুৰী, হ্ৰদ আদিত বাস কৰে। একোটা পাভ মাছ ২৫ ছে:মি: পৰ্যন্ত দীঘল হ'ব পাৰে। মাছবিধক আই ইউ চি এন ৰঙা তালিকাৰ সংকট আসন্ন প্ৰজাতি হিচাপে শ্ৰেণীভুক্ত কৰা হৈছে।^১

ব্যৱহাৰ

অসমত পাভ মাছ এক বহুলভাৱে প্ৰচলিত খাদ্য। বিহুগীত আদি লোকসাহিত্যতো মাছবিধৰ উল্লেখ পোৱা যায়:

দীঘলী বজাৰৰ পাভ মাছ আনিলো

খৰিচা দিয়ে ৰান্ধো

খাবৰে পৰত তোলৈ মনত পৰে

ভাতৰ পাতত বহি কান্দো।^২