নৱনীত কৌৰ ধিলন

নৱনীত কৌৰ ধিলন: Navneet Kaur Dhillon; এগৰাকী ভাৰতীয় অভিনেত্ৰী, মডেল আৰু সৌন্দৰ্য্য প্ৰতিযোগিতাৰ খিতাপধাৰী যিয়ে ভাৰতক প্ৰতিনিধিত্ব কৰিছিল মিছ ৱৰ্ল্ড ২০১৩ত।^১২৩ ২০১৩ চনৰ ২৪ মাৰ্চত মুম্বাইত অনুষ্ঠিত হোৱা পন্দচ্ ৫০ সংখ্যক সংস্কৰণৰ ফেমিনা মিছ ৱৰ্ল্ড ইণ্ডিয়া ২০১৩ৰ বিজয়ী।^৪নৱনীতে শীৰ্ষ ২০ ৰ ভিতৰত স্থান লাভ কৰে।

প্ৰাৰম্ভিক জীৱন

তেওঁৰ পিতৃ এজন সেনা বিষয়া।^৫ তেওঁৰ প্ৰাৰম্ভিক শিক্ষা গ্ৰহণ আম্বালা কেণ্টৰ আৰ্মি পাব্লিক স্কুলৰ পৰা আৰম্ভ হৈছিল।^৬ আৰু অৱশেষত তেওঁলোক আম্বালা এৰি পাটিয়ালাত স্থায়ীভাবে বসতি স্থাপন কৰিছিল আৰু পাটিয়ালাৰ বুঢ়া দল পাব্লিক স্কুলৰ পৰা মাধ্যমিক শিক্ষা সমাপ্ত কৰিছিল।^৬ তাৰ পিছত তেওঁ পাটিয়ালাৰ পাঞ্জাবী বিশ্ববিদ্যালয়ৰ পৰা টিভি আৰু মিডিয়াত বি টেক ডিগ্ৰী লাভ কৰে।^৬ মডেলিঙৰ লগতে ফটোগ্ৰাফী, সাঁতোৰ, ঘোঁৰা চলোৱাৰ প্ৰতিও তেওঁৰ আগ্ৰহ আছে।^৭ তেওঁ পাটিয়ালাৰ পাঞ্জাবী বিশ্ববিদ্যালয়ৰ সংবাদ মাধ্যমৰ ছাত্ৰী আছিল।^৬

পন্দচ্ ফেমিনা (Pond’s Femina) মিছ ইণ্ডিয়া ২০১৩

২০১৩ চনৰ ২৪ মাৰ্চত ফেমিনা মিছ ইণ্ডিয়া ৱৰ্ল্ড ২০১৩ হিচাপে মুকুট পৰিধান কৰিছিল। প্ৰতিযোগিতাৰ সময়ত তেওঁ এটা প্ৰশ্নৰ সন্মুখীন হৈছিল – যদি কাইলৈ তেওঁৰ মৃত্যু হয়, তেন্তে তেওঁৰ একমাত্র অনুতাপ কি হ’ব? উত্তৰস্বৰূপে তেওঁ এইদৰে কৈছিল " মই বিচৰা ধৰণে সমাজৰ বাবে একো কৰিব নেৱাৰাতোৱেই হ'ব মোৰ অনুশোচনাৰ একমাত্ৰ কাৰণ। নাৰী সবলীকৰণ আৰু শিশু শ্ৰমিক নিবাৰণ আৰু অন্যান্য সামাজিক অপৰাধৰ বিষয়বোৰ এটা ডাঙৰ চিন্তাৰ বিষয়।"^৮

পন্দচ্ ফেমিনা মিছ ইণ্ডিয়া চণ্ডীগড় ২০১৩

পন্দচ্ ফেমিনা মিছ ইণ্ডিয়া চণ্ডীগড় ২০১৩ৰ শেষ ৰাউণ্ডত ১১ গৰাকী চূড়ান্ত প্ৰতিযোগীৰ ভিতৰত তেওঁ এডজাষ্ট বিজয়ী হৈছিল।^৯ নৱনীতক পন্দচ্ ফেমিনা মিছ গ্ল'য়িং স্কিন হিচাপেও অভিষিক্ত কৰা হয়।^৮

I AM She 2012 প্ৰতিযোগিতা

নৱনীত কৌৰ I AM She 2012 প্ৰতিযোগিতাৰ অন্তিম পৰ্যায়ৰ প্ৰতিযোগী আছিল আৰু তেওঁ প্ৰতিযোগী নং 6 হিচাপে অংশগ্ৰহণ কৰিছিল। যদিও তেওঁ এই প্ৰতিযোগিতাত বিজয়ী হোৱা নাছিল, তথাপি এই অভিজ্ঞতাই ফেমিনা মিছ ইণ্ডিয়া ২০১৩ ৰ বাবে তেওঁৰ পৰিচৰ্যা আৰু দক্ষতা উন্নত কৰিবলৈ সহায় কৰিছিল।^১০

কৰ্মজীৱন

পিটিআইৰ সৈতে হোৱা এক সাক্ষাৎকাৰত তেওঁ কয় যে তেওঁ বলীউডৰ প্ৰতি আগ্ৰহী আৰু সুযোগ পালে নিশ্চিতভাৱে কঠোৰ পৰিশ্ৰম কৰিব। ভাৰত আৰু বিদেশৰ বিভিন্ন স্থানত ফেমিনা মিছ ইণ্ডিয়া ২০১৩ ভ্ৰমণ আৰু ফটো চেচনত ব্যস্ত আছিল। বৰ্তমান তেওঁ পন্দচ্ হোৱাইট বিউটি বিবি+ ফেয়াৰনেছ ক্ৰীমৰ ব্ৰেণ্ড এম্বেছাদৰ।^১১

চিনেমা পঞ্জী

নৱনীত কৌৰ অভিনিত চিনেমা সমূহ হল

• ২০১৬- Love Shhuda^১২,Ambarseriya,একতা^১৩,জানি^১৪১৫
• ২০১৯ চনত- হাই এণ্ড ইয়াৰিয়ান, অমবাস
• ২০২০ চনত-জিন্দে মেৰিয়ে
• ২০২৩ চনত- গোল গাপে
• ২০২৪ চনত- ছোটা ভীম আৰু দমিয়ানৰ অভিশাপ

লগতে চাওক

• ফেমিনা মিছ ইণ্ডিয়া
• ফেমিনা মিছ ৱৰ্ল্ড ইণ্ডিয়া ২০১৩
• মিছ ডিভা ২০১৩