নেহা সিং ৰাঠৌৰ

নেহা সিং ৰাঠৌৰ এগৰাকী ভোজপুৰী গায়িকা।^১২৩ তেওঁ মুদ্ৰাস্ফীতি, দুৰ্নীতি, দৰিদ্ৰতা আৰু চৰকাৰী ব্যৰ্থতাক গীতৰ যোগেদি প্ৰশ্ন আৰু ব্যংগ কৰে। তেওঁ বিহাৰৰ কাইমুৰ জিলাৰ বাসিন্দা৷ তেওঁৰ গানৰ ভিতৰত বিহাৰ মে কৰা বা?, ইউপি মে কৰা বা?, আৰু ইউপি মে কৰা বা? ছিজন ২ যথেষ্ট ভাইৰেল হৈছে।

প্ৰাথমিক জীৱন

১৯৯৭ চনত বিহাৰৰ কাইমুৰ জিলাৰ এটা মধ্যবিত্ত পৰিয়ালত নেহা সিং ৰাঠৌৰৰ জন্ম হৈছিল। "এলাহাবাদ বিশ্ববিদ্যালয়" ত তেওঁৰ এটা লোকগীত ভাইৰেল হোৱাৰ লগে লগে নেহা ৰাজহুৱা ব্যক্তিত্বত পৰিণত হয়, লগতে বিতৰ্কতো সোমাই পৰে। বিহাৰ আৰু ইউ পিৰ নিবনুৱা যুৱক-যুৱতীসকলৰ বাবে সৃষ্টি কৰা আন এটি গীত “ৰজগৰ দেবা কী কৰবা ডৰামা” ইউটিউবত মুক্তি পোৱাৰ পিছত ভাইৰেল হৈ পৰে গীতটি।^৪৫

ব্যক্তিগত জীৱন

২০২২ চনত ৰাঠৌৰে হিমাংশু সিঙৰ সৈতে বিবাহপাশত আবদ্ধ হয়।^৬৭

বিতৰ্ক

কৰোনা কালত যোগী চৰকাৰক উপহাস কৰি নেহা সিং ৰাঠৌৰে বিতৰ্কৰ মাজলৈ আহিছিল৷ ইয়াৰ যোগেদি তাই কৰোনা যুগৰ ব্যৱস্থা, হাথৰাছৰ ঘটনা ইত্যাদি গুৰুতৰ বিষয়বোৰ উত্থাপন কৰিছিল।^৮

নেহা সিং ৰাঠৌৰে দ্বিতীয়বাৰৰ বাবে বিতৰ্কৰ মাজলৈ আহিছিল তেওঁৰ ইউ পি মেইন কা বা? ২য় খণ্ডৰ যোগেদি। কানপুৰৰ গ্ৰাম্য অঞ্চলৰ দীক্ষিত পৰিয়ালৰ ঘটনাক লৈ ব্যংগ হিচাপে গোৱা হৈছিল এই গীতটো৷ ইয়াৰ পিছতে আৰক্ষীয়ে তেওঁক এখন জাননী প্ৰদান কৰি কিছু প্ৰশ্নৰ উত্তৰ দাবী কৰে।^{৯১০১১১২}

বাহ্যিক সংযোগ

• Neha Singh Rathore YouTube Channel