নুৰুল আমিন ষ্টেডিয়াম (Nurul Amin Stadium) বা Nowgong Sports Club Ground হৈছে অসমৰ নগাঁও জিলাত অৱস্থিত এখনি বহুমুখী ষ্টেডিয়াম৷ এইখন ষ্টেডিয়াম প্ৰধানকৈ ফুটবল, ক্ৰিকেট আৰু আন কিছুমান খেলৰ বাবে ব্যৱহাৰ কৰা হয়৷ প্ৰতি বছৰৰ আগষ্ট আৰু ছেপ্টেম্বৰ মাহত এইখন ষ্টেডিয়ামত প্ৰখ্যাত স্বাধীনতা দিৱস কাপ ফুটবল প্ৰতিযোগিতা আয়োজিত হয়৷ সেইখন প্ৰতিযোগিতাত ৰাষ্ট্ৰীয় পৰ্যায়ৰ ভালেকেইটা দলে যোগদান কৰে৷
ষ্টেডিয়ামখনত এতিয়ালৈ আঠখন ৰঞ্জি ট্ৰফীৰ খেল অনুষ্ঠিত হৈছে৷১ খেলসমূহ ১৯৬৪ চনৰ পৰা ১৯৮৯ চনলৈকে অনুষ্ঠিত হৈছিল৷ ১৯৬৪ চনত অসমৰ ক্ৰিকেট দলটোৱে বিহাৰৰ বিৰুদ্ধে খেলিছিল৷২ ১৯৮৯ চনৰ পৰা ষ্টেডিয়ামত প্ৰথম শ্ৰেণীৰ ক্ৰিকেট অনুষ্ঠিত হোৱা নাই৷৩
বাহ্যিক সংযোগ
তথ্যসূত্ৰ
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “নুৰুল আমিন ষ্টেডিয়াম” প্ৰবন্ধৰ সংশোধন ৪৪৭১৫২ (২২ নৱেম্বৰ ২০২৪)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।