নীলম শৰ্মা

নীলম শৰ্মা (: Neelum Sharma; ৭ মাৰ্চ ১৯৬৯ – ১৭ আগষ্ট ২০১৯)^১ এগৰাকী ভাৰতীয় এংকৰ আছিল যি দূৰদৰ্শনৰ অন্যতম প্ৰতিষ্ঠাপক এংকৰ হিচাপে আটাইতকৈ বেছি পৰিচিত আছিল আৰু ভাৰতৰ মহিলাৰ বাবে সৰ্বোচ্চ অসামৰিক বঁটা নাৰী শক্তিপুৰস্কাৰ লাভ কৰিছিল।^২৩

জীৱন

নীলমে তেওঁৰ শ্ব' তেজস্বিনীৰ জৰিয়তে ভাৰতৰ মহিলা সাফল্যৰ ওপৰত গুৰুত্ব আৰোপ কৰিছিল।^২ তেওঁ এগৰাকী তথ্যচিত্ৰ নিৰ্মাতাও আছিল, তেওঁৰ নামত ৬০খনতকৈও অধিক ছবি আছিল।^৪ ১৯৯৫ চনত দূৰদৰ্শনৰ সৈতে কৰ্ম জীৱন আৰম্ভ কৰা নীলমে ২০ বছৰতকৈও অধিক সময় এই চেনেলৰ সৈতে জড়িত আছিল।^৫ ২০১৯ চনৰ ১৭ আগষ্টত ৫০ বছৰ বয়সত কেন্সাৰ ৰোগত আক্ৰান্ত হৈ তেওঁৰ মৃত্যু হয়।[6]^৬

মহিলা সবলীকৰণৰ বাবে আগবঢ়োৱা অৱদানৰ বাবে ভাৰতীয় মহিলাৰ বাবে ৰখা সৰ্বোচ্চ অসামৰিক বঁটা নাৰী শক্তিপুৰস্কাৰেৰে ২০১৯ চনত তেওঁক সন্মান জনোৱা হয়।