নাৰীবাদী মিত্ৰজোঁট (নাইজেৰিয়া)

নাৰীবাদী মিত্ৰজোঁট (Feminist Coalition হৈছে নাইজেৰিয়াৰ যুৱ নাৰীবাদীসকলৰ এটা গোট যি নাইজেৰিয়াৰ সমাজত মহিলাসকলৰ সমতা বৃদ্ধিৰ বাবে কাম কৰে।^১২৩

২০২০ চনৰ জুলাই মাহত ডামিলোলা অডুফুৱা আৰু অডুনায়ো ইৱেনিয়ে ইয়াক সহযোগিতামূলকভাৱে প্ৰতিষ্ঠা কৰিছিল।^১৪

প্ৰকল্পসমূহ

২০২০ চনৰ অক্টোবৰ মাহত নাইজেৰিয়াত আৰক্ষীৰ বৰ্বৰতাৰ বিৰুদ্ধে “End SARS” হেচটেগ আৰু শ্লোগানেৰে গণ শান্তিপূৰ্ণ প্ৰতিবাদ আৰম্ভ হয়। ক্ষমতাৰ অপব্যৱহাৰৰ ইতিহাস থকা আৰক্ষী ইউনিট বিশেষ ডকাইতি বিৰোধী স্কোয়াড (SARS) সম্পূৰ্ণৰূপে ভংগ কৰাৰ বাবে তেওঁলোকে প্ৰতিবাদ সাব্যস্ত কৰে। সদস্যসকলে সিদ্ধান্ত লয় যে ইয়াৰ প্ৰথম প্ৰকল্প হ'ব নাইজেৰিয়ানসকলে নিজৰ সাংবিধানিক অধিকাৰ ব্যৱহাৰ কৰা সুৰক্ষা নিশ্চিত কৰাৰ জৰিয়তে শান্তিপূৰ্ণ প্ৰতিবাদক সমৰ্থন কৰা।.^৫৬

অভিযোগ

২০২১ চনৰ ১২ মাৰ্চত নাইজেৰিয়াৰ সংবাদ মাধ্যমে প্ৰকাশ কৰিছিল যে সংস্থাটো আৰু ইয়াৰ সদস্যসকলে EndSARS একাউণ্টৰ পৰা ₦২৩,০০০,০০০^৭ (প্ৰতি বিনিময় হাৰৰ ৫১,০০০^৭ ডলাৰৰ সমতুল্য) মূল্যৰ বিটকইন উলিয়াই ব্যক্তিগত একাউণ্টত জমা কৰে।^৮৯ নাৰীবাদী মিত্ৰজোঁটে এটা আনুষ্ঠানিক বিবৃতি প্ৰকাশ কৰে য'ত তেওঁলোকৰ ন্যায়ৰ প্ৰমাণ^১০ সন্নিবিষ্ট কৰা হৈছিল আৰু কোনো ধৰণৰ আৰ্থিক অসৎ ব্যৱহাৰ বা কোনো ধন ব্যক্তিগতকৰণৰ কাৰ্য্যক খণ্ডন কৰা হৈছিল। প্ৰমাণসমূহ আছিল পৰিসংখ্যা আৰু ক্ৰিপ্টো মুদ্ৰাৰ ভাষাৰ সংমিশ্ৰণ^১১ যিয়ে ডিজিটেল মুদ্ৰাই কেনেকৈ কাম কৰে সেই বিষয়ে বুজায়৷ পিছে এইবিষয়ে জ্ঞান নথকা ব্যক্তিসকলক বুজাবলৈ যথেষ্ট কঠিন হৈ পৰিছিল। অৱশেষত নাইজেৰিয়াৰ ক্ৰিপ্টো মুদ্ৰা ব্যৱসায়ী আৰু নাইজেৰিয়াৰ বাহিৰৰ তৃতীয় পক্ষৰ ক্ৰিপ্টো মুদ্ৰা ব্যৱসায়ীসকলে এই প্ৰমাণসমূহক মিছা বুলি জনায় আৰু তেওঁলোকৰ প্ৰমাণত অনিয়ম^১২আৰু বাস্তৱিক ভুলৰ^১২ উল্লেখ কৰে। তদুপৰি, নাৰীবাদী মিত্ৰজোঁটে প্ৰদান কৰা প্ৰমাণসমূহ ২০২০ চনৰ এণ্ডছাৰ্ছ প্ৰতিবাদৰ সময়ত সংস্থাটোৱে দাবী কৰা কথাৰ কিছু বিপৰীতমুখী যেন দেখা গৈছিল য’ত তেওঁলোকে দাবী কৰিছিল যে তেওঁলোকৰ সকলো আইনী সেৱা প্ৰ’-ব’নো (বিনামূলীয়া অথবা সেৱামূলক)^১৩৷ কিন্তু তেওঁলোকৰ প্ৰমাণে সেই দাবীক সমৰ্থন কৰা নাছিল৷ কাৰণ দেখা গৈছিল যে ৰাজহুৱা অনুদানৰ পৰা পোৱা নাইজেৰিয়ান নাইৰাৰ লাখ লাখ আইনী মাচুলত ব্যয় কৰা হৈছিল। ক্ৰিপ্টো মুদ্ৰা বিশেষজ্ঞসকলে সংস্থাটোক প্ৰতাৰণামূলক আৰু ইচ্ছাকৃতভাৱে প্ৰমাণসমূহ অস্পষ্ট কৰি তোলাৰ বাবে ধমক দিছিল।^{৯১৩১৪}