নাওমা বাৰ্নাৰ্ড উইলিয়ামছ মেইজ (৫ ডিচেম্বৰ ১৯০৬ – ১৩ জুন ১৯৭৪) এগৰাকী আমেৰিকান গায়িকা, শিক্ষাবিদ আৰু সমাজকৰ্মী আছিল। তেওঁ স্পেলমেন কলেজত পিয়ানো আৰু কণ্ঠ শিকাইছিল আৰু ক্লিভলেণ্ডৰ ফ্ৰেণ্ডলী ইন নামৰ এটা বসতিস্থল ঘৰৰ পৰিচালক আছিল। ১৯৫৩ চনত তেওঁক নেচনেল কাউন্সিল অৱ নিগ্ৰো উইমেনৰ ৰাষ্ট্ৰীয় কাৰ্যবাহী সঞ্চালিকা হিচাপে নিযুক্তি দিয়া হয়।১২
প্ৰাৰম্ভিক জীৱন আৰু শিক্ষা
নাওমা মেইজৰ জন্ম টেনেচিৰ চাটানুগাত হৈছিল আৰু আলাবামাৰ এনিষ্টনত ডাঙৰ-দীঘল হৈছিল। তেওঁ জেমছ হেনৰী উইলিয়ামছ আৰু ব্লাঞ্চ বাৰ্নাৰ্ড ৰিজ উইলিয়ামছৰ কন্যা আছিল। ১৯৩২ চনত তেওঁ স্পেলমেন কলেজৰ পৰা স্নাতক ডিগ্ৰী লাভ কৰে। ১৯৩৩ চনত ৰকফেলাৰ বৃত্তিত জুলিয়াৰ্ড বিদ্যালয়ত সংগীত অধ্যয়ন কৰে,৩৪ আৰু ৱেষ্টাৰ্ণ ৰিজাৰ্ভ বিশ্ববিদ্যালয়ৰ পৰা স্নাতকোত্তৰ ডিগ্ৰী লাভ কৰে।৫
কেৰিয়াৰ
মেইজ এগৰাকী ছ'প্ৰানো কনচাৰ্ট গায়িকা আছিল৬৭ আৰু স্পেলমেন কলেজত পিয়ানো আৰু কণ্ঠৰ অধ্যাপনা কৰিছিল।৮ স্পেলমেনত তেওঁৰ এগৰাকী কণ্ঠৰ ছাত্ৰী আছিল মেটিউইল্ডা ডবছ।৯
১৯৪০ চনত তেওঁ বেনিংটন সংগীত মহোৎসৱৰ অন্যতম একক শিল্পী আছিল।৬১০
১৯৪৮ চনৰ পৰা ১৯৫২ চনলৈকে ক্লিভলেণ্ডৰ ফ্ৰেণ্ডলী ইন নামৰ এটা বসতিস্থল ঘৰৰ প্ৰথমজন কৃষ্ণাংগ পৰিচালক আছিল।১১১২
১৯৫৩ চনত তেওঁ নেচনেল কাউন্সিল অৱ নিগ্ৰো উইমেনৰ ৰাষ্ট্ৰীয় কাৰ্যবাহী সঞ্চালিকা হিচাপে নিযুক্তি লাভ কৰে।১৩ সেই ভূমিকাত তেওঁ বিদ্যালয়সমূহত বৰ্ণবৈষম্য নীতিৰ অৱসান আৰু সুবিধা নিৰ্মাণ সম্পৰ্কে চেনেটৰ শুনানিত লিখিত সাক্ষ্য দাখিল কৰিছিল।১৪
১৯৬০ চনত তেওঁ এটা জ্যেষ্ঠ নাগৰিক কেন্দ্ৰৰ কাৰ্যসূচী পৰিচালক আছিল আৰু তাত পিয়ানো পাঠদান কৰিছিল।১৫
তথ্যসূত্ৰ
- ↑ (1953-03-28). Spelman Graduate Named to Top Post With NCNW. Atlanta Daily World. পৃ. 1
- ↑ (1954-03-27). Toki Types: The Pretty Ones. New Pittsburgh Courier. পৃ. 8
- ↑ (1933-07-08). Naomah Maise to Juilliard School. New Pittsburgh Courier. পৃ. 8
- ↑ Naomah Williams Maise file. DIMES: Online Collections and Catalog of Rockefeller Archive Center
- ↑ Williams, Bob. (1948-08-07). Standout--In Public Service. Call and Post. পৃ. 17
- ↑ (1944-02-12). Noted Soprano in Recital at Antioch. Call and Post. পৃ. 8
- ↑ (1940-10-28). Autumn Music Festival Held. The Huntsville Times. পৃ. 5
- ↑ (1936-04-15). Naomah Williams-Maise Scores in Recital at Margaret Barber Seminary in Anniston. Atlanta Daily World. পৃ. 1
- ↑ Polk, Anita L. (1960-02-20). Superb in Recital; Mattiwilda Dobbs Captivates. Call and Post. পৃ. 13
- ↑ McPherson, Elizabeth. (2013-06-13). The Bennington School of the Dance: A History in Writings and Interviews. McFarland. পৃ. 173. ISBN 978-1-4766-0295-0
- ↑ (1950-08-19). Name Central Area Leaders in Chest Drive. Call and Post. পৃ. 22
- ↑ Groner, Alex. (1949-04-22). Friendly Inn to Mark 75th Year of Service. The Cleveland Press. পৃ. 20
- ↑ (1954-04-30). Council Women Close Two-Day Regional Meet. Alabama Tribune. পৃ. 2
- ↑ (1954-07-01). Hearings 1954-07-01. Superintendent of Government Documents. পৃ. 266-267
- ↑ Daerr, Marie. (1960-10-19). No One Has to Urge Them to Practice Their Lessons. The Cleveland Press. পৃ. 56
উৎস আৰু অনুজ্ঞাপত্ৰ
উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “নাওমা মেইজ” প্ৰবন্ধৰ সংশোধন ৫৮৪০৫৩ (২ মাৰ্চ ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।