নাইকি দেৱী

নাইকি দেৱী ১১৭৫ চনৰপৰা চাউলুক্য বংশৰ প্ৰতিনিধি ৰাণী আছিল যেতিয়া তেওঁৰ পুত্ৰ দ্বিতীয় মূলৰাজাৰ শৈশৱ কালত আছিল। ^১২ তেওঁ চাউলুক্য ৰজা অজয়পালৰ ৰাণী আছিল।^৩ গুজৰাটত ঘূৰিদ আক্ৰমণক প্ৰতিহত কৰাৰ বাবেও তেওঁ জনপ্ৰিয়ভাৱে পৰিচিত।^৪

প্ৰাথমিক জীৱন

তেওঁৰ আগৰ জীৱনৰ বিষয়ে বিশেষ জনা নাযায়, মেৰুটুংগাৰ প্ৰবন্ধচিন্তামণিৰ মতে তেওঁ আছিল পৰমৰ্দীৰ কন্যা। এটা তত্ত্বই এই পৰমৰ্দীক কদম্ব ৰজা পেৰমাদি-দেৱ বুলি চিনাক্ত কৰিছে যদিও ইতিহাসবিদ অশোকে কুমাৰ মজুমদাৰৰ মতে তেওঁ সম্ভৱতঃ চাণ্ডেলা ৰজা পৰমৰ্দিৰ (ৰাজত্ব প্ৰায় ১১৬৫-১২০৩ খ্ৰীষ্টাব্দ) কন্যা আছিল।^৫

চাউলুক্য শাসক অজয়পালৰ লগত বিবাহপাশত আবদ্ধ হৈ মুলৰাজা নামেৰে পুত্ৰ সন্তান জন্ম দিয়ে, যি পিছলৈ পিতৃৰ মৃত্যুৰ পাছত শিশু অৱস্থাত সিংহাসনৰ অধিকাৰী হয়। ১১৭৫ চনত যেতিয়া তেওঁৰ পুত্ৰই পিতৃৰ পিছত ৰজা হয়, তেতিয়া পুত্ৰৰ কম বয়স বাবে তেওঁৰ মাতৃ ৰাজ্যৰ প্ৰতিনিধি ৰাণী হয়।

ঘূৰিদ আক্ৰমণ

১১৭৫ চনত ঘোৰৰ মহম্মদে সিন্ধু নদী পাৰ হৈ মুলতান আৰু উচ দখল কৰাৰ পাছত ১১৭৮ চনত থাৰ মৰুভূমিৰ মাজেৰে বৰ্তমানৰ গুজৰাটত প্ৰৱেশ কৰে। ঘোৰৰ মহম্মদে দ্বিতীয় মুলাৰাজা আৰু নাদোল, জালৌৰ আৰু আবুৰ ৰাজপুত সহযোগীসকলে কাছাৰাদাৰ যুদ্ধত পৰাস্ত কৰে। যুদ্ধৰ স্থান আবু পাহাৰৰ পাদদেশৰ ওচৰৰ কায়ন্দ্ৰ নামৰ এখন গাঁও বুলি চিনাক্ত কৰা হৈছে। পাৰ্চী বুৰঞ্জীবিদ মিনহাজ আল-চিৰাজ আৰু ফেৰিষ্টাই উল্লেখ কৰিছে যে ঘোৰৰ মহম্মদক দ্বিতীয় ভীমা (মুলাৰাজাৰ ভাতৃ আৰু উত্তৰাধিকাৰী)দ্বাৰা পৰাস্ত হৈছিল যদিও এপিগ্ৰাফিক প্ৰমাণে নিশ্চিত কৰিছিল যে ঘূৰিদ আক্ৰমণৰ সময়ত দ্বিতীয় মুলাৰাজাই শাসন কৰিছিল।^৬৭৮

পিছৰ মেৰুটুংগাৰ বিৱৰণীত কোৱা হৈছে যে নাইকি দেৱীয়ে নিজৰ পুত্ৰ মূলৰাজাক কোলাত লৈ চাউলুক্য সেনাৰ নেতৃত্বত গৈ গাড়ৰাঘাট পাছত ঘূৰিদ বাহিনীক পৰাস্ত কৰি পুত্ৰৰ বাবে "গজনীৰ ৰজাৰ বিজয়ী" উপাধি লাভ কৰে। কিন্তু অশোকে কুমাৰ মজুমদাৰে মেৰুতুংগাৰ লেখাক সমালোচনা কৰে, যিয়ে পৌৰাণিক কাহিনী ব্যৱহাৰ কৰি পাঠকক মোহিত কৰা বুলি।^৯১০

জনপ্ৰিয় সংস্কৃতিত

২০২২ চনৰ গুজৰাটী ঐতিহাসিক ছবি নায়িকা দেৱী: দ্য ৱাৰিয়ৰ কুইনত খুছি শ্বাহে নাইকি দেৱীৰ চৰিত্ৰত অভিনয় কৰিছে।^১১