নদীম কাশিশ

নদীম কাশিশ (Nadeem Kashish) এগৰাকী পাকিস্তানী কিন্নৰ কৰ্মী, ৰাজনীতিবিদ আৰু ৰেডিঅ' শ্ব'ৰ আয়োজক।^১ ২০১৮ চনৰ পাকিস্তানৰ সাধাৰণ নিৰ্বাচনত নিৰ্বাচনত অৱতীৰ্ণ হোৱা চাৰিজন কিন্নৰৰ ভিতৰত তেওঁ অন্যতম হৈ পৰিছিল।^২৩

ব্যক্তিগত জীৱন

কাশিশক তেওঁৰ পৰিয়ালে^৪ অস্বীকাৰ কৰিছিল আৰু তেওঁৰ নাৰীসুলভ আচৰণৰ বাবে ১৬ বছৰ বয়সত মুলতানৰ ঘৰৰ পৰা বাহিৰ কৰি দিয়া হৈছিল। ইয়াৰ পিছত কাশিশে গুৰুৰ ঘৰত যোগদান কৰে, য’ত সাধাৰণতে পাকিস্তানৰ কিন্নৰৰ সম্প্ৰদায়টো থাকে। গুৰুজন; ঘৰৰ মুৰব্বীয়ে ঘৰৰ বাসিন্দাসকলক খাদ্য আৰু বাসস্থানৰ ব্যৱস্থা কৰে। কিন্তু কাশিশে ঘৰৰ পৰা ওলাই গুৰুজনাৰ লগত সম্পৰ্ক বিচ্ছিন্ন কৰিলে, যেতিয়া গুৰুৱে তেওঁক বেশ্যাবৃত্তিত জড়িত কৰিবলৈ জোৰ-জবৰদস্তি কৰিলে৷ ইয়াৰ পিছত কাশিশে ইছলামবাদৰ এটা টেলিভিছন অনুষ্ঠানত মেকআপ আৰ্টিষ্ট হিচাপে যোগদান কৰে। তাৰ পৰাই তেওঁ কিন্নৰ সম্প্ৰদায়ক সহায় কৰা বেচৰকাৰী সংস্থাসমূহৰ বাবে কাম কৰিবলৈ আৰম্ভ কৰে।^৫ কাশিশৰ ঘৰ পাকিস্তানৰ ইছলামবাদত।

কৰ্মজীৱন

২০০৬ চনত কাশীষে মেকআপ আৰ্টিষ্ট হিচাপে কাম কৰিছিল। তাৰ পিছত তেওঁ এফ এম-৯৯ত ৰেডিঅ' শ্ব'ৰ আয়োজক হিচাপে যোগদান কৰে য'ত তেওঁ পাকিস্তানৰ কিন্নৰ সম্প্ৰদায়ে সন্মুখীন হোৱা সমস্যাসমূহৰ ওপৰত আলোকপাত কৰে।^৬

তেওঁ এগৰাকী সমাজকৰ্মী হিচাপেও কাম আৰম্ভ কৰে আৰু নিজাকৈ এটা সংস্থা "শ্বেমেল এছ'চিয়েচন ফৰ ফাণ্ডামেণ্টেল ৰাইটছ (ছফৰ)" আৰম্ভ কৰে।^৭৮ তেওঁ এন জি অ'টোৰ সভানেত্ৰী।^৯

২০১৮ চনত কাশিশে নিৰ্বাচনী প্ৰচাৰৰ বাবে থিয় দি ৰাজনীতিত যোগদান কৰে।^১০