আফিয়া শ্বেহৰবানো জিয়া

আফিয়া শ্বেহৰবানো জিয়া (Afiya Shehrbano Zia) হৈছে কৰাচীত বাস কৰা এগৰাকী পাকিস্তানী নাৰীবাদী গৱেষক, লেখিকা আৰু কৰ্মী।^১তেওঁ "পাকিস্তানত বিশ্বাস আৰু নাৰীবাদ"(ছাচেক্স একাডেমিক প্ৰেছ, ২০১৮)গ্ৰন্থকে প্ৰমুখ্য কৰি^২৩ নাৰী, ধৰ্মনিৰপেক্ষতা আৰু ধৰ্ম বিষয়ত কেইবাটাও প্ৰকাশিত প্ৰবন্ধৰ লিখিছে।^৪৫ তেওঁ মহিলা কাৰ্য মঞ্চৰ সক্ৰিয় সদস্য।^৬৭

জীৱনী

জিয়াই ১৯৯২ চনত ইংলেণ্ডৰ ইয়ৰ্ক বিশ্ববিদ্যালয়ৰ পৰা মহিলা অধ্যয়নত স্নাতকোত্তৰ ডিগ্ৰী লাভ কৰে।^৮তেওঁ টৰণ্টো বিশ্ববিদ্যালয়ৰ পৰা মহিলা আৰু লিংগ অধ্যয়নত পি এইচ ডি ডিগ্ৰী লাভ কৰিছে।^{৯ ১০১১}

জিয়া এগৰাকী স্বতন্ত্ৰ গৱেষক। ১৯৯৩ চনৰ পৰা ১৯৯৭ চনলৈকে তেওঁ বেচৰকাৰী ক্ষেত্ৰত মহিলা আৰু উন্নয়নৰ প্ৰকল্পৰ বাবে কাম কৰিছিল, গৱেষণা পত্ৰ লিখিছিল আৰু নাৰী বিষয়ৰ বহু কিতাপ সম্পাদনা কৰিছিল। তেওঁ কৰাচীত কলেজত সমাজবিজ্ঞানৰ পাঠদান কৰে আৰু বাতৰি কাকতত নিয়মিতভাৱে লিখে। কৰাচীৰ এটা শৈক্ষিক গোটৰ প্ৰতিষ্ঠাপক সদস্য আৰু বিভিন্ন টিভি চেনেলত আৰ্থ-ৰাজনৈতিক বিষয়ৰ মন্তব্যকাৰী হিচাপে উপস্থিত থাকে।^১২

তেওঁ টৰণ্টো বিশ্ববিদ্যালয় আৰু হাবিব বিশ্ববিদ্যালয়ত এটা ছেমিষ্টাৰৰ বাবে অধ্যাপনা কৰি আহিছে, য'ত তেওঁ মহিলা, কৰ্ম আৰু ইছলামৰ ওপৰত এটা পাঠ্যক্ৰম ডিজাইন কৰিছিল।^১৩