দেৱিকা মিহিৰাণী

নাউলাগে দেৱিকা মিহিৰাণী পেৰেৰা (সিংহল ভাষা: දේවිකා මිහිරානි), যি জনপ্ৰিয়ভাৱে দেৱিকা মিহিৰাণী নামেৰে পৰিচিত, এগৰাকী শ্ৰীলংকান চলচ্চিত্ৰ, মঞ্চ আৰু দূৰদৰ্শনৰ অভিনেত্ৰী।^১ শ্ৰীলংকাৰ টেলিড্ৰামা ইতিহাসৰ প্ৰথমগৰাকী টিভি অভিনেত্ৰী হোৱাৰ গৌৰৱ তেওঁৰ আছে।^২৩

ব্যক্তিগত জীৱন

২১ মাৰ্চত এটি আঠজনীয়া ভাই-ভনীৰ পৰিয়ালৰ তৃতীয়টো সন্তান হিচাপে তেওঁৰ জন্ম হৈছিল। তেওঁৰ পিতৃ নাউলাগে উইলিয়াম পেৰেৰা এজন জকী আৰু পৰিচালক আছিল। মাতৃ কুসুম পেৰেৰা এগৰাকী গৃহিণী আছিল; ২০১৭ চনত মাতৃৰ মৃত্যু হয়। মিহিৰাণীয়ে নুগোৰিগোডাৰ অনুলা বিদ্যালয়ৰ পৰা শিক্ষা সম্পূৰ্ণ কৰে।^৪ দেৱিকাৰ ভগ্নী শ্ৰীয়ানী পেৰেৰা অভিনেতা লাল কুলাৰত্নেৰ সৈতে বিবাহপাশত আৱদ্ধ হৈছে। তেওঁ দয়া নেল্লামপিটিয়া আৰু পিছলৈ সোমদাসা নিথাভেলাৰ তত্ত্বাৱধানত কান্দিয়ান নৃত্যৰ শিক্ষা গ্ৰহণ কৰিছিল।^৫

তেওঁ জনপ্ৰিয় অভিনেতা তথা নাট্যকাৰ বিজয়া নন্দাসিৰিৰ সৈতে বিবাহপাশত আৱদ্ধ হৈছিল।^৬ তেওঁলোকৰ প্ৰথম সাক্ষাৎ হৈছিল সুদৰ্শী দৃশ্য কলা কেন্দ্ৰত। নন্দাসিৰিয়েই ১৯৭৪ চনত মিহিৰাণীক সুভা সহ যসা নামৰ নাটকখনৰ বাবে আমন্ত্ৰণ জনাইছিল।^৭ ১৯৮৯ চনত তেওঁলোকৰ বিবাহ সম্পন্ন হয়। ২০১৬ চনৰ ৮ আগষ্টত হৃদৰোগত আক্ৰান্ত হৈ ৬৯ বছৰ বয়সত নন্দাসিৰিৰ মৃত্যু হয়।^৮

এই দম্পতীটিৰ নৱঞ্জনা দুলাঞ্জলী নামৰ এগৰাকী কন্যা আৰু ৰসাঞ্জনা সুচিত্ৰা নামৰ এজন পুত্ৰ সন্তান আছে।^৪ নৱঞ্জনাৰ জন্ম ১৯৮৯ চনত হৈছিল আৰু তেওঁ বিশাখা বিদ্যালয়ত অধ্যয়ন কৰিছিল। তেওঁ বৰ্তমান অষ্ট্ৰেলিয়াত বাস কৰে।^৯ পুত্ৰ ৰসাঞ্জনাৰ জন্ম ১৯৯৪ চনত হৈছিল আৰু তেওঁ কলম্বোৰ ৰয়েল কলেজৰ প্ৰাক্তন ছাত্ৰ।^৫ পিতৃৰ মৃত্যুৰ পিছত ৰসাঞ্জনাও কেইবাখনো মঞ্চ নাটক আৰু বিজ্ঞাপনত অভিনয় কৰি পিতৃৰ উত্তৰাধিকাৰ আগবঢ়াই লৈ গৈছে।^১০

বাহ্যিক সংযোগ

• Story related in the company of wife Devika by Wijaya Nandasiri who left us
• Final rites for veteran actor Vijaya Nandasiri to take place on Thursday
• Vijaya has been gone for 3 years now
• රටක් හිනැස්සවූ අසාහය කලා කරුවා සමුගෙන වසරයි…!
• විජය නන්දසිරි දේවිකා විවාහයේ තිස්වැනි සංවත්සරය දා සරසවියට කී කතාව
• සිකුරු හතේ මඟුල් කපුවා වූ බරණැස් කුමාරයා
• දේවිකා මිහිරාණි විජය ගැන ලියූ ආදරණීය කවි පෙළක්