দেৱযানী খোব্ৰাগড়ে

দেৱযানী খোব্ৰাগড়ে (Devyani Khobragade) ভাৰতীয় বৈদেশিক সেৱাৰ কেডাৰৰ এগৰাকী কেন্দ্ৰীয় চৰকাৰী চাকৰিয়াল বা কূটনীতিবিদ। আমেৰিকাৰ নিউয়ৰ্ক চহৰত ভাৰতীয় কনছুলত নিযুক্তি পোৱাৰ সময়ত ভিছা জালিয়াতিৰ অভিযোগ উত্থাপন হোৱাৰ পিছত বাতৰিৰ শিৰোনাম দখল কৰিছিল দেৱযানীয়ে। বৰ্তমান তেওঁ ভাৰতৰ দূতাবাস ফ্নম পেনত কম্বোডিয়াত ভাৰতৰ ৰাষ্ট্ৰদূত হিচাপে কাৰ্যনিৰ্বাহ কৰি আছে।^১

প্ৰাৰম্ভিক জীৱন

১৯৭৪ চনৰ ২৫ মে'ত মহাৰাষ্ট্ৰৰ তাৰাপুৰত মহাৰাষ্ট্ৰৰ গাডচিৰোলিৰ বৌদ্ধ পৰিয়ালত খোব্ৰাগড়েৰ জন্ম হৈছিল।^২৩ খোব্ৰাগড়েৰ পিতৃ উত্তম খোব্ৰাগড়ে ভাৰতীয় প্ৰশাসনিক সেৱাৰ এজন বিষয়া আছিল।^২ যদিও, তেওঁ একাধিক দুৰ্নীতি কেলেংকাৰীত জড়িত হৈ বিতৰ্কৰ সম্মুখীন হৈছিল।^৪৫৬

দেৱযানী মুম্বাইৰ মাউণ্ট কাৰ্মেল হাইস্কুলৰ পৰা শিক্ষা লাভ কৰিছিল। ইয়াৰ পিছত কিং এডৱাৰ্ড মেম'ৰিয়েল হাস্পতাল আৰু ছেথ গৰ্ধণ্ডাছ সুন্দৰদাছ মেডিকেল কলেজৰ পৰা চিকিৎসা বিজ্ঞানত ডিগ্ৰী লাভ কৰিছিল।^৭

কৰ্মজীৱন

১৯৯৯ চনত খোব্ৰাগড়ে ভাৰতীয় বৈদেশিক সেৱাত যোগদান কৰে। ২০১২ চনত তেওঁ নিউয়ৰ্কৰ ভাৰতৰ কনছুলেট জেনেৰেলত নিযুক্তি লাভ কৰে আৰু ২০১৩ চনৰ ডিচেম্বৰ মাহলৈকে তেওঁ ডেপুটি কনছুল জেনেৰেল হিচাপে কাৰ্যনাৰ্বাহ কৰে। ভাৰপ্ৰাপ্ত কনছুল জেনেৰেল হিচাপে তেওঁ ২০১৩ চনৰ এপ্ৰিল মাহত নিউয়ৰ্কত থকা অষ্ট্ৰেলিয়াৰ কনছুলেট জেনেৰেলত ভাৰতত মহিলাৰ অধিকাৰ আৰু জনগাঁথনিৰ প্ৰভাৱৰ ওপৰত নিজৰ ব্যক্তিগত দৃষ্টিভংগী আগবঢ়ায়।^২

২০১৪ চনৰ ২০ জানুৱাৰীত তেওঁক নতুন দিল্লীলৈ ডেভেলপমেণ্ট পাৰ্টনাৰশ্বিপ এডমিনিষ্ট্ৰেচন (ডিপিএ)ৰ সঞ্চালিকা হিচাপে নিযুক্তি দিয়া হয়।^৮ ২০১৪ চনৰ ডিচেম্বৰ মাহত বৈদেশিক পৰিক্ৰমা মন্ত্ৰালয়ে তেওঁক এই পদৰ পৰা আঁতৰাই "বাধ্যতামূলক অপেক্ষা"ত ৰাখে।^৯ ২০১৫ চনৰ জুলাই মাহত তেওঁক পুনৰ নিযুক্তি দিয়া হয়। এইবাৰ তেওঁ কেৰালাৰ ৰাজ্য চৰকাৰ বিভাগত।^{১০১১১২}

খোব্ৰাগড়ে ২০১২ চনত চেভেনিং ৰ'লছ ৰয়েছৰ বৃত্তিৰ বাবে নিৰ্বাচিত হয়।^১৩ ২০২০ চনৰ ২ অক্টোবৰত তেওঁক কম্বোডিয়াত ভাৰতৰ ৰাষ্ট্ৰদূত হিচাপে নিযুক্তি দিয়া হয়।^১৪

ব্যক্তিগত জীৱন

খোব্ৰাগড়ে ইটালীৰ ৰোমৰ লুইছ বিশ্ববিদ্যালয়ৰ গৱেষণা অধ্যাপক আকাশ সিং ৰাথোৰৰ সৈতে বিবাহ হৈছিল।^১৫

বিতৰ্ক

আদৰ্শ হাউছিং ছ’চাইটিৰ কেলেংকাৰিৰ বাবে পিতৃ উত্তম খোব্ৰাগড়ে সৈতে দেৱযানী খোব্ৰাগড়েৰ কাণ্ডৰ উপৰিও অনান্য কাৰণত তেওঁৰ নামে প্ৰায়েই বাতৰিৰ শিৰোনাম দখল কৰিছিল।