দেবত্তমা সাহা

দেবত্তমা সাহা (Debattama Saha) এগৰাকী ভাৰতীয় অভিনেত্ৰী আৰু গায়িকা যিয়ে মূলতঃ হিন্দী আৰু বাংলা টেলিভিছনত কাম কৰে। চনী টিভিৰ ৰোমান্টিক কমেডী ধাৰাবাহিক ঈশাৰো ঈশাৰো ম্য‍ে আৰু ষ্টাৰ প্লাছৰ ৰোমান্টিক নাটক শৌৰ্য ঔৰ অনোখী কি কাহানীৰ মুখ্য চৰিত্ৰত কৰা অভিনয়ৰ বাবে‍ তেওঁ বেছিকৈ পৰিচিত।

শেহতীয়াকৈ তেওঁ শ্বাহজাদা ছবিত অভিনয় কৰি বলীউডৰ বোলছবিত আত্মপ্ৰকাশ কৰে৷

প্ৰাথমিক জীৱন

দেবত্তমা সাহাৰ জন্ম মূলতঃ অসমৰ শিলচৰৰ।^১২ তেওঁৰ মতে পিতৃৰ আপত্তিৰ বাবে তেওঁক সৰুতে মাকে গোপনে গায়ন আৰু নৃত্যশিল্পৰ প্ৰশিক্ষণ দিয়াৰ ব্যৱস্থা কৰিছিল।^১ শিলচৰৰ ডন বস্কো হাইস্কুলৰ পৰা অধ্যয়ন সম্পূৰ্ণ কৰি কলকাতাৰ এমিটি ইউনিভাৰ্চিটিৰ পৰা ইংৰাজী বিষয়ত অনাৰ্ছসহ স্নাতক ডিগ্ৰী লাভ কৰে।^৩

কৰ্মজীৱন

সাহাই ২০১৬ চনত কালাৰছ বাংলাৰ এ অমৰ গুৰুদক্ষিণাৰ জৰিয়তে নিজৰ কেৰিয়াৰ আৰম্ভ কৰিছিল৷ সুমন দে আৰু বিশ্বৰূপ বন্ধোপাধ্যায়ৰ বিপৰীতে শোই/উমা/নয়ন্তৰৰ চৰিত্ৰত অভিনয় কৰিছিল।^৪ নৃত্যশিল্পী হিচাপেও প্ৰশিক্ষণ কামত লগাইছে৷^৫

২০১৯ চনত চনী টিভিৰ ৰোমান্টিক কমেডী ধাৰাবাহিক ঈশাৰো ঈশাৰো ম্য‍েত আত্মপ্ৰকাশ কৰি‍ ড° পৰিনীতি গাংগুলীৰ সমান্তৰাল মুখ্য চৰিত্ৰত মুদি নায়াৰ আৰু ছিমৰণ পৰেঞ্জাৰ বিপৰীতে অভিনয় কৰে৷^৬ শ্ব’টোৰ প্ৰচাৰমূলক ভিডিঅৰ নৃত্যত নৃত্য পৰিৱে‍শন আৰু কৰিঅ’গ্ৰাফী কৰাত সহায় কৰিছিল।^৫

২০২০ চনৰ পৰা ২০২১ চনলৈ ষ্টাৰপ্লাছ টেলিভিছন ধাৰাবাহিক শৌৰ্য ঔৰ অনোখী কি কাহানীত কৰণবীৰ শৰ্মাৰ বিপৰীতে অনোখী ভল্লাৰ মুখ্য চৰিত্ৰত অভিনয় কৰিছিল।^১৭৮ ২০২১ চনত শৌৰ্য ঔৰ অনোখী কি কাহানীৰ অন্ত পৰাৰ পাছত জো তেৰা হােৱেগা ভিডিঅ’ গীতটোও গাইছিল আৰু তেওঁ ভিডিঅ’টো পৰিচালনা কৰা শৰ্মাৰ সৈতেও অভিনয় কৰিছিল। আখে‍ বন্ধ কৰ্ক‍ে আৰু মুবাৰক হো নামৰ মিউজিক ভিডিঅ’তো তেওঁক শৰ্মাৰ সৈতে দেখা গৈছিল।

২০২২ চনত আশিস ভৰদ্বাজৰ বিপৰীতে জী টিভি ধাৰাবাহিক মিঠাইত তেওঁক মিঠাই গোসাঁইৰ চৰিত্ৰত দেখা গৈছিল।^৯১০

২০২৩ চনত ৰোহিত ধাৱন পৰিচালিত চিনেমা শ্বাহজাদাত নিশা উপাধ্যায়ৰ চৰিত্ৰত তেওঁক দেখা গৈছিল।^১১

২০২৩ চনৰ ১২ মে’ত তেওঁ ভিডিঅ’ গীত ৰঞ্জনাত গাইছিল আৰু অভিনয় কৰিছিল। ২০২৪ চনৰ এপ্ৰিল মাহৰ পৰা কালাৰ্ছ টিভিৰ কৃষ্ণ মোহিনীত ফহমান খানৰ বিপৰীতে কৃষ্ণ যোশীৰ চৰিত্ৰত অভিনয় কৰিছিল।^১২

এক সাক্ষাৎকাৰত দেবত্তমাই নিজৰ মনৰ ভাব প্ৰকাশ কৰি এনেদৰে উল্লেখ কৰিছে,"মোৰ জন্মস্থান অসমলৈ গ’লে এতিয়া মোৰ নিজকে‍ চেলিব্ৰিটি যেন লাগে। তেওঁলোকে মোৰ বাবে অনুষ্ঠান আয়োজন কৰে আৰু কি কি যে নকৰে‍! মানুহে মোক ট্ৰেকটো কেনেকৈ আগবাঢ়িব আৰু মোৰ চৰিত্ৰটোৰ বিষয়ে সোধে‍ আৰু মই ইমানেই সুখী অনুভৱ কৰোঁ যে তেওঁলোকে নিয়মিতভাৱে মোৰ ধাৰাবাহিক চায়। আনকি কলকাতাতো মানুহে মোৰ সৈতে‍ চেলফি তুলিবলৈ‍ অনুৰোধ কৰে৷"^১৩

ফিল্মগ্ৰাফী

টেলিভিছন

বোলছবি

মিউজিক ভিডিঅ'