দিশা পাৰমাৰ

দিশা পাৰমাৰ বৈদ্য (Disha Parmar Vaidya; জন্ম: ১১ নৱেম্বৰ ১৯৯৪) হিন্দী টেলিভিছন জগতৰ এগৰাকী ভাৰতীয় অভিনেত্ৰী। ২০১২ চনত অভিনয়ত আত্মপ্ৰকাশ কৰা দিশাই প্যাৰ কা দৰদ হায় মীথা মীথা প্যাৰা প্যাৰা ছবিখনত পংকুৰি গুপ্তাৰ চৰিত্ৰত অভিনয় কৰি পৰিচয় লাভ কৰে। বড়ে অচ্ছে লগাতে হায় ২ত প্ৰিয়া ছুদৰ চৰিত্ৰত অভিনয় কৰি তেওঁ বহুল স্বীকৃতি লাভ কৰে।^১২

প্ৰাৰম্ভিক জীৱন

দিশা পাৰমাৰে ১৯৯৪ চনৰ ১১ নৱেম্বৰত নতুন দিল্লীত জন্মগ্ৰহণ কৰিছিল।^৩ পৰৱৰ্তী সময়ত তেওঁ দিল্লীৰ সাধু বাসৱানী ইণ্টাৰনেশ্যনেল স্কুলৰ পৰা স্কুলীয়া শিক্ষা সমাপ্ত কৰিছিল। উচ্চতৰ মাধ্যমিক শিক্ষাৰ সময়ছোৱাত তেওঁ নৃত্য প্ৰতিযোগিতা, নাটক আৰু ফেশ্বন শ্ব'ত অংশগ্ৰহণ কৰিছিল।^৪

দিল্লীত কেইবাটাও ছপা আৰু বাণিজ্যিক বিজ্ঞাপনত পাৰমাৰে অভিনয় কৰিছিল। দিশাই বিজনেছ মাৰ্কেটিঙত স্নাতক শিক্ষা লাভ কৰি আছিল যদিও ধাৰাবাহিক 'প্যাৰ কা দৰ্দ হায় মীথা মীথা প্যাৰা প্যাৰা'ৰ বাবে নিৰ্বাচিত হোৱাত দিশাই স্নাতক অধ্যয়ন মাজভাগত এৰি থৈ যায়।^৫৬

ব্যক্তিগত জীৱন

গায়ক ৰাহুল বৈদ্যই তেওঁৰ জন্মদিনত দিশা পৰমাৰক বিবাহৰ প্ৰস্তাৱ দিছিল, বিগ বছ ১৪ত তেওঁৰ অংশগ্ৰহণৰ সময়ছোৱাত।^৭৮ পাৰমাৰে ২০২১ চনৰ ১৬ জুলাইত মুম্বাইত বৈদ্যৰ সৈতে বিবাহপাশত আবদ্ধ হয়।^৯১০

কেৰিয়াৰ

এবছৰ ধৰি পাৰমাৰে দিল্লীস্থিত কোম্পানী এলিট মডেল মেনেজমেণ্ট ইণ্ডিয়া প্ৰাইভেট লিমিটেডত কাম কৰিছিল। তেওঁ ৰাজশ্ৰী প্ৰডাকচনৰ বাবে অডিচনৰ আয়োজন কৰে।

অডিচনৰ বাবে নামভৰ্তি কৰি প্যাৰ কা দৰ্দ হায় মীথা মীথা প্যাৰা প্যাৰা ধাৰাবাহিকত পাংকুৰিৰ মুখ্য চৰিত্ৰৰ বাবে দিশা নিৰ্বাচিত হয়। সেই সময়ত তেওঁৰ বয়স আছিল ১৭ বছৰ।^১১ সহ-অভিনেতা নকুল মেহতাৰ সৈতে আগবঢ়োৱা প্ৰদৰ্শনৰ বাবে তেওঁ প্ৰশংসা লাভ কৰিছে।ধাৰাবাহিকখনৰ লগতে দিশাই সমান্তৰালভাৱে বিজ্ঞাপনতো কাম কৰি থাকিল।^১২ She continued working in commercials along with the serial.^১৩

২০১৬ চনত পাৰমাৰে আৰ্‌ৰেৰ দ্বাৰা মুকলি হোৱা ৱেব ধাৰাবাহিক আই ডন'ট ৱাচ টিভিত অভিনয় কৰে।^১৪ ২০১৭ চনত জি টিভিৰ দৈনিক ধাৰাবাহিক ৱহ আপনা সাত জিয়া/জাহ্নৱীৰ মুখ্য চৰিত্ৰত অভিনয় কৰে।^১৫

ৰাহুল বৈদ্যৰ সৈতে মিউজিক ভিডিঅ' "য়াদ তেৰী" আৰু "মাধন্যা" দুয়োটাতে দিশাই অভিনয় কৰিছিল। পিছলৈ ২০১৪ চনত বক্স ক্ৰিকেট লীগত খেলুৱৈ হিচাপে তেওঁক দেখা যায়। ভেলেন্টাইন ডে'ত প্ৰেমিক ৰাহুল বৈদ্যক লগ কৰিবলৈ বিগ বছ ১৪ত অতিথি হিচাপেও অংশগ্ৰহণ কৰে।^১৬

২০২১ চনৰ আগষ্ট মাহৰ পৰা পাৰমাৰে একতা কাপুৰৰ বড়ে আচ্ছে লগা হায় ২ত প্ৰিয়াৰ চৰিত্ৰত অভিনয় কৰিছে।^১৭ দিশাই অভিনয়ৰ বাবে ইতিবাচক সমালোচনা লাভ কৰে আৰু মেহতাৰ সৈতে আগবঢ়োৱা অভিনয়ৰ বাবে তেওঁ বহুল প্ৰশংসিত হয়।^১৮

বঁটা আৰু মনোনয়ন