তবচ্ছুম আদনান

তবচ্ছুম আদনান (تبسم عدنان; জন্ম ১৯৭৭) স্বাত উপত্যকাৰ এগৰাকী পাকিস্তানী মহিলা অধিকাৰ কৰ্মী। পাকিস্তানী মহিলাসকলৰ ন্যায় বিচৰাৰ প্ৰচেষ্টাৰ বাবে তেওঁ ২০১৫ চনৰ আন্তঃৰাষ্ট্ৰীয় মহিলা সাহস বঁটা লাভ কৰে।^১

জীৱনী

১৯৭৭ চনত জন্মগ্ৰহণ কৰা তবচ্ছুম আদনান পাকিস্তানৰ শ্বাট উপত্যকাত ডাঙৰ-দীঘল হৈছিল।^২ ১৩ বছৰ বয়সত শিশু কন্যা, চাৰিটা সন্তানৰ মাতৃ আৰু ঘৰুৱা হিংসাৰ বলি হোৱাৰ পিছত ২০ বছৰীয়া স্বামীৰ সৈতে বিবাহ বিচ্ছেদ হয়৷ গৃহহীন আৰু সহায়হীন^১ আদনানে স্থানীয় সাহায্য গোটৰ দ্বাৰা পৰিচালিত মহিলা সবলীকৰণ কাৰ্যসূচীত অংশগ্ৰহণ কৰে। ই তেওঁক সিদ্ধান্ত গ্ৰহণ প্ৰক্ৰিয়াত অংশগ্ৰহণৰ মহিলাসকলৰ ক্ষমতা সলনি কৰাৰ বাবে কাম কৰিবলৈ অনুপ্ৰাণিত কৰিছিল। প্ৰথম অৱস্থাত তেওঁ কেৱল পুৰুষৰ বাবে প্ৰধান স্বত অমন জিৰ্গাৰ কাষ চাপিছিল যদিও নাকচ কৰা হৈছিল।^২জিৰ্গাছ হৈছে পৰম্পৰাগত অনানুষ্ঠানিক ন্যায়িক পৰিষদ যিয়ে কিছাছ, প্ৰতিশোধ আইন বলবৎ কৰে৷^৩ আৰু যদিও আনুষ্ঠানিক ন্যায়িক ব্যৱস্থা বা আৰক্ষীৰ পদ্ধতিৰ ঠাই লোৱাৰ উদ্দেশ্য নহয়, বয়োজ্যেষ্ঠসকলৰ সিদ্ধান্ত সামাজিকভাৱে সন্মানীয় আৰু ই প্ৰায়ে ন্যায়পালিকাৰ ওপৰত প্ৰভাৱ পেলায়।^৪

২০১৩ চনৰ মে' মাহত আদনানে নিজাকৈ জিৰগা আৰম্ভ কৰে,^৪ যিটো দেশৰ প্ৰথমটো মহিলাৰ দ্বাৰা পৰিচালিত জিৰ্গা। পৰম্পৰাগতভাৱে এই অঞ্চলৰ মহিলাসকলক পুৰুষৰ বিবাদ নিষ্পত্তি কৰিবলৈ, ঋণ, সন্মানৰ দাবী আৰু অপৰাধৰ প্ৰতিশোধৰ বাবে বিবাহৰ ব্যৱসায় কৰা হৈছে। মহিলাৰ ক্ষমতা কম হোৱাৰ বাবে আদনানে স্বীকাৰ কৰিছিল যে তেওঁৰ দলটোৱে কৰ্তৃপক্ষক কাম কৰিবলৈ হেঁচা প্ৰয়োগ কৰিব লাগিব। তেওঁৰ ২৫ জনীয়া সৰ্বমহিলা জিৰ্গাই আৰক্ষী আৰু পৰম্পৰাগত আদালত ব্যৱস্থাক ভুক্তভোগীসকলক আইনী সহায় আগবঢ়োৱাৰ লগতে কাম কৰিবলৈ হেঁচা প্ৰয়োগ কৰে।^৫ খ্বেণ্ডো জিৰ্গা বা ভগ্নী পৰিষদে মহিলাসকলক ন্যায়ৰ সহায় আগবঢ়োৱাৰ উপৰি ছোৱালীৰ বাবে বিনামূলীয়া শিক্ষাৰ পোষকতা কৰে; মহিলা আৰু ছোৱালীৰ স্বাস্থ্যৰ সুৰক্ষা; পৰম্পৰাগত ঘৰুৱা আৰু অগতানুগতিক বৃত্তিমূলক দক্ষতা দুয়োটাতে প্ৰশিক্ষণ; ক্ষুদ্ৰ বিত্তীয় সাহায্য, মহিলাসকলৰ বাবে শান্তি আলোচনা, ন্যায়, আৰু ভোটদানৰ সুবিধা; আৰু মহিলাসকলক হিংসাৰ পৰা ৰক্ষা কৰা আইন,^৬ বিশেষকৈ, হত্যা, যৌতুকৰ হাৰাশাস্তি,^৭ এচিড আক্ৰমণ আৰু নিৰ্যাতনক অগ্ৰাধিকাৰ দিয়ে। প্ৰথম অৱস্থাত খ্ৱেণ্ডো জিৰ্গাক পুৰুষৰ জিৰ্গা আৰু বিশিষ্ট মহিলা অধিকাৰ কৰ্মী দুয়োয়েই বিৰোধিতা কৰিছিল।^৮

বঁটা

২০১৩ চনত আদনানক হিউমেন ডিফেণ্ডাৰছ বঁটাৰে সন্মানিত কৰা হয়৷^৯ ২০১৪ চনত তেওঁ এন-পিচ এম্পাৱাৰমেণ্ট বঁটাৰ বাবে মনোনীত হয়,^১০ আৰু ২০১৫ চনত তেওঁ আমেৰিকাৰ বিদেশ বিভাগৰ আন্তৰ্জাতিক সাহসী মহিলা বঁটা লাভ কৰে।^১ ২০১৬ চনৰ নেলছন মেণ্ডেলা বঁটা লাভ কৰিছে।