টেয়া অ’ব্ৰেট

টেয়া অ’ব্ৰেট (ইংৰাজী ভাষা: Téa Obreht; জন্মগত নাম: টেয়া বাজৰাক্টায়েভিচ; ৩০ ছেপ্টেম্বৰ ১৯৮৫) এগৰাকী আমেৰিকান ঔপন্যাসিকা।^১২৩ তেওঁ তেওঁৰ প্ৰথম উপন্যাস দ্য টাইগাৰ্ছ ৱাইফৰ বাবে ২০১১ চনত অৰেঞ্জ প্ৰাইজ ফৰ ফিকচন লাভ কৰিছিল।^৪৫

জীৱনী

টেয়া অ’ব্ৰেটৰ জন্ম ১৯৮৫ চনৰ শৰৎকালত বেলগ্ৰেডত হৈছিল। তেওঁ মাক মায়াৰ একমাত্ৰ সন্তান আছিল। তেওঁৰ দেউতাক এজন বচনীয়ান (Bosniak) লোক আছিল যদিও তেওঁ কেতিয়াও পৰিয়ালটোৰ সৈতে জড়িত নাছিল। পিতৃ অবিহনে ডাঙৰ-দীঘল হোৱাৰ বাবে তেওঁ ককা-আইতাকৰ খুব নলে-গলে লগা আছিল। বিশেষকৈ জাৰ্মান মূলৰ শ্লোভেনিয়ান ককাক ষ্টিফান আৰু বচনীয়ান আইতাক জাহিদাৰ সৈতে তেওঁৰ ঘনিষ্ঠতা আছিল।

দক্ষিণ কেলিফৰ্ণিয়া বিশ্ববিদ্যালয়ৰপৰা স্নাতক ডিগ্ৰী লাভ কৰাৰ পাছত,^৬ অ’ব্ৰেটে ২০০৯ চনত কৰ্নেল বিশ্ববিদ্যালয়ৰ সৃজনশীল লিখনী পাঠ্যক্ৰমৰপৰা কাল্পনিক সাহিত্যত MFA ডিগ্ৰী লাভ কৰে।^৭

অ’ব্ৰেটৰ লিখনি দ্য নিউয়ৰ্কাৰ, জোৱেট্ৰ’প: অল-ষ্ট’ৰী, হাৰ্পাৰ্ছ মেগাজিন, দ্য নিউয়ৰ্ক টাইমছ আৰু দ্য গাৰ্ডিয়ানৰ লগতে বিভিন্ন গল্প সংকলনত প্ৰকাশ পাইছে।^৮৯

সংবাদ মাধ্যমৰ সাক্ষাৎকাৰত অ’ব্ৰেটে তেওঁৰ লিখনীত কলম্বিয়ান ঔপন্যাসিক গেব্ৰিয়েল গাৰ্চিয়া মাৰ্কেজ, যুগোশ্লাভিয়াৰ নোবেল বিজয়ী ইভো আন্দ্ৰিচ, ৰেমণ্ড চেণ্ডলাৰ, আৰ্নেষ্ট হেমিংৱে, ইছাক ডিনেচেন, ৰাছিয়ান লেখক মিখাইল বুলগাকভ আৰু শিশু সাহিত্যিক ৰোল্ড ডালৰ প্ৰভাৱৰ কথা উল্লেখ কৰিছে।^১০

অ’ব্ৰেট আইৰিছ লেখক ডেন শ্বিহানৰ সৈতে বিবাহপাশত আবদ্ধ হয়।^১১১২

দ্য টাইগাৰ্ছ ৱাইফ

মূল প্ৰবন্ধ: দ্য টাইগাৰ্ছ ৱাইফদ্য টাইগাৰ্ছ ৱাইফ ২০১০ চনত উইডেনফেল্ড এণ্ড নিকোলছনৰদ্বাৰা প্ৰকাশিত হৈছিল।^১৩ ই বলকানৰ এখন নামবিহীন দেশৰ পটভূমিত বৰ্তমান আৰু আধা শতিকা আগৰ কাহিনীৰে সমৃদ্ধ এখন উপন্যাস। ইয়াত এগৰাকী যুৱ চিকিৎসকৰ নিজৰ ককাকৰ সৈতে থকা সম্পৰ্ক আৰু ককাকে তেওঁক কোৱা কাহিনীসমূহ প্ৰদৰ্শন কৰা হৈছে। এই কাহিনীসমূহ এজন "অমৰ মানুহ" (deathless man)ৰ বিষয়ে যিয়ে তেওঁক বিভিন্ন সময়ত বিভিন্ন ঠাইত লগ পাইছিল আৰু যি কেতিয়াও বৃদ্ধ নহয়; লগতে ককাকৰ শৈশৱৰ গাঁৱৰ এগৰাকী বধিৰ-মূক ছোৱালীৰ কাহিনী যিয়ে চিৰিয়াখানাৰপৰা পলাই অহা এটা বাঘৰ সৈতে বন্ধুত্ব কৰিছিল। এই উপন্যাসখনৰ বেছিভাগ অংশ তেওঁ কৰ্নেল বিশ্ববিদ্যালয়ত থকাৰ সময়তে লিখা হৈছিল, আৰু ২০০৯ চনৰ জুন মাহত দ্য নিউয়ৰ্কাৰত ইয়াৰ একাংশ উদ্ধৃত কৰা হৈছিল।^১৪ এগৰাকী বিশ্ববিদ্যালয়ৰ সাংবাদিকে উপন্যাসখনৰ সাৰাংশ দিবলৈ কোৱাত অ’ব্ৰেটে উত্তৰ দিছিল, "এয়া বলকানৰ এক কাল্পনিক প্ৰদেশত ঘটা এটা পাৰিবাৰিক কাহিনী। এয়া এগৰাকী মহিলা কথক আৰু চিকিৎসক ককাকৰ সৈতে তেওঁৰ সম্পৰ্কৰ বিষয়ে। বলকানৰ এই সকলোবোৰ যুদ্ধৰ সময়ত চিকিৎসকসকল আৰু মৃত্যুৰ সৈতে তেওঁলোকৰ সম্পৰ্কৰ এক কাহিনী।" ^৫

দ্য টাইগাৰ্ছ ৱাইফ-এ ২০১১ চনত (২০১০ চনৰ প্ৰকাশনৰ বাবে) ব্ৰিটিছ অৰেঞ্জ প্ৰাইজ ফৰ ফিকচন লাভ কৰিছিল। ১৯৯৬ চনত স্থাপিত হোৱা আৰু সমগ্ৰ বিশ্বৰ মহিলাৰ লিখনীত "উৎকৃষ্টতা, মৌলিকতা আৰু সুলভতা"ক স্বীকৃতি দিয়া এই বাৰ্ষিক বঁটাটো লাভ কৰা অ’ব্ৰেট আছিল সৰ্বকনিষ্ঠ বিজয়ী।^১৫ ২০১১ চনৰ শেষৰফালে তেওঁ সেই বছৰৰ আমেৰিকাৰ নেশ্যনেল বুক এৱাৰ্ড ফৰ ফিকচনৰ বাবেও চূড়ান্ত প্ৰতিযোগী আছিল।^১৬

ইনলেণ্ড

ইনলেণ্ড ২০১৯ চনত পেংগুইন ৰেনডম হাউচৰদ্বাৰা প্ৰকাশিত হৈছিল।^১৭ ই ১৯ শতিকাৰ শেষৰফালৰ আমেৰিকান পশ্চিমৰ পটভূমিত ৰচিত।^১৮

দ্য মৰ্নিংছাইড

অ’ব্ৰেটৰ তৃতীয় উপন্যাস দ্য মৰ্নিংছাইড ২০২৪ চনত প্ৰকাশিত হয়।^১৯

বঁটা আৰু সন্মান

গ্ৰন্থপঞ্জী

উপন্যাস

• Obreht, Téa. (2011). দ্য টাইগাৰ্ছ ৱাইফ. উইডেনফেল্ড এণ্ড নিকোলছন. ISBN 9780297859017^৩২
• Obreht, Téa. (2019). ইনলেণ্ড. ৰেনডম হাউচ. ISBN 9780812992861^৩৩
• Obreht, Téa. (2024). দ্য মৰ্নিংছাইড. ৰেনডম হাউচ. ISBN 9781984855503^{৩৪৩৫৩৬}

চুটিগল্প

• Obreht, Téa. (Aug 2009). The Laugh. The Atlantic
• Obreht, Téa. (Summer 2010). The Sentry. The Guardian

প্ৰবন্ধ আৰু প্ৰতিবেদন

• Obreht, Téa. (Nov 2010). Twilight of the Vampires: Hunting the Real-Life Undead. Harper's Magazine
• Obreht, Téa. (December 19–26, 2016). David Attenborough's Exploration of Nature's Marvels and Brutality. The New Yorker. পৃ. 104^৩৭

বাহ্যিক সংযোগ

• Téa Obreht official website
• Archive at The Atlantic
• 2011 radio interview (one hour) at The Bat Segundo Show
• Tea Obreht Reads From Her Novel, 'The Tiger's Wife', PBS NewsHour, 1 April 2011
• 2011 Orange Prize Winner, Orange Prize for Fiction, 8 June 2011