জ্যোৎস্না য়াগনিক

জ্যোৎস্না য়াগনিক (Jyotsna Yagnik) ভাৰতৰ এগৰাকী অৱসৰপ্ৰাপ্ত ভাৰতীয় ন্যায়াধীশ আৰু শিক্ষাবিদ।

উল্লেখযোগ্য বিচাৰ

নৰোদা পাটিয়াৰ হত্যাকাণ্ডৰ ৰায়

২০১২ চনত গুজৰাটত নৰোদা পাটিয়া হত্যাকাণ্ডৰ গোচৰত ১৯০০ পৃষ্ঠাৰ ৰায়দান কৰি য়াগনিকে গুজৰাটৰ প্ৰাক্তন মন্ত্ৰী তথা ভাৰতীয় জনতা পাৰ্টীৰ নেত্ৰী মায়া কোডনানীকে ধৰি ৩২ জন লোকক যাৱজ্জীৱন কাৰাদণ্ডৰ শাস্তি প্ৰদান কৰিছিল। কোডনানীক ২৮ বছৰৰ কাৰাদণ্ড বিহা হয়। শাস্তি পোৱা আন কেইজনৰ ভিতৰত আছে বজৰং দলৰ নেতা বাবু বজৰংগী।^{১২৩৪৫৬৭৮৯}

মৃত্যুদণ্ডৰ ওপৰত মতামত

মৃত্যুদণ্ডই মানৱ মৰ্যাদাক ক্ষতিগ্ৰস্ত কৰে বুলি য়াগনিকে মৃত্যুদণ্ড প্ৰদান কৰা নাছিল।^{১০১১১২১৩১৪১৫১৬১৭}

ৰায়দানৰ পিছৰ পৰিণতি

ৰায়দানৰ পিছতে য়াগনিকে মৃত্যুৰ ভাবুকি লাভ কৰিছিল৷ তেওঁক জেড কেটেগৰী ছিকিউৰিটি দিয়া হৈছিল। তেওঁক ভাবুকি দিয়াৰ অপৰাধত এজন লোকক গ্ৰেপ্তাৰ কৰা হয়।.^{১৮১৯২০২১}

অন্যান্য উল্লেখযোগ্য গোচৰত বিচাৰক

২০০৮ চনত য়াগনিকে এটা হাই-প্ৰফাইল দলবদ্ধ ধৰ্ষণৰ গোচৰত ৫ জন ব্যক্তিক যাৱজ্জীৱন কাৰাদণ্ডৰ আদেশ দিয়ে।^{২২২৩২৪২৫}] তেওঁ বৌদ্ধিকভাৱে অক্ষম এগৰাকী নাবালিকা ছোৱালীকে ধৰি ধৰ্ষণ বা ধৰ্ষণৰ চেষ্টাৰ সৈতে জড়িত অন্যান্য গুৰুত্বপূৰ্ণ বিচাৰৰ সভাপতিত্ব কৰিছে।^২৬২৭

শৈক্ষিক জীৱন

য়াগনিকে আদামাছ বিশ্ববিদ্যালয়ৰ প্ৰ' ভাইচ-চান্সেলৰ (আৰু স্কুল অৱ ল এণ্ড জাষ্টিছৰ ডীন) হিচাপে কাম কৰিছিল, আৰু গুজৰাট ফৰেনছিক বিজ্ঞান বিশ্ববিদ্যালয়, ৰক্ষা শক্তি বিশ্ববিদ্যালয় আৰু নিৰ্মা বিশ্ববিদ্যালয়ত অধ্যাপক হিচাপে কাম কৰিছিল।^{২৮২৯৩০}