জ্যোতি দেশপাণ্ডে

জ্যোতি দেশপাণ্ডে: Jyoti Deshpande; এগৰাকী ভাৰতীয় ব্যৱসায়ী আৰু চলচ্চিত্ৰ প্ৰযোজক আৰু ভায়াকম ১৮ ৰ প্ৰাক্তন চিইঅ'। জ্যোতি পূর্বতে Eros International-ৰ গ্ৰুপ CEO আৰু ব্যৱস্থাপনা পৰিচালক হিচাপে কৰ্মৰত আছিল।^১২৩ তেওঁ ফিচিচিৰ মিডিয়া এণ্ড এণ্টাৰটেইনমেণ্ট কমিটিৰ প্ৰাক্তন সহ-অধ্যক্ষও আছিল।^৪৫

ফৰ্চুন ইণ্ডিয়াৰ লগতে বিজনেছ টুডেৰ ৫০ গৰাকী বিজনেছৰ আটাইতকৈ শক্তিশালী মহিলাৰ তালিকাতো তেওঁক অন্তৰ্ভুক্ত কৰা হৈছে।^৬

প্ৰাৰম্ভিক জীৱন আৰু শিক্ষা

দেশপাণ্ডেৰ জন্ম হৈছিল ১৯৭২ চনত ভাৰতৰ মুম্বাইত।

তেওঁ নাৰ্চী মঞ্জী কলেজ অৱ কমাৰ্চ এণ্ড ইকনমিক্সৰ পৰা বাণিজ্য আৰু অৰ্থনীতিত স্নাতক ডিগ্ৰী লাভ কৰে। কলেজত পঢ়ি থকা সময়ছোৱাত পঢ়াৰ খৰচ পাতি উলিয়াবলৈ টিউচন কৰিব লগা হৈছিল। তেনেদৰে ১৯৯৩ চনত মুম্বাই বিশ্ববিদ্যালয়ৰ এছ পি জৈন ইনষ্টিটিউট অৱ মেনেজমেণ্ট এণ্ড ৰিচাৰ্চৰ পৰা এম বি এ বিষয়ত উৰ্ত্তীণ হৈছিল।^{৭৮৯১০১১}

কৰ্ম জীৱন

এম বি এ সমাপ্ত কৰাৰ পিছত জ্যোতি দেশপাণ্ডে ব্ৰিটেইনৰ মাইণ্ডশ্বেয়াৰ মিডিয়া নামৰ এটা প্ৰতিষ্ঠানত এটা পদ অধিগ্ৰহণ কৰে। সেই সময়ত তেওঁ এগৰাকী জ্যেষ্ঠ পৰামৰ্শদাতা আছিল। তাৰ পিছত তেওঁ জি নেটৱৰ্কৰ বিক্ৰী আৰু বিপণন মুৰব্বী আছিল। জি নেটৱৰ্কত কাম কৰাৰ পিছত জেমছ ৱালটাৰ থম্পছন নামৰ এটা বিজ্ঞাপন প্ৰতিষ্ঠানত কাম কৰিবলৈ যায়। ১৯৯৯ চনৰ পৰা ২০০১ চনৰ ভিতৰত B4U টেলিভিছন নেটৱৰ্ক গঠন কৰা জ্যেষ্ঠ পৰিচালনা দলৰ সদস্য আছিল।^১২ ২০১৮ চনত তেওঁ ৰিলায়েন্স ইণ্ডাষ্ট্ৰীজত মিডিয়া প্লেটফৰ্ম এণ্ড কন্টেন্টৰ সভানেত্ৰী হিচাপে যোগদান কৰে আৰু মুকেশ আম্বানীক পোনপটীয়াকৈ প্ৰতিবেদন দিয়ে।^১৩১৪

ভায়াকম ১৮ মিডিয়া প্ৰাইভেট লিমিটেডৰ প্ৰাক্তন চিইঅ’আছিল।^১৫ তেওঁ পূৰ্বে গ্ৰুপৰ চিইঅ' আৰু ইৰ'ছ ইণ্টাৰনেশ্যনেলৰ পৰিচালন সঞ্চালক আছিল।^১৬

ৰিলায়েন্স ইণ্ডাষ্ট্ৰীজ লিমিটেড মিডিয়া এণ্ড কন্টেন্ট বিজনেছৰ সভানেত্ৰীও।^১৭১৮