জোহৰা ৰাছেখ কাছানিয়ান

জোহৰা ৰাছেখ কাছানিয়ান ( Zohra Rasekh Kashanian; ৭ ফেব্ৰুৱাৰী ১৯৬৯ – মাৰ্চ ২০২৫) আছিল এগৰাকী আফগান চিকিৎসক, মহিলা অধিকাৰ কৰ্মী আৰু লেখিকা। দ্য তালিবানছ ৱাৰ অন উইমেন: এ হেল্থ এণ্ড হিউমেন ৰাইটছ ক্ৰাইচিছ ইন আফগানিস্তান নামৰ প্ৰতিৱেদনৰ সহ-লেখিকা হিচাপে গ্ল’বেল ৱাচ গ্ৰুপ (জি ডব্লিউ জি), ফিজিচিয়ানছ ফৰ হিউমেন ৰাইটছ আৰু ইউনাইটেড নেচনছ কমিটি অন দ্য এলিমিনেচন অৱ ডিচক্ৰিমিনেচন এগেইনষ্ট উইমেনৰ সদস্য আছিল।

জীৱনী

১৯৬৯ চনৰ ৭ ফেব্ৰুৱাৰীত আফগানিস্তানৰ কাবুলত জন্মগ্ৰহণ কৰিছিল ৰাছেখৰ। ১৬ বছৰ বয়সত তেওঁ আমেৰিকা যুক্তৰাষ্ট্ৰলৈ গুচি যায়।^১ তেওঁ আমেৰিকাৰ ৱাশ্বিংটন ডি চিৰ জৰ্জ ৱাশ্বিংটন বিশ্ববিদ্যালয়ত জনস্বাস্থ্যৰ বিষয়ে অধ্যয়ন কৰিছিল।^২ ২০০৬ চনত হাৰ্ভাৰ্ড বিশ্ববিদ্যালয়ৰপৰা মহিলা আৰু নিৰাপত্তাৰ প্ৰমাণ-পত্ৰ লাভ কৰে।

ৰাছেখ বষ্টনস্থিত ফিজিচিয়ানছ ফৰ হিউমেন ৰাইটছ (পিএইচআৰ)ৰ জ্যেষ্ঠ স্বাস্থ্য গৱেষক আছিল।^৩৪৫৬ ১৯৯৮ আৰু ১৯৯৯ চনত আফগানিস্তানত আৰু চুবুৰীয়া দেশ পাকিস্তানৰ শৰণাৰ্থী শিবিৰত থকা প্ৰায় ২০০ গৰাকী আফগানী মহিলাৰ সাক্ষাৎকাৰ লোৱাৰ পাছত^৫৭ ২ মাহ কটোৱাৰ পিছত^৮ ৰাছেখে দ্য তালিবানৰ মহিলাৰ ওপৰত যুদ্ধ: আফগানিস্তানত স্বাস্থ্য আৰু মানৱ অধিকাৰ সংকট নামৰ প্ৰতিৱেদনখনৰ সহ-লেখক।^৩৪ গৱেষণা ভ্ৰমণৰ সময়ত তেওঁক "ৰাজহুৱা স্থানত হাতৰ গাঁঠি উন্মুক্ত হোৱাৰ বাবে ধাতুৰ তাঁৰ লৈ এজন যুৱকে খেদি আহিছিল।"^৪৯ ৰাছেখে তেওঁৰ কামৰ জৰিয়তে তালিবানৰ শাসনৰ অধীনত বাস কৰা মহিলাসকলৰ বিৰুদ্ধে বৈষম্যমূলক নীতি চিনাক্ত কৰে, যেনে ঘৰৰ বাহিৰত সকলো সময়তে বোৰ্কা পিন্ধিবলৈ দাবী কৰা,আৰু লগতে দাবী কৰে যে ৯৫% মহিলাই মহিলাৰ ওপৰত তালিবানৰ নীতিক তুচ্ছজ্ঞান কৰে।^১০ তেওঁ ৰিপ'ৰ্ট কৰিছিল যে পাকিস্তানৰ শিবিৰত বাস কৰা মহিলাসকলৰ হতাশা, স্থানচ্যুতিৰ কষ্ট আৰু আনুষংগিক স্বাস্থ্যজনিত সমস্যাৰ হাৰ অধিক আছিল।^১১

২০০২ চনত ৰাছেখে উইমেন ফৰ আফগান উইমেন: শ্বাটাৰিং মিথছ এণ্ড ক্লেইমিং দ্য ফিউচাৰ নামৰ গ্ৰন্থখনত অৰিহণা যোগায়।^১২ লৰেইন শ্বেইনবাৰ্গৰ তথ্যচিত্ৰ শ্ৰাউড অৱ চাইলেন্স: জেণ্ডাৰ এপাৰ্টেইড ইন আফগানিস্তানৰ প্ৰথম ৰাজহুৱা প্ৰদৰ্শনতো তেওঁ অংশগ্ৰহণ কৰে।^১৩

তালিবানৰ পতনৰ পিছত ২০০৩ চনত আফগানিস্তানৰ বৈদেশিক মন্ত্ৰীয়ে ৰাছেখক আফগানিস্তানত লিংগ পৰিক্ৰমা, স্বাস্থ্য আৰু মানৱ অধিকাৰ বিষয়ৰ এটা কাৰ্যালয়ৰ সঞ্চালক হিচাপে আমন্ত্ৰণ জনায়।^১৪১৫ ৰাছেখ অলাভজনক সংস্থা গ্ল'বেল ৱাচ গ্ৰুপ (GWG)ৰ সভাপতি আৰু মুখ্য কাৰ্যবাহী বিষয়াও আছিল,^২১৬ এইড আফগানিস্তান ফৰ এডুকেচনৰ অধ্যক্ষ আছিল,^১৭ আৰু ৰাষ্ট্ৰসংঘৰ মহিলাৰ বিৰুদ্ধে বৈষম্য নিৰ্মূলকৰণ সমিতিৰ (CDEAW) উপ-সভাপতি হিচাপে নিৰ্বাচিত হৈছিল।^{২১৬১৮}

২০২৫ চনৰ মাৰ্চ মাহত ৰাছেখৰ মৃত্যু হয়।^১৬১৭