ফৰিদা আহমদী

ফৰিদা আহমদী (জন্ম ২৬ মাৰ্চ ১৯৫৭) এগৰাকী আফগান লেখিকা আৰু মহিলা অধিকাৰ কৰ্মী। তেওঁ নৰৱেত বাস কৰে। ছোভিয়েট–আফগান যুদ্ধৰ সময়ত কাৰাগাৰত বন্দী আৰু নিৰ্যাতন চলোৱাৰ লগতে ৰিভল্যুচনেৰী এছ’চিয়েশ্যন অৱ উইমেন অৱ আফগানিস্তানৰ (ৰাৱা) এগৰাকী আগশাৰীৰ সদস্য আছিল। তেওঁ নৰৱেত "মৌলবাদৰ বিৰুদ্ধে মহিলা" সংগঠন প্ৰতিষ্ঠা কৰিছিল।

জীৱনী

আহমদীৰ জন্ম হৈছিল ১৯৫৭ চনৰ ২৬ মাৰ্চত আফগানিস্তানৰ কাবুলত। ছোভিয়েট-আফগান যুদ্ধৰ সময়ত কাবুলত ছোভিয়েট আক্ৰমণৰ ফলত কাবুল বিশ্ববিদ্যালয়ত তেওঁৰ চিকিৎসা শিক্ষা গ্ৰহণত বাধাৰ সৃষ্টি হয়।^১২

আহমদী ৰিভল্যুচনেৰী এছ'চিয়েচন অৱ উইমেন অৱ আফগানিস্তানৰ (ৰাৱা) এজন আগশাৰীৰ সদস্য।^৩ তেওঁ "ছোভিয়েট বিৰোধী" প্ৰতিৰোধ সাহিত্য বিতৰণ কৰাৰ অভিযোগত অভিযুক্ত হৈছিল^৪ আৰু ১৯৮১ চনত গ্ৰেপ্তাৰ কৰা হৈছিল।^৫ গ্ৰেপ্তাৰৰ সময়ত তেওঁ চতুৰ্থ বৰ্ষৰ চিকিৎসা বিজ্ঞানৰ ছাত্ৰী আছিল।^৪ ছমাহৰ বাবে আটক কৰি ৰখা হৈছিল আৰু আফগানিস্তানৰ অপৰাধ তদন্ত বিভাগ (চিআইডি)ত বিদ্যুৎস্পৃষ্ট, টোপনি যাবলৈ নিদিয়া আৰু নিৰন্তৰ জেৰাৰ দ্বাৰা অত্যাচাৰ কৰা হৈছিল।^৬ তেওঁ আন ৰাজনৈতিক বন্দীসকলৰ ওপৰত হোৱা নিৰ্যাতনৰ সাক্ষী হৈছিল।^৭

মুক্তিৰ পিছত আহমদীয়ে ১৯৮২ চনৰ ১৬ ডিচেম্বৰত ফ্ৰান্সৰ পেৰিছত অনুষ্ঠিত হোৱা স্থায়ী জনসাধাৰণৰ ন্যায়াধিকৰণৰ অধিৱেশন "আফগানিস্তান ইল"ত অংশগ্ৰহণ কৰে।^৮ আমেৰিকাৰ নিউয়ৰ্কত অনুষ্ঠিত এখন সন্মিলনত তেওঁৰ চিকিৎসাৰ বিষয়েও কয়।^৯ তেওঁৰ নিৰ্যাতনৰ বাবে দায়ী ব্যক্তিসকলৰ নাম তেওঁ দিছিল।^৪ ১৯৮২ চনৰ এম্নেষ্টী ইণ্টাৰনেশ্যনেলৰ বাৰ্ষিক প্ৰতিৱেদনৰ আফগানিস্তানৰ প্ৰৱেশত তেওঁৰ গোচৰৰ উল্লেখ কৰা হৈছিল।^১০১১

মহিলা অধিকাৰ আৰু গণতন্ত্ৰ সমৰ্থক প্ৰচাৰৰ বাবে আহমদীক পাকিস্তানৰ বেলুচিস্তানৰ কুৱেটাতো গ্ৰেপ্তাৰ কৰা হয়,^১২ আৰু ১৯৮৯ চনত পাকিস্তানত কাৰাগাৰত ভৰোৱা হয়।^{১১৩১৪} এম্নেষ্টী ইণ্টাৰনেশ্যনেলে তেওঁক কাৰাগাৰৰপৰা মুক্তিৰ বাবে কাম কৰিছিল।^১৩১০

১৯৯১ চনত আহমদীয়ে শৰণাৰ্থী হিচাপে নৰৱেলৈ পলায়ন কৰে, প্ৰথমে হাউগেছুণ্ডৰ শৰণাৰ্থী অভ্যৰ্থনা কেন্দ্ৰলৈ যায়, তাৰ পিছত পিছলৈ অছল’লৈ যায় আৰু তাতেই তেওঁ স্থায়ীভাৱে বসতি স্থাপন কৰে। তেওঁ অছলো বিশ্ববিদ্যালয়ৰপৰা সামাজিক নৃতত্ত্বত স্নাতকোত্তৰ ডিগ্ৰী লাভ কৰে।^১ তাৰ পিছত তেওঁ নৰ্ডিক মহিলা বিশ্ববিদ্যালয়ত নৰৱেৰ সমাজত অভিবাসী মহিলাৰ বাস্তৱতাৰ ওপৰত পি এইচ ডি থিছিছ সম্পূৰ্ণ কৰে।^৮

১৯৯৪ চনত আহমদীয়ে নৰৱেত "মৌলবাদৰ বিৰুদ্ধে মহিলা" সংস্থা প্ৰতিষ্ঠা কৰে।^১ তেওঁ ফ্ৰেডউন জেড আহমদী-এছফাহানিৰ সৈতে "দুৰ্নীতি আৰু অৰ্থনৈতিক বিকাশ: সাহিত্যৰ সমালোচনাত্মক পৰ্যালোচনা" সন্মিলন গৱেষণা পত্ৰখনৰ সহ-লেখক আছিল।^১৫

২০০৮ চনত আহমদীয়ে ছাইলেণ্ট স্ক্ৰিমছ নামৰ গ্ৰন্থখন প্ৰকাশ কৰে, য'ত অনুপ্ৰৱেশকাৰী মহিলাসকলৰ অভিজ্ঞতাৰ বিষয়ে বৰ্ণনা কৰা হৈছে।^১৬ তেওঁৰ গ্ৰন্থখন পাৰ্চী ভাষালৈ অনুবাদ কৰে[16] আৰু ইয়াক নৰৱে আৰু জাপানী শিল্পীসকলে ভৌতিক নাট্য প্ৰযোজনালৈ ৰূপান্তৰিত কৰিছে।^৮১৭

আহমদীয়ে প্ৰকাশ কৰিছিল যুদ্ধৰপৰা শান্তিলৈ: আমাৰ গ্ল’বেল ৰেচপন্সিবিলিটি! ২০২৪ চনত লণ্ডন গ্ৰন্থমেলাত তেওঁৰ লেখাৰ বিষয়ে বক্তৃতা প্ৰদান কৰে।^১৮