জাৰীন খান

জাৰীন খান (ইংৰাজী: Zareen Khan; জন্ম: ১৪ মে' ১৯৮৭) এগৰাকী ভাৰতীয় অভিনেত্ৰী যিয়ে মূলতঃ হিন্দী ভাষা চলচ্চিত্ৰ জগতত কাম কৰে।^১২ ২০১০ চনত একচনধৰ্মী ছবি বীৰৰ জৰিয়তে তেওঁ অভিনয় জীৱনৰ পাতনি মেলে। এই ছবিখনৰ বাবে তেওঁ জী চিনে বঁটাৰ শ্ৰেষ্ঠ নৱাগতা অভিনেত্ৰীৰ মনোনয়ন লাভ কৰিছিল। পৰৱৰ্তী সময়ত তেওঁ ২০১১ চনৰ একচন কমেডী ছবি ৰেডীৰ জনপ্ৰিয় আইটেম নম্বৰত আৰু ২০১২ চনৰ কমেডী ছবি হাউচফুল ২ত এগৰাকী গ্লেমাৰাছ মডেল হিচাপে অভিনয় কৰে; যিখন ছবি তেওঁৰ সৰ্বাধিক উপাৰ্জনকাৰী ছবি হিচাপে পৰিগণিত হয়। ২০১৪ চনত পঞ্জাবী ছবি জট জেমছ বণ্ডত অভিনয় কৰাৰ পাছত তেওঁ ২০১৫ চনত কামোদ্দীপক থ্ৰিলাৰ ছবি হেট ষ্টৰী ৩ত মুখ্য চৰিত্ৰত অভিনয় কৰি হিন্দী ছবিলৈ উভতি আহে।^৩ ২০১৯ চনত খানে একচন থ্ৰিলাৰ চাণক্যৰ জৰিয়তে তেলুগু চলচ্চিত্ৰ জগতত আত্মপ্ৰকাশ কৰে।^৪

প্ৰাৰম্ভিক জীৱন

জাৰীন খানৰ জন্ম ১৯৮৭ চনৰ ১৪ মে'ত ভাৰতৰ মুম্বাইৰ এটা পশতুন পৰিয়ালত হৈছিল।^৫৬ তেওঁ মুম্বাইৰ ৰিজভী কলেজ অৱ ছায়েন্সৰপৰা ইণ্টাৰমিডিয়েট শিক্ষা সম্পূৰ্ণ কৰে।^৭ জাৰীন খানে এটা কল চেণ্টাৰত কাম কৰি নিজৰ কেৰিয়াৰ আৰম্ভ কৰিছিল আৰু তাৰ পিছত বোম্বাই কনভেনচন এণ্ড এগজিবিচন চেণ্টাৰত (BCEC) এটা কৰ্পোৰেট ফ্ৰণ্ট ডেস্কত কাম কৰিছিল। তেওঁ বিভিন্ন ব্ৰেণ্ডৰ প্ৰচাৰমূলক কামতো জড়িত আছিল আৰু সেইবোৰৰ ইন-হাউচ মডেল হিচাপেও কাম কৰিছিল।^৮

ব্যক্তিগত জীৱন

২০২১ চনত খানে প্ৰকাশ কৰিছিল যে তেওঁ মডেল তথা ব্যৱসায়ী শিৱাশীষ মিশ্ৰৰ সৈতে প্ৰেমৰ সম্পৰ্কত আছে।^৯ ২০২৪ চনৰ আৰম্ভণিতে তেওঁলোকৰ বিচ্ছেদ ঘটে।^১০১১