জান্নাতুল ফেৰদৌচ পিয়া

জান্নাতুল ফেৰদৌচ পিয়া, যি পিয়া জান্নাতুল নামেৰেও পৰিচিত, এগৰাকী বাংলাদেশী মডেল আৰু অধিবক্তা।^১ তেওঁ মিছ বাংলাদেশ ২০০৭ আৰু ইণ্ডিয়ান প্ৰিন্সেছ ইণ্টাৰনেশ্যনেল ২০১৩-ৰ খিতাপ অৰ্জন কৰিছিল। পিয়াই ইজিপ্তত অনুষ্ঠিত টপ মডেল অৱ দা ৱৰ্ল্ড ২০১৩-ত বাংলাদেশক প্ৰতিনিধিত্ব কৰিছিল আৰু তাত তেওঁ শীৰ্ষ ১৫ গৰাকীৰ ভিতৰত স্থান লাভ কৰিছিল।^২৩

সাম্প্ৰতিক কৰ্মৰাজি

পিয়া হ’ল বাংলাদেশৰপৰা ভ’গ ইণ্ডিয়াৰ প্ৰথমগৰাকী বেটুপাত কন্যা (cover girl)। নিজৰ অভিজ্ঞতা বিনিময় কৰি পিয়াই উল্লেখ কৰিছে যে তেওঁ দীপিকা পাডুকনৰপৰা অনুপ্ৰেৰণা লাভ কৰে আৰু দীপিকাৰ দৰেই আন্তঃৰাষ্ট্ৰীয় পৰ্যায়ত নিজৰ কেৰিয়াৰ সম্প্ৰসাৰণ কৰিব বিচাৰে।^৪

২০১৭ চনৰ ফেব্ৰুৱাৰী মাহত পিয়া নিউয়ৰ্ক ফেশ্বন উইকৰ (NYFW) সৈতে জড়িত উচ্চমানৰ কেশ পৰিচৰ্যা আৰু ষ্টাইলিং ব্ৰেণ্ড 'ট্ৰেচেমে'ৰ (TRESemmé) ব্ৰেণ্ড এম্বেচেডৰ হয়। সেই সূত্ৰে তেওঁ ২০১৭ চনত নিউয়ৰ্ক ফেশ্বন উইকত অংশগ্ৰহণ কৰে। তাত উপস্থিত থকা প্ৰথমগৰাকী বাংলাদেশী মডেল হোৱাটো এক ডাঙৰ সন্মান বুলি তেওঁ অভিহিত কৰে আৰু এগৰাকী মডেল ইনফ্লুৱেন্সাৰ হিচাপে কাম কৰাৰ ইচ্ছা প্ৰকাশ কৰে।^৫৬

২০১৮ চনৰ ছেপ্টেম্বৰ মাহত পিয়া বাংলাদেশৰ য়ামাহা মটৰচাইকেলৰ ব্ৰেণ্ড এম্বেচেডৰ হয়।^৭

মডেলিং কেৰিয়াৰৰ উপৰি তেওঁ ২০১৭ চনৰ বাংলাদেশ প্ৰিমিয়াৰ লীগ (BPL) ছিজনৰ ক্ৰিকেট মেচসমূহৰ আঁত ধৰিছিল।^৮ পৰৱৰ্তী সময়ত তেওঁ ২০১৮ চনৰ বিপিএলতো জিটিভিৰ পৰ্দাত আঁতধৰোঁতা হিচাপে কাম কৰে। বিপিএলৰ এই দুই ছিজনত সফলতাৰে কাম কৰাৰ পাছত তেওঁক ২০১৯ চনৰ আইচিচি ক্ৰিকেট বিশ্বকাপত উপস্থাপিকা হিচাপে কাম কৰিবলৈ আমন্ত্ৰণ জনোৱা হয়। আইচিচি বিশ্বকাপত উপস্থাপিকা হিচাপে কাম কৰা তেওঁ প্ৰথমগৰাকী বাংলাদেশী ব্যক্তি।^৯১০

কেৰিয়াৰ

২০০৭ চনত মিছ বাংলাদেশ খিতাপ জয় কৰাৰ পাছত পিয়াই ২০০৮ চনত মডেলিং কেৰিয়াৰ আৰম্ভ কৰে। ২০১৪-১৫ চনত তেওঁ নতুন দিল্লীত অৱস্থিত মডেলিং সংস্থা মেচকট মডেল মেনেজমেণ্টৰ সৈতে কাম কৰিছিল। লগতে তেওঁ ২০১৪ চনত ভাৰতীয় বেণ্ড ৰুটছৰ এটা মিউজিক ভিডিঅ’তো অভিনয় কৰিছিল।^১১ ২০১৩ চনত তেওঁ ১৯খন দেশৰ প্ৰতিযোগীক পৰাস্ত কৰি মিছ ইণ্ডিয়ান প্ৰিন্সেছ ইণ্টাৰনেশ্যনেলৰ খিতাপ জয় কৰে।^১২১৩

তেওঁ এতিয়ালৈকে কেইবাখনো নাটক যেনে টু বি অৰ নট টু বি আৰু প্ৰজাপতিৰ সুখ-দুখত অভিনয় কৰিছে।

২০১২ চনত ৰেডৱান ৰণিৰ পৰিচালনাত নিৰ্মিত চোৰাবালি আছিল তেওঁৰ প্ৰথম চলচ্চিত্ৰ। তেওঁৰ পৰৱৰ্তী মুক্তিপ্ৰাপ্ত ছবিসমূহ আছিল গেংষ্টাৰ ৰিটাৰ্নছ আৰু ষ্টৰী অৱ চামৰা।^৩

পিয়া এগৰাকী অধিবক্তাও। ২০২২ চনৰ ১৫ আগষ্টৰ তথ্য অনুসৰি তেওঁ বাংলাদেশৰ উচ্চতম ন্যায়ালয়ৰ এগৰাকী অধিবক্তা।^১৪

আঁতধৰোঁতা

• বিপিএল ২০১৮^১৫
• বিপিএল ২০১৯^১৬

গ্ৰন্থ

কৈশোৰ থেকৈ যৌৱনেৰ গল্প, ২০২৩^১৭

ফিল্মগ্ৰাফী

বঁটা আৰু সন্মান