ইজিন আকুডো

ইজিনে আকুডো আনয়াওহা (Ezinne Akudo Anyaoha; জন্ম: ১৭ মে' ১৯৯০) এগৰাকী নাইজেৰিয়ান অধিবক্তা আৰু বিউটি কুইন৷^১

প্ৰাথমিক জীৱন আৰু শিক্ষা

ইজিনে আকুডো আনয়াওহা^২ৰ জন্ম হৈছিল ১৯৯০ চনৰ ১৭ মে'ত^৩ দক্ষিণ-পূব নাইজেৰিয়াৰ ইমো ৰাজ্যত। ইমো ষ্টেটৰ ওৱেৰীৰ ফেডাৰেল গভৰ্ণমেণ্ট গাৰ্লছ কলেজৰ পৰা তেওঁ স্নাতক ডিগ্ৰী লাভ কৰে আৰু আবিয়া ষ্টেট ইউনিভাৰ্চিটিৰ পৰা আইন বিভাগৰ ডিগ্ৰী লাভ কৰে৷ তাৰ পিছত নাইজেৰিয়াৰ দক্ষিণ-পশ্চিম অঞ্চলত অৱস্থিত অগুন ষ্টেটত বাধ্যতামূলক নেচনেল ইউথ চাৰ্ভিচ কৰ্প সম্পূৰ্ণ কৰে।^১ কিছুদিন তেওঁ আইন অধ্যয়ন আৰু অনুশীলন কৰিছিল। ^৪৫

কৰ্মজীৱন

২০১৩ চনত আকুডোৱে আন ৩১ গৰাকী প্ৰতিযোগীক পৰাস্ত কৰি মিছ নাইজেৰিয়া সৌন্দৰ্য প্ৰতিযোগিতাত জয়ী হয়। তেওঁ তাৰকা বঁটা লাভ কৰে৷^৬

২০১৫ চনত আকুডোৱে উকীল হিচাপে নিজৰ কেৰিয়াৰ আৰম্ভ কৰে।^৭আৰু তেওঁৰ বেচৰকাৰী সংস্থাৰ জৰিয়তে ধৰ্ষণ সংকট কেন্দ্ৰ স্থাপন কৰিছিল; নাইজেৰিয়াৰ লাগোছত অৱস্থিত এইট ফাউণ্ডেশ্যন। এটা বেচৰকাৰী আৰু অলাভজনক সংস্থাই মানসিক-সামাজিক পৰামৰ্শ প্ৰদান কৰাত মনোনিৱেশ কৰিছিল।^৮৯ যৌন হিংসাৰ বিৰুদ্ধে প্ৰচাৰ চলোৱাতো তেওঁ সক্ৰিয় হৈ আহিছে।^১০

২০১৮ চনত আকুডোক মিছ নাইজেৰিয়া পেজেণ্টৰ সৃষ্টিশীল সঞ্চালক হিচাপে নিযুক্তি দিয়া হয়।^১১ তেওঁ পঞ্জীয়ন বিনামূলীয়া কৰি তুলিছে। লগতে পুৰস্কাৰসমূহো পূৰ্বৰ তুলনাত বিবেচনাযোগ্য৷^১২