ছিষ্টিন ষ্টেলন

ছিষ্টিন ৰোজ ষ্টেলন (জন্ম: ২৭ জুন, ১৯৯৮) এগৰাকী আমেৰিকান অভিনেত্ৰী, মডেল আৰু ইণ্টাৰনেট ব্যক্তিত্ব।^১ তেওঁ ২০১৯ চনত জোহানেছ ৰবাৰ্টছৰ পৰিচালনাত নিৰ্মিত ছাৰ্ভাইভেল হৰৰ ছবি ৪৭ মিটাৰ ডাউন: আনকেজডতত অভিনয় কৰি আত্মপ্ৰকাশ কৰে।^২ তেওঁ অভিনেতা চিলভেষ্টাৰ ষ্টেলনৰ কন্যা।^৩

প্ৰাথমিক জীৱন আৰু শিক্ষা

১৯৯৮ চনত অভিনেতা-পৰিচালক চিলভেষ্টাৰ ষ্টেলন আৰু প্ৰাক্তন মডেল জেনিফাৰ ফ্লেভিনৰ দ্বিতীয় কন্যা হিচাপে জন্মগ্ৰহণ কৰিছিল চিষ্টিন ষ্টেলনে।^৪ ষ্টেলন আৰু তেওঁৰ ভগ্নী ছফিয়া আৰু স্কাৰলেট ২০১৮ চনৰ জানুৱাৰী মাহত ৭৫ সংখ্যক গোল্ডেন গ্ল'ব বঁটা প্ৰদানত গোল্ডেন গ্ল'ব এম্বেছাদৰ আছিল।

২০১৮ চনত যোগাযোগ বিভাগত ডিগ্ৰী লাভ কৰিবলৈ দক্ষিণ কেলিফৰ্ণিয়া বিশ্ববিদ্যালয়ত পঢ়িবলৈ আৰম্ভ কৰে আৰু তাৰ পিছৰ পৰাই তেওঁ স্নাতক ডিগ্ৰী লাভ কৰে।^৫

কেৰিয়াৰ

২০১৬ চনত চিষ্টিন ষ্টেলনে আইএমজি মডেলছৰ সৈতে চুক্তিবদ্ধ হৈছিল,^৬ আৰু চেনেলৰ বাবে অনুষ্ঠিত এটা ফেশ্বন শ্ব’ত প্ৰথমবাৰৰ বাবে উপস্থিত হৈছিল।^৪ ২০১৬ চনৰ জুলাই মাহৰ গ্লেমাৰ সংখ্যাত তেওঁ উপস্থিত হৈছিল আৰু ২০১৭ চনৰ নৱেম্বৰ মাহৰ এলে ৰাছিয়া কভাৰত স্থান লাভ কৰিছিল।^৪৭

২০২৩ চনত চিষ্টিন ষ্টেলনে ৰিয়েলিটি শ্ব’ দ্য ফেমিলি ষ্টেলনত প্ৰকাশ কৰিছিল যে তেওঁ এলে কেলাহানৰ পৰিচালনাত নিৰ্মিত ভয়ানক ছবি স্কেভেঞ্জাৰ হাণ্টৰ চিত্ৰনাট্য লিখাৰ কাম কৰি আছে।^৮

ছিষ্টিন ষ্টেলনে সামাজিক মাধ্যমত প্ৰচুৰ অনুসৰণকাৰী লাভ কৰিছে আৰু তেওঁৰ ইনষ্টাগ্ৰাম একাউণ্টত ১.৬ মিলিয়নৰো অধিক অনুৰাগী আছে, য’ত তেওঁ ব্যক্তিগত আৰু পেচাদাৰী জীৱনৰ বিভিন্ন মুহূৰ্ত শ্বেয়াৰ কৰে।^৯

তেওঁ মডেলিঙৰ জগততো উল্লেখযোগ্য উপস্থিতি দেখুৱাইছে আৰু ডলছে এণ্ড গাব্বানা, চেনেল আৰু ৰাল্‌ফ লৰেনৰ দৰে শীৰ্ষস্থানীয় ফেশ্বন ব্ৰেণ্ডৰ সৈতে কাম কৰিছে।^১০

ইয়াৰ উপৰিও, চিষ্টিনে তেওঁৰ ভনীয়েকসকলৰ সৈতে “আনৱাক্সড” নামৰ এটা পডকাষ্ট হোষ্ট কৰিছিল, য’ত পৰিয়ালৰ জীৱন আৰু ব্যক্তিগত অভিজ্ঞতাৰ বিষয়ে আলোচনা কৰা হয়। এই পডকাষ্টে পিছলৈ “দ্য ফেমিলি ষ্টেলন” নামৰ ৰিয়েলিটি শ্ব’ৰ ধাৰণাটো শক্তিশালী কৰাত সহায় কৰিছিল।^১১

ফিল্ম'গ্ৰাফি

চলচিত্ৰ

দূৰদৰ্শন