ছালহাউটুনুও ক্ৰুজ

ছালহাউটুনুও ক্ৰুজ: Salhoutuonuo KruseSalhoutuonuo Kruse; জন্ম: ১৫ ডিচেম্বৰ ১৯৬৬) নাগালেণ্ডৰ এগৰাকী ভাৰতীয় ৰাজনীতিবিদ। ২০২৩ চনত হেকানী জাখালু কেনছেৰ সৈতে ক্ৰুজে নাগালেণ্ড বিধানসভালৈ নিৰ্বাচিত হোৱা প্ৰথমগৰাকী মহিলা হিচাপে পৰিগণিত হয়। ৫ম ৰিঅ’ মন্ত্ৰালয়ত মহিলা সম্পদ উন্নয়ন আৰু উদ্যান শস্যৰ মন্ত্ৰী হিচাপে নিযুক্তি পোৱাৰ ফলত তেওঁ নাগালেণ্ডৰ প্ৰথমগৰাকী মহিলা কেবিনেট মন্ত্ৰীও হিচাপে পৰিগণিত হয়। ইয়াৰ পূৰ্বে তেওঁ অংগামী মহিলা সংগঠনৰ সভানেত্ৰী হিচাপে কাৰ্যনিৰ্বাহ কৰিছিল।

প্ৰাৰম্ভিক জীৱন

১৯৬৬ চনৰ ১৫ ডিচেম্বৰত কিৰুফেমা বাৱেৰ এটা আংগামী নগা পৰিয়ালত জন্মগ্ৰহণ কৰিছিল ছালহৌটুওনুও ক্ৰুজেইলিয়ে। কোহিমাৰ মিনিষ্টাৰছ হিল বেপ্টিষ্ট উচ্চতৰ মাধ্যমিক বিদ্যালয়ত অধ্যয়ন কৰি পিছলৈ, কোহিমা কলেজৰ পৰা স্নাতক ডিগ্ৰী লাভ কৰে। ১৯৮৬ চনৰ ২ অক্টোবৰত তেওঁ অভিযন্তা কেভিচেখো ক্ৰুজৰ সৈতে বিবাহপাশত আবদ্ধ হয়।^১ কেভিছেখোৱে নাগালেণ্ডৰ জনস্বাস্থ্য অভিযান্ত্ৰিক বিভাগৰ মুখ্য অভিযন্তা হিচাপে অৱসৰ গ্ৰহণ কৰে। পিছলৈ তেওঁ ৰাজনীতিত যোগদান কৰে।^২

কৰ্মজীৱন

ক্ৰুজে ২০১১ চনৰ পৰা ২০১৪ চনলৈকে Angamimiapfü Mechu Krotho (বৰ্তমান Angami Women Organization নামেৰে জনাজাত) ৰ সভাপতি হিচাপে কাৰ্যনিৰ্বাহ কৰিছিল।^৩৪ তেওঁ আংগামী নগাৰ পুৰুষ প্ৰধান শীৰ্ষ জনজাতীয় সংস্থা আংগামী পাব্লিক অৰ্গেনাইজেচনৰ পৰামৰ্শদাতা মণ্ডলীৰ সদস্যও।^৪

ৰাজনৈতিক জীৱন

ক্ৰুজৰ স্বামী কেভিছেখো ক্ৰুছে ২০১৮ চনত নেচনেলিষ্ট ডেম’ক্ৰেটিক প্ৰগ্ৰেছিভ পাৰ্টি (এনডিপিপি)ত যোগদান কৰিছিল আৰু সেই বছৰ পশ্চিম আংগামী বিধানসভাৰ আসনৰ পৰা দলৰ প্ৰাৰ্থী হিচাপে নাগালেণ্ড বিধানসভাৰ নিৰ্বাচনত অৱতীৰ্ণ হৈছিল। নগা পিপলছ ফ্ৰণ্টৰ প্ৰাৰ্থী কেনেইজাখো নাখৰোৰ হাতত ৬৯৪টা ভোটত পৰাস্ত হয়। পিছলৈ নাখৰোৱে ২০২২ চনত এনডিপিপিত যোগদান কৰে।^৫ ক্ৰুজৰ স্বামী ৪ জুন ২০২১ তাৰিখে COVID-19ৰ জটিলতাৰ বাবে মৃত্যু বৰণ কৰে।^৫ তেওঁৰ ৰাজনৈতিক দৰ্শন সম্পূৰ্ণ কৰিবলৈ, তেওঁ ২০২৩ চনৰ নাগালেণ্ড বিধানসভা নিৰ্বাচনত প্ৰতিদ্বন্দ্বিতা কৰে।^৬ ক্ৰুজ নিৰ্বাচনকালীন, তেওঁ ১০৪ জন কোটিপতি প্ৰাৰ্থীৰ অন্যতম আছিল আৰু ১২.৯ কোটি টকাৰ সম্পত্তিৰে শীৰ্ষ ১০ জন ধনী প্ৰাৰ্থীৰ মাজত আছিল।^৭৮ ২৭ ফেব্ৰুৱাৰী ২০২৩ তাৰিখে হোৱা নিৰ্বাচনত, তেওঁ পশ্চিম আঙামি আসনৰ পৰা ৭টা ভোটৰ ব্যৱধানত জয়ী হয়, মুঠ ৭০৭৮ ভোট লাভ কৰে, যেতিয়া তেওঁৰ সৰ্বনিম্ন প্ৰতিদ্বন্দ্বী নাখ্ৰোৱে ৭০৭১ ভোট লাভ কৰে।10 এই জয়ৰ ফলত, হেকানি জাখালুৰ সৈতে তেওঁ নাগালেণ্ড বিধানসভাৰ প্ৰথম নিৰ্বাচিত মহিলা সদস্য হৈ উঠে।^৯ By winning the seat, Kruse became one of the first elected women of the Nagaland Legislative Assembly along with Hekani Jakhalu.^৪৬১০

প্ৰথম কাৰ্যকাল

বিধানসভাৰ সদস্য হিচাপে প্ৰথম কাৰ্যকালত ক্ৰুজক ৫ম ৰিঅ' মন্ত্ৰালয়ৰ মহিলা সম্পদ উন্নয়ন আৰু উদ্যান শস্যৰ মন্ত্ৰী হিচাপে নিযুক্তি দিয়া হয়।^১১ নাগালেণ্ডৰ প্ৰথমগৰাকী মহিলা কেবিনেট মন্ত্ৰী হিচাপে পৰিগণিত হয়।

তেওঁৰ নেতৃত্বত ৰাজ্যৰ উদ্যান শস্য বিভাগে উদ্যান শস্যৰ সংহত উন্নয়নৰ অভিযানৰ অধীনত নাগালেণ্ডত ‘উদ্যান শস্য আৰ্হি গাঁও’ (এইচ এম ভি) কাৰ্যসূচী আৰম্ভ কৰে। ৰাজ্যখনৰ প্ৰতিখন জিলাৰ এখন গাঁও উদ্যান শস্য বৃদ্ধিৰ ওপৰত গুৰুত্ব আৰোপ কৰি চিনাক্ত কৰা হৈছিল।^১২ ২০২৩ চনৰ ছেপ্টেম্বৰ মাহত ক্ৰুজে খোনোমা গাঁওখনক প্ৰথম এইচ এম ভি ঘোষণা কৰে।^১৩ ৰুছ'মা গাঁৱৰ চতুৰ্থ জৈৱিক কমলা উৎসৱৰ সময়ত ক্ৰুজে গাঁওখনক এইচ এম ভি ২০২৫ৰ অধীনত অন্তৰ্ভুক্ত কৰাৰ কথা ঘোষণা কৰে। ^১৪ ২০২৪ চনত গাঁওখনত ১৪০০০ৰো অধিক ফলপ্ৰসু কমলা গছ আৰু ২৮০০০ৰো অধিক গছপুলি ৰোপণ কৰা হয়। তেওঁ পৰম্পৰাগত জ্ঞানৰ লগত আধুনিক উদ্যানপালন প্ৰযুক্তি সংযোগ কৰাৰ ওপৰত গুৰুত্ব দিয়ে। ১০ ছেপ্টেম্বৰ ২০২৪ত, তেওঁ থানামিৰ গাঁৱত এখন আপেল প্ৰশোধন কেন্দ্ৰ স্থাপনৰ পৰিকল্পনা ঘোষণা কৰে, য'ত বছৰি ৪০-৫০ টন আপেল উৎপন্ন হয়। তেওঁ কৃষকসকলক উপযুক্ত ফচল খেতি কৰিবলৈ উৎসাহিত কৰে আৰু ৰাজ্য উদ্যান বিভাগৰ সহায়ৰ আশ্বাস দিয়ে।^১৫

ব্যক্তিগত জীৱন

ক্ৰুজ এগৰাকী বেপ্টিষ্ট খ্ৰীষ্টান আৰু তেওঁ কোহিমাৰ মিনিষ্টাৰছ হিল বেপ্টিষ্ট চাৰ্চত গৈ উপাসনা কৰে।

কেভিছেখো ক্ৰুজৰ সৈতে তেওঁৰ বিবাহ হৈছিল। ১৯৮৬ চনৰ ২ অক্টোবৰত তেওঁলোকৰ বিবাহ হয় আৰু একেলগে দুগৰাকী কন্যা সন্তান জন্ম হয়।^১ পিছলৈ ২০২১ চনৰ ৪ জুনত ৬০ বছৰ বয়সত ক'ভিড-১৯ৰ জটিলতাৰ বাবে তেওঁৰ মৃত্যু হয়।^১৬১৭