অসমীয়া বিশ্বকোষঅসম আৰু অসমীয়া ভাষাৰ জ্ঞানকোষ
অৱদান
জীৱনী

ছামাৰা ৱিভিং

ছামাৰা ৱিভিং (ইংৰাজী: Samara Weaving; জন্ম ২৩ ফেব্ৰুৱাৰী ১৯৯২) এগৰাকী অষ্ট্ৰেলিয়ান অভিনেত্ৰী আৰু মডেল। তেওঁ অষ্ট্ৰেলিয়ান টেলিভিছন ধাৰাবাহিক আউট অৱ দ্য ব্লু (২০০৮)-ত কৰা অভিনয়ৰ জৰিয়তে চৰ্চালৈ আহে আৰু চাব অপেৰা হোম এণ্ড এৱে (২০০৯–২০১৩)-ত ইণ্ডি ৱাকাৰৰ চৰিত্ৰত অভিনয় কৰি এটা এএচিটিএ বঁটাৰ মনোনয়ন…

অসমীয়া ৱিকিপিডিয়াৰ অৱদানকাৰীসকল হালনাগাদ: ১৪ আগষ্ট ২০২৬ ৮৬৮ শব্দ · ৫ মিনিট সংগৃহীত ৮০
সংশোধনৰ পৰামৰ্শ

ছামাৰা ৱিভিং (ইংৰাজী ভাষা: Samara Weaving; জন্ম ২৩ ফেব্ৰুৱাৰী ১৯৯২) এগৰাকী অষ্ট্ৰেলিয়ান অভিনেত্ৰী আৰু মডেল। তেওঁ অষ্ট্ৰেলিয়ান টেলিভিছন ধাৰাবাহিক আউট অৱ দ্য ব্লু (২০০৮)-ত কৰা অভিনয়ৰ জৰিয়তে চৰ্চালৈ আহে আৰু চাব অপেৰা হোম এণ্ড এৱে (২০০৯–২০১৩)-ত ইণ্ডি ৱাকাৰৰ চৰিত্ৰত অভিনয় কৰি এটা এএচিটিএ বঁটাৰ মনোনয়ন লাভ কৰে। তেওঁ এচ ভাৰ্চাছ ইভিল ডেড (২০১৫) ধাৰাবাহিকখনৰ প্ৰথম ছিজনত এটা পাৰ্শ্ব চৰিত্ৰত অভিনয় কৰিছিল।

ৱিভিঙে হৰৰ ছবি মেহেম আৰু দ্য বেবীচিটাৰ-ত অভিনয় কৰিছিল আৰু ড্ৰামা ছবি থ্ৰী বিলবোৰ্ডছ আউটচাইড এবিং, মিজুৰী (সকলোবোৰ ২০১৭ চনৰ)-ৰ বাবে এনচেম্বল বঁটা লাভ কৰিছিল। তেওঁ ডাৰ্ক কমেডী হৰৰ ছবি ৰেডী অৰ নট (২০১৯)-ত মুখ্য চৰিত্ৰত অভিনয় কৰি ব্যাপক পৰিচিতি লাভ কৰে, যিয়ে তেওঁক এগৰাকী 'স্ক্ৰীম কুইন' আৰু অগ্ৰণী অভিনেত্ৰী হিচাপে প্ৰতিষ্ঠিত কৰে। ইয়াৰ উপৰি তেওঁ চাই-ফাই ছবি বিল এণ্ড টেড ফেচ দ্য মিউজিক, হৰৰ কমেডী ছবি দ্য বেবীচিটাৰ: কিলাৰ কুইন (দুয়োখন ২০২০ চনৰ), স্লাচাৰ ছবি স্ক্ৰীম ৬ (২০২৩), একচন হৰৰ ছবি আজৰায়েল (২০২৪) আৰু থ্ৰিলাৰ ছবি বৰ্ডাৰলাইন (২০২৫)-ত অভিনয় কৰিছে।

প্ৰাৰম্ভিক জীৱন

১৯৯২ চনৰ ২৩ ফেব্ৰুৱাৰীত এডিলটত ৱিভিঙৰ জন্ম হৈছিল।১ তেওঁৰ পিতৃ এজন ইংৰাজ ব্যক্তি চাইমন ৱিভিং আৰু মাতৃ মাল্টিজ মূলৰ হেলেনা বেজিনা।২ তেওঁ ছিংগাপুৰ, ফিজি, অষ্ট্ৰেলিয়া আৰু ইণ্ডোনেছিয়াত ডাঙৰ-দীঘল হৈছিল।৩ তেওঁৰ পিতৃ এজন চলচ্চিত্ৰ নিৰ্মাতা আৰু নিউকেছল বিশ্ববিদ্যালয়ৰ অধ্যাপক হোৱাৰ লগতে কেনবেৰা আন্তৰ্জাতিক চলচ্চিত্ৰ মহোৎসৱৰ শৈল্পিক সঞ্চালক। তেওঁৰ মাতৃ এগৰাকী কলা বিশেষজ্ঞ (art therapist) যিয়ে একেখন বিশ্ববিদ্যালয়তে মিউজিয়াম ষ্টাডিজ পঢ়ায়।৪ তেওঁৰ সৰু ভনীয়েক মৰগান এগৰাকী অভিনেত্ৰী আৰু তেওঁলোকৰ খুৰাক হ’ল অভিনেতা হুগো ৱিভিং।৩৫

ৱিভিং আৰু তেওঁৰ পৰিয়াল ২০০৫ চনত কেনবেৰালৈ স্থানান্তৰিত হয় আৰু তেওঁ কেনবেৰা গাৰ্লছ গ্ৰামাৰ স্কুলত অধ্যয়ন কৰে।৬ তেওঁ বিদ্যালয়ৰ নাটক বিভাগৰ উপ-অধিনায়ক আছিল আৰু বিভিন্ন স্কুলীয়া তথা নাট্য অনুষ্ঠানত অভিনয় কৰিছিল।৬

কেৰিয়াৰ

২০১২ চনত এএচিটিএ বঁটাত ৱিভিং
২০১২ চনত এএচিটিএ বঁটাত ৱিভিংছবি: Eva Rinaldi · CC BY-SA 2.0

ৱিভিঙে ১৬ বছৰ বয়সত ২০০৮ চনত অষ্ট্ৰেলিয়ান চাব অপেৰা আউট অৱ দ্য ব্লু-ত কাৰ্ষ্টিন মুলৰনিৰ চৰিত্ৰত অভিনয় কৰি পৰ্দাত আত্মপ্ৰকাশ কৰে।৭ ধাৰাবাহিকখনে ইতিবাচক সঁহাৰি লাভ কৰিছিল যদিও ইয়াৰ দ্বিতীয়টো ছিজন নিৰ্মাণ কৰা হোৱা নাছিল।৮ ইয়াৰ পিছত তেওঁ কেনবেৰাৰপৰা চিডনিলৈ স্থানান্তৰিত হয় আৰু অষ্ট্ৰেলিয়ান চাব অপেৰা হোম এণ্ড এৱে-ত ইণ্ডি ৱাকাৰৰ চৰিত্ৰত অভিনয় কৰে।৬ আৰম্ভণিতে এটা পাৰ্শ্ব চৰিত্ৰত অভিনয় কৰিলেও পিছলৈ তেওঁক মূল অভিনয় শিল্পীৰ তালিকাত অন্তৰ্ভুক্ত কৰা হয় আৰু ২০০৯ চনৰপৰা ২০১৩ চনলৈকে তেওঁ এই চৰিত্ৰটোত অভিনয় কৰে।৮৯ ৱিভিঙে এই অভিজ্ঞতাক অতি কষ্টকৰ বুলি বৰ্ণনা কৰিছিল। ২০১২ চনত তেওঁ এএচিটিএ বঁটাত শ্ৰেষ্ঠ মহিলা অভিনয়ৰ বাবে মনোনয়ন লাভ কৰে।১০

ৱিভিঙে ২০১২ চনত অষ্ট্ৰেলিয়ান অন্তৰ্বাসৰ ব্ৰেণ্ড মণ্ডছৰ বাবে মডেলিং আৰম্ভ কৰিছিল।১১ ২০১৩ চনত ৱিভিঙে তেওঁৰ খুৰাক হুগোৰ সৈতে ক্ৰাইম ছবি মিষ্ট্ৰী ৰোড-ত অভিনয় কৰে।১২ ২০১৫ চনত তেওঁ কমেডী হৰৰ ধাৰাবাহিক এচ ভাৰ্চাছ ইভিল ডেড-ত হিদাৰৰ পাৰ্শ্ব চৰিত্ৰত অভিনয় কৰিছিল।১৩ মেক-আপ টেষ্টৰ সময়ৰ তেওঁৰ এখন ছবি এটা প্ৰৱঞ্চনাত ব্যৱহাৰ হোৱাৰ পিছত তেওঁ চৰ্চালৈ আহে।১৪ ইয়াৰ উপৰি ২০১৫ চনত তেওঁ কমেডী ৱেব ধাৰাবাহিক স্কুইৰেল বয়জ-ত অভিনয় কৰিছিল।১৫ পিছৰ বছৰত তেওঁ একচন কমেডী ছবি মন্সটাৰ ট্ৰাকছ-ত ব্ৰায়েনৰ চৰিত্ৰত অভিনয় কৰে। ২০১৪ চনত লছ এঞ্জেলছৰ প্ৰথম ভ্ৰমণৰ সময়তে তেওঁক এই ছবিখনৰ বাবে নিৰ্বাচিত কৰা হৈছিল।১৬

২০১৭ চনত ৱিভিঙে একচন কমেডী-থ্ৰিলাৰ ছবি মেহেম-ত ষ্টিভেন ইউয়ুনৰ বিপৰীতে মেলানি ক্ৰছৰ চৰিত্ৰত অভিনয় কৰে।১৭ ৰজাৰ ইবাৰ্ট ডট কমৰ ব্ৰায়ান টেলেৰিক’ৱে তেওঁক মাৰ্গট ৰবীৰ সৈতে তুলনা কৰি তেওঁৰ অভিনয়ক "আকৰ্ষণীয় আৰু একেলগে কিছু ভয়ংকৰ" বুলি অভিহিত কৰিছিল।১৮ তেওঁ লগতে থ্ৰী বিলবোৰ্ডছ আউটচাইড এবিং, মিজুৰী ছবিত জন হকছৰ প্ৰেমিকাৰ চৰিত্ৰত অভিনয় কৰিছিল, যাৰ বাবে তেওঁৰ অভিনয় দলটোৰ সৈতে কেইবাটাও বঁটাৰ বাবে মনোনীত হৈছিল। ইয়াৰ উপৰি তেওঁ হৰৰ-কমেডী ছবি দ্য বেবীচিটাৰ-ত নাম ভূমিকা পালন কৰিছিল। তেওঁ চাৰ্লি পুথৰ গীত "এটেনচন"-ৰ মিউজিক ভিডিঅ'টো অভিনয় কৰিছিল।১৯

ৱিভিঙে ইয়াৰ পিছত ২০১৯ চনৰ কমেডী-হৰৰ ছবি ৰেডী অৰ নট-ত গ্ৰেচৰ চৰিত্ৰত অভিনয় কৰে, যিখন এখন আমেৰিকান চলচ্চিত্ৰত তেওঁৰ প্ৰথম মুখ্য চৰিত্ৰ আছিল।২০ এই ছবিখনৰ জৰিয়তে পৰিচালক মেট বেটিনেলী-অল্পিন আৰু টাইলাৰ গিলেটেৰ সৈতে তেওঁৰ প্ৰথমটো সহযোগিতা আৰম্ভ হয়। ছবিখন আৰু তেওঁৰ অভিনয়ে ইতিবাচক সমালোচনা লাভ কৰে২১ আৰু তেওঁক এগৰাকী 'স্ক্ৰীম কুইন' হিচাপে প্ৰতিষ্ঠা কৰাত সহায় কৰে।২২ দ্য নিউয়ৰ্ক টাইমছৰ জেনেট কেটচুলিছে তেওঁক "অসাধাৰণ" বুলি অভিহিত কৰিছিল।২৩ ২০১৯ চনতে তেওঁ একচন কমেডী ছবি গানছ আকিম্বো-ত অভিনয় কৰিছিল।২৪

২০২৩ চনত 'বেবিলন' ছবিৰ প্ৰিমিয়াৰত অনুৰাগীসকলক সম্ভাষণ জনোৱাৰ সময়ত ৱিভিং
২০২৩ চনত 'বেবিলন' ছবিৰ প্ৰিমিয়াৰত অনুৰাগীসকলক সম্ভাষণ জনোৱাৰ সময়ত ৱিভিংছবি: Eva Rinaldi from Abbotsford, Australia · CC BY-SA 2.0

২০২০ চনত ৱিভিঙে ড্ৰামা থ্ৰিলাৰ ছবি লাষ্ট মমেণ্ট অৱ ক্লেৰিটি-ত অভিনয় কৰে,২৫ লগতে দ্য বেবীচিটাৰ: কিলাৰ কুইন-ত নিজৰ চৰিত্ৰটো পুনৰ ৰূপায়ণ কৰে।২৬ তেওঁ বিজ্ঞান-ভিত্তিক কমেডী ছবি বিল এণ্ড টেড ফেচ দ্য মিউজিক-তো অভিনয় কৰিছিল।২৭ পিছৰ বছৰত তেওঁ জি.আই. জো-ৰ স্পিন-অফ স্নেক আইজ-ত স্কাৰলেটৰ চৰিত্ৰত অভিনয় কৰে,২৮ আৰু হুলু ড্ৰামা ধাৰাবাহিক নাইন পাৰফেক্ট ষ্ট্ৰেঞ্জাৰ্ছ-ত জেছিকাৰ চৰিত্ৰত অভিনয় কৰে।২৯

২০২২ চনত ৱিভিঙে ইউজেনিয়া ডেৰবেজৰ সৈতে ৰোমাণ্টিক কমেডী ছবি দ্য ভেলেট-ত অভিনয় কৰে, যিখন ২০০৬ চনৰ একে নামৰ ফৰাচী ছবিখনৰ পুনৰ নিৰ্মাণ আছিল।৩০ ২০২২ চনতে তেওঁ ডেমিয়ান চাজেলৰ পিৰিয়ড ড্ৰামা ছবি বেবিলন-ত কনষ্টেন্স মূৰৰ চৰিত্ৰত আৰু জীৱনীমূলক ছবি চেভেলিয়াৰ-ত মেৰী-জোচেফাইন ডি মণ্টালেম্বাৰ্টৰ চৰিত্ৰত অভিনয় কৰে।৩১৩২ সেই একে বছৰতে তেওঁ স্ক্ৰীম ৬-ৰ অভিনয় শিল্পীৰ দলত যোগদান কৰে।৩৩ বেটিনেলী-অল্পিন আৰু গিলেটেৰ সৈতে তেওঁৰ দ্বিতীয়খন ছবি হিচাপে এই ছবিখন ২০২৩ চনৰ মাৰ্চ মাহত মুক্তি পায় আৰু ই এই ফ্ৰেঞ্চাইজিৰ সৰ্বাধিক উপাৰ্জনকাৰী ছবি হিচাপে পৰিগণিত হয়।৩৪

২০২২ চনত ঘোষণা কৰা হৈছিল যে ৱিভিঙে একচন হৰৰ ছবি আজৰায়েল-ত নাম ভূমিকা পালন কৰিব।৩৫ ২০২৪ চনৰ মাৰ্চ মাহত 'চাউথ বাই চাউথৱেষ্ট'ত ইয়াৰ প্ৰিমিয়াৰ অনুষ্ঠিত হয় আৰু ২০২৪ চনৰ ছেপ্টেম্বৰত ছবিগৃহ তথা ষ্ট্ৰীমিং সেৱা 'ছাডাৰ'ত মুক্তি পায়।৩৬ ২০২৪ চনতে তেওঁ অষ্ট্ৰেলিয়ান ছবি ২০০% উল্ফ-ত এটা কণ্ঠ চৰিত্ৰত অভিনয় কৰিছিল।৩৭

ৱিভিঙে ২০২৩ চনত নেটফ্লিক্সৰ ধাৰাবাহিক লিটল স্কাই-ৰ পাইলট খণ্ডত অভিনয় কৰাৰ লগতে ইয়াৰ কাৰ্যবাহী প্ৰযোজনা কৰিছিল। ইয়াৰ উপৰি তেওঁ জিম্মী ৱাৰ্ডেনৰ কমেডী-থ্ৰিলাৰ ছবি বৰ্ডাৰলাইন, এডাম লিয়নৰ জীৱনীমূলক ছবি লিজ আৰু হলী মেডিচনৰ স্মৃতিগ্ৰন্থৰ ওপৰত আধাৰিত এখন ধাৰাবাহিকত অভিনয়ৰ বাবে চুক্তিবদ্ধ হৈছে।৩৮ তেওঁ ৰেডী অৰ নট ২-ত পুনৰ গ্ৰেচৰ চৰিত্ৰত অভিনয় কৰিব আৰু নৰৱেজিয়ান থ্ৰিলাৰ ছবি আই ওণ্ডে ডাগেৰ-ৰ পুনৰ নিৰ্মাণ হিচাপে নিৰ্মিত নেটফ্লিক্সৰ হৰৰ-কমেডী ছবি অভাৰ ইউৰ ডেড বডী-ত অভিনয় কৰিব।৩৯

ব্যক্তিগত জীৱন

দ্য বেবীচিটাৰ-ৰ চেটত লগ পোৱাৰ পিছৰেপৰা ৱিভিং লেখক জিম্মী ৱাৰ্ডেনৰ সৈতে সম্পৰ্কত আছে।৪০ তেওঁলোকে ২০১৯ চনৰ ১০ মাৰ্চত তেওঁলোকৰ বাগদানৰ কথা ঘোষণা কৰে৪১ আৰু সেই বছৰতে বিবাহপাশত আবদ্ধ হয়।৪২

২০২৫ চনৰ ১৬ ডিচেম্বৰত ৱিভিং আৰু ৱাৰ্ডেনে তেওঁলোকৰ প্ৰথম সন্তানৰ আগমনৰ কথা ঘোষণা কৰে।৪৩

বাহ্যিক সংযোগ

তথ্যসূত্ৰ

  1. ↑ Lal, Chloe. (31 January 2018). Who is Samara Weaving: Get to know the Summer Bay babe that's taking Hollywood by storm. Now To Love
  2. ↑ (27 August 2009). Samara Weaving. Yahoo7
  3. ↑ Fox, Richard. (19 August 2012). Samara settles into a fine career. The Sydney Morning Herald
  4. ↑ Lipworth, Elaine. (29 September 2019). 'Must be in the genes': Why Samara Weaving was destined for stardom. The Sydney Morning Herald
  5. ↑ Clune, Richard. (22 April 2012). Summer Bay's new sister act with Samara Weaving and her sister Morgan. The Daily Telegraph
  6. ↑ Edwards, Laura. (23 January 2013). Weaving fame from a passionate past. Canberra CityNews
  7. ↑ Joe, Chloe. (2023-04-25). Samara Weaving On Her First Heartbreak, Crushing On Orlando Bloom, & Life At 14. Bustle
  8. ↑ Clune, Richard. (6 June 2010). Huge Weaving's as niece Samara takes up acting. news.com.au
  9. ↑ Vickery, Colin. (16 August 2009). Samara Weaving gets acting tips from uncle Hugo Weaving. news.com.au
  10. ↑ (17 January 2012). Vote for the AACTA award winners. The Advertiser
  11. ↑ (18 February 2014). Samara Weaving sparkles in new Bonds ad. Now to Love
  12. ↑ Scott, Gavin; Miller, Erin. (3–9 August 2013). It was time to go. TV Week. পৃ. 4–5
  13. ↑ Williamson, Brett. (10 June 2016). Home and Away star Samara Weaving unintended centre of US Election social media scam. ABC Online
  14. ↑ Silverman, Craig. (2016-06-08). This Actress Is Not Happy Her Photo Is Being Used In A Hoax About Trump Fans. BuzzFeed
  15. ↑ (13 April 2015). Samara Weaving's Fave Designers and Guilty Pleasures. Yahoo! Lifestyle
  16. ↑ Parker, Lou. (6 January 2017). Former Home and Away sweetheart Samara Weaving's Monster start to the year. The Daily Telegraph
  17. ↑ Kit, Borys. (16 March 2016). 'Walking Dead' Star Steven Yeun Tackles Action Movie 'Mayhem' (Exclusive). The Hollywood Reporter
  18. ↑ Tallerico, Brian. Mayhem movie review & film summary (2017) · Roger Ebert. RogerEbert.com
  19. ↑ (17 May 2017). Samara Weaving's dramatic role in Charlie Puth's video emerges after naked photo scandal. The Daily Telegraph
  20. ↑ McNary, Dave. (2018-08-23). Samara Weaving to Star in Thriller 'Ready or Not' for Fox Searchlight. Variety
  21. ↑ Miska, Brad. (22 August 2018). Radio Silence Plays a Game of 'Ready or Not' With Samara Weaving. Bloody Disgusting
  22. ↑ (19 July 2022). Scream 6's Samara Weaving Casting Is A Cheap Trick. Screen Rant
  23. ↑ Catsoulis, Jeannette. (2019-08-20). 'Ready or Not' Review: The Run-and-Slay Bride. The New York Times
  24. ↑ Kay, Jeremy. (26 April 2018). Samara Weaving joins Daniel Radcliffe on 'Guns Akimbo'. Screendaily
  25. ↑ N'Duka, Amanda. (2018-02-16). 'Three Billboards' Samara Weaving, Carly Chaikin To Star In 'Last Moment of Clarity' From Metalwork Pictures. Deadline
  26. ↑ Srisavasdi, Greg. (18 May 2020). Brian Cox Talks 'Last Moment Of Clarity' Collaboration With 'Exceptional' Filmmakers. Hollywood Outbreak
  27. ↑ Couch, Aaron. (5 June 2019). 'Bill & Ted 3' Finds Daughters for 'Face the Music'. The Hollywood Reporter
  28. ↑ Kit, Borys. (14 October 2019). Samara Weaving Joins Henry Golding in G.I. Joe Spinoff 'Snake Eyes'. The Hollywood Reporter
  29. ↑ Hockey, Maddison. (16 July 2020). Home And Away's Samara Weaving has scored a huge Hollywood role opposite Nicole Kidman. TV Week
  30. ↑ Kit, Borys. (24 March 2021). Samara Weaving Joins Eugenio Derbez in 'The Valet' for Lionsgate (Exclusive). The Hollywood Reporter
  31. ↑ Kit, Borys. (2 June 2021). Max Minghella, Flea, Samara Weaving Join Brad Pitt, Margot Robbie in 'Babylon'. The Hollywood Reporter
  32. ↑ Kit, Borys. (8 July 2021). Samara Weaving to Star in Searchlight Drama 'Chevalier de Saint-Georges' (Exclusive). The Hollywood Reporter
  33. ↑ Miska, Brad. (14 July 2022). 'Scream 6' – Samara Weaving and Tony Revolori Join the Cast! (Exclusive). Bloody Disgusting
  34. ↑ Malhotra, Rahul. (2023-04-09). 'Scream VI' Slashes Its Way to Franchise-Best at Domestic Box Office. Collider
  35. ↑ Wiseman, Andreas. (2022-09-27). 'Ready Or Not' & 'Scream 6' Star Samara Weaving Attached To Lead Action-Horror Pic 'Azrael' From 'Godzilla Vs. Kong 2' & 'You're Next' Scribe. Deadline
  36. ↑ Complex, Valerie. (2024-01-10). SXSW Lineup Sets 'The Fall Guy', '3 Body Problem' Among Fest's 2024 World Premieres As First Titles Revealed. Deadline
  37. ↑ Kroll, Justin. (2024-07-12). Samara Weaving To Star In 20th Century Thriller 'Eenie Meanie' From Director Shawn Simmons. Deadline
  38. ↑ Lang, Brent. (7 September 2022). Samara Weaving, Eric Dane, Ray Nicholson Starring in Comedic-Thriller 'Borderline' (Exclusive). Variety
  39. ↑ Anderton, Joe. (23 November 2024). Samara Weaving joins remake of Netflix horror-comedy. Digital Spy
  40. ↑ Christie, Erin. (26 July 2021). Inside Samara Weaving and Jimmy Warden's low-key relationship. Who
  41. ↑ Edwards, Chris. (11 March 2019). Former Home and Away star Samara Weaving announces her engagement. Digital Spy
  42. ↑ Leach, Maddison. (18 May 2022). Samara Weaving has finally confirmed she secretly married film producer Jimmy Warden. Now to Love
  43. ↑ Strout, Paige; Hudgins, Ryan. (2025-12-19). Celebrity Pregnancy Announcements of 2025: Jennifer Meyer and More. Us Weekly

সম্পৰ্কিত শ্ৰেণী

অষ্ট্ৰেলিয়ান চলচ্চিত্ৰ অভিনেত্ৰীমডেল

উৎস আৰু অনুজ্ঞাপত্ৰ

উৎস: অসমীয়া ৱিকিপিডিয়া। এই প্ৰবন্ধটো অসমীয়া ৱিকিপিডিয়াৰ “ছামাৰা ৱিভিং” প্ৰবন্ধৰ সংশোধন ৬২৬৯৮০ (১৪ আগষ্ট ২০২৬)ৰ পৰা আনি অসমীয়া বিশ্বকোষৰ গাঁথনিলৈ ৰূপান্তৰ কৰা হৈছে। মূল লেখকসকলৰ তালিকা সম্পাদনা-ইতিহাসত উপলব্ধ। পাঠ্য CC BY-SA 4.0।

এই প্ৰবন্ধটো উদ্ধৃত কৰক