চিফ টেমিটোপে অজয়ী

আমিনা টেমিটোপে অজয়ী (Chief Temitope Ajayi) এগৰাকী আমেৰিকা যুক্তৰাষ্ট্ৰৰ নাইজেৰিয়ান ব্যৱসায়িক পৰামৰ্শদাতা যি এগৰাকী প্ৰশিক্ষণপ্ৰাপ্ত একাউণ্টেণ্ট, এগৰাকী সামাজিক উদ্যোগী আৰু এগৰাকী সমাজ কৰ্মী। টেমিটোপে অজয়ী আছিল অল নাইজেৰিয়ান আমেৰিকান কংগ্ৰেছ (এএনএচি)ৰ প্ৰাক্তন সভাপতি।^১নাইজেৰিয়ান প্ৰব্ৰজনকাৰী বিষয়সমূহৰ ওপৰত তেওঁৰ প্ৰচেষ্টা আৰু অবিৰত পোষকতাই সংবাদ মাধ্যমত তেওঁক "মামা প্ৰব্ৰজনকাৰী" নামেৰে নামাকৰণ কৰিছে।^{২৩৪৫৬}

অজয়ীয়ে কৃষি ব্যৱসায় আৰু আৰ্কান্ সাছ-নাইজেৰিয়া বিনিয়োগ মঞ্চ আৰু আমেৰিকাৰ অন্যান্য দ্বিপাক্ষিক অৰ্থনৈতিক মঞ্চৰ জৰিয়তে আফ্ৰিকাত মহিলা সবলীকৰণ আৰু দৰিদ্ৰতা নিৰ্মূলকৰণৰ প্ৰসাৰ ঘটায়।^৭তেওঁ নাইজেৰিয়ান আমেৰিকান কৃষি সৱলীকৰণ কাৰ্যসূচী (NAAEP)ৰ প্ৰতিষ্ঠাপক/মুখ্য কাৰ্যবাহী বিষয়া, যিয়ে নাইজেৰিয়াৰ কৃষক, মহিলা আৰু যুৱ প্ৰাপ্তবয়স্কসকলৰ কৃষি সৱলীকৰণৰ কামত জড়িত হৈ থাকে যাতে কৃষি খণ্ডৰ মহিলা আৰু যুৱক-যুৱতীসকলৰ বাবে খাদ্যৰ পৰ্যাপ্ততা আৰু বহনক্ষম নিয়োগ বৃদ্ধি পায়।^৮ এন এ এ ই পি এটা তৃণমূল পৰ্যায়ৰ সংস্থা যিয়ে কৃষকসকলক যান্ত্ৰিক কৃষি ব্যৱস্থাত প্ৰশিক্ষণ আৰু শক্তিশালী কৰে৷ একে সময়তে ব্যৱসায়িক ঋণ, কৃষি সঁজুলিৰ সুলভতা, আৰু স্থানীয় আৰু আন্তঃৰাষ্ট্ৰীয় উভয়তে তেওঁলোকৰ শেষ উৎপাদন চপোৱা আৰু বিপণন কৰাত সহায় কৰে।^৯১০

২০১০ চনত অজয়ীয়ে নাইজেৰিয়াৰ ফেডাৰেল চৰকাৰক কৃষকক ঋণৰ সুতৰ হাৰ হ্ৰাস কৰিবলৈ আহ্বান জনায় যাতে কৃষি খণ্ড বৃদ্ধি পায় আৰু দেশখনৰ দৰিদ্ৰতা দূৰ কৰিব পৰা যায়।^১১অজয়ী আমেৰিকাৰ আৰ্কান্ সাছ আৰু মেৰিলেণ্ড ৰাজ্যৰ সদিচ্ছাৰ এম্বেছাদৰ আৰু বিগত ২০১৪ চনৰ নাইজেৰিয়াৰ ৰাষ্ট্ৰীয় সন্মিলনত তেওঁ এগৰাকী বিশিষ্ট প্ৰতিনিধি আছিল য'ত তেওঁ নাইজেৰিয়াত নেচনেল কাউন্সিল অৱ ৱমেন ছ'চাইটি (এনচিডব্লিউএছ)ক প্ৰতিনিধিত্ব কৰিছিল আৰু কনফেবৰ কৃষি সমিতিত কাৰ্যনিৰ্বাহ কৰিছিল।^{১২১৩১৪১৫}বিশ্ব বেংক গোট আৰু আন্তঃৰাষ্ট্ৰীয় মুদ্ৰা নিধিৰ বাৰ্ষিক সভাত তেওঁৰ ভাষণত প্ৰতিনিধিসকলক জনাইছিল যে "মহিলাসকল ব্যক্তিগত খণ্ডৰ ইঞ্জিন, মহিলাসকলে যিকোনো জাতিৰ অৰ্থনীতি চলায় - কাৰণ তেওঁলোকে তেওঁলোকৰ পুৰুষ সমকক্ষতকৈ বাণিজ্যৰ প্ৰতি অধিক প্ৰতি আগ্ৰহী, যিকোনো মুদ্ৰাৰ শক্তি তেওঁলোকৰ চাহিদা আৰু যোগান পূৰণ কৰাৰ ক্ষমতাত থাকে"।.^১৬