চাকৰি ডট অৰ্গ

চাকৰি ডট অৰ্গ হৈছে উত্তৰ-পূৰ্বাঞ্চলৰ বিভিন্ন ব্যৱসায়িক প্ৰতিষ্ঠান, চৰকাৰী প্ৰতিষ্ঠান, শিক্ষানুষ্ঠান আদিৰ নিয়োগ সংক্ৰান্তীয় বাতৰি প্ৰকাশ কৰা এটা ৱেবছাইট। ২০১০ চনৰ ১০ জুনত ইয়াক মুকলি কৰা হয়। ^১

নিৰ্মাণ আৰু পৰিচালনা

আই আই টি বোম্বেৰ ব্যৱস্থাপনা বিভাগৰ প্ৰাক্তন ছাত্ৰ আৰু বৰ্তমান ভাৰতীয় অসমাৰিক সেৱাৰ বিষয়া সত্যকাম দত্তই একক প্ৰচেষ্টাৰে এই ৱেবছাইটটো গঢ়ি তুলিছিল।^২ বৰ্তমান আন কেইবাজনো সদস্যই ইয়াৰ লগত জড়িত, যিসকলে প্ৰতি দিনে নিয়োগ সংক্ৰান্তীয় বাতৰিবোৰ প্ৰকাশ কৰে।

সুবিধা

• নিয়োগ সংবাদৰ উপৰি ইয়াত দেশ-বিদেশৰ বৃত্তিৰ বাতৰিও উপলব্ধ হয়।
• এছ.এম.এছ.ৰ মাধ্যমেৰে নিয়োগ সংবাদ গ্ৰহণ কৰিব পাৰি।^৩
• নিয়োগ-কৰ্তাই নিজে নিয়োগৰ সংবাদ পঠিয়াব পৰা ব্যৱস্থা আৰু চাকৰি প্ৰত্যাশীয়ে bio-data সংলগ্ন কৰিব পৰা ব্যৱস্থা।^৪

অসমৰ বাহিৰত কৰ্মসূত্ৰে থকা অসমীয়া নৱ প্ৰজন্মৰ লোকসকল, যিসকল অসমলৈ পুনৰ ঘূৰি আহিবলৈ বিচাৰে তেওঁলোকৰ বাবে এই ৱেবছাইটটো খুবেই সহায়ক হৈ পৰিছে। চৰকাৰী-বেচৰকাৰী আদি বহুতো নিয়োগ সংবাদৰ মাধ্যমে ইতিমধ্যেই বহুতো অসমীয়ক অসমলৈ আকৰ্ষিত কৰিছে। Reverse Brain Drainৰ এটা উল্লেখযোগ্য মাধ্যম হৈ পৰিছে চাকৰি ডট অৰ্গ।

- হিমজ্যোতি তালুকদাৰ।^৫

সফলতা

• এলেক্সা ৰেংক ২৫৩,৬০৬ আৰু এলেক্সা ভাৰতীয় ৰেংক ২৪,১২২।^৬

বাহ্যিক সংযোগ

• আনুষ্ঠানিক ৱেবছাইট