গোমতী ছাই

গোমতী ছাই (Gomati Sai, ২৫ মে' ১৯৭৫) ছত্তীশগড়ৰ এগৰাকী ভাৰতীয় ৰাজনীতিবিদ। ৰায়গড়ৰ পৰা সাংসদ হিচাপে কাৰ্যনিৰ্বাহ কৰাৰ পিছত তেওঁ যশপুৰ জিলাৰ অনুসূচিত জনজাতি জনগোষ্ঠীৰ বাবে সংৰক্ষিত পাথোলগাঁও বিধান সভা সমষ্টিৰ পৰা বিধায়ক হিচাপে নিৰ্বাচিত হয়।

প্ৰাথমিক জীৱন আৰু শিক্ষা

ছত্তীশগড়ৰ যশপুৰ জিলাৰ কুংকুৰিত গোমতী ছাইয়ে জন্মলাভ কৰিছিল। তেওঁৰ পিতৃৰ নাম শুভ সাৰণ সিং আৰু মাতৃ হৈছে বসন্তী বাই। ১৯৯১ চনত নিৰঞ্জন সাইৰ সৈতে তেওঁ বিবাহপাশত আবদ্ধ হয়। ৰাইপুৰৰ ছত্তীশগড় ৰাজ্যিক মুক্ত বিদ্যালয়ৰ পৰা মুকলি বিদ্যালয়ৰ ধাৰাৰে তেওঁ দ্বাদশ শ্ৰেণীত উত্তীৰ্ণ হয়।^১

কৰ্মজীৱন

২০১৯ চনৰ ভাৰতীয় সাধাৰণ নিৰ্বাচনত ভাৰতীয় জনতা পাৰ্টীৰ সদস্য হিচাপে ছত্তীশগড়ৰ ৰায়গড়ৰ পৰা ভাৰতীয় সংসদৰ নিম্ন সদন লোকসভালৈ তেওঁ নিৰ্বাচিত হৈছিল।^২৩৪