গীতাঞ্জলি আয়াৰ

গীতাঞ্জলি আয়াৰ, (জন্মনাম আম্বেগাওঁকাৰ,^১ ২৯ জানুৱাৰী ১৯৪৭ – ৭ জুন ২০২৩ চন) দূৰদৰ্শনত ভাৰতৰ মহিলা বাতৰি পঢ়োঁতা আছিল। তেওঁ নতুন দিল্লীত ৰাতিপুৱা খোজ কাঢ়ি যোৱাৰ সময়ত মগজুৰ ৰক্তক্ষৰণৰ বাবে তেওঁ ঢলি পৰে আৰু মৃত্যু হয়।^২৩তেওঁ পাৰ্কিনছন ৰোগত আক্ৰান্ত আছিল^৪ আৰু তেওঁৰ বয়স আছিল ৭৬ বছৰ।

প্ৰাথমিক জীৱন আৰু শিক্ষা

আয়াৰে কলকাতাৰ লৰেটো কলেজত শিক্ষা গ্ৰহণ কৰিছিল।^৫ নেচনেল স্কুল অৱ ড্ৰামাত ডিপ্লমাৰ বাবেও অধ্যয়ন কৰিছিল। বহু বিজ্ঞাপনত অভিনয় কৰাৰ লগতে ১৯৮০ চনৰ মাজভাগত দূৰদৰ্শনৰ জনপ্ৰিয় টেলি-ধাৰাবাহিক খানদানতো অভিনয় কৰিছিল। তেওঁৰ প্ৰাক্তন স্বামী স্বামীনাথন আয়াৰৰপৰা^৬ এগৰাকী কন্যা সাংবাদিক পল্লৱী আয়াৰ^৫ আৰু এজন পুত্ৰ শেখৰ আয়াৰ^৭ আছিল।

কেৰিয়াৰ

গীতাঞ্জলিয়ে স্নাতক ডিগ্ৰী লাভ কৰাৰ পাছত অল ইণ্ডিয়া ৰেডিঅ'ত যোগদান কৰে আৰু তাৰ পিছত দূৰদৰ্শনত ১৯৭৬^৭ যোগদান কৰে আৰু অতি সোনকালেই দেশৰ এক জনপ্ৰিয় কণ্ঠস্বৰত পৰিণত হয়। এক দশকৰো অধিক সময় তেওঁ নিশা ৯ বজাৰ প্ৰাইম টাইম ডিডি নিউজ বুলেটিনত নিয়মীয়া আছিল। ডিডিত ৩০ বছৰতকৈও অধিক সময় কাম কৰিছিল।^৮ তেওঁৰ সমসাময়িক আছিল নীতি ৰবিন্দ্ৰন, শম্মি নাৰং^৩ আৰু ৰিনি চাইমন। শুকুৰবাৰে নিশা অল ইণ্ডিয়া ৰেডিঅ'ত ইংৰাজী গীতৰ অনুৰোধ লোৱা জনপ্ৰিয় অনুষ্ঠান 'এ ডেট উইথ ইউ' আয়োজন কৰিছিল।^২ ডিডি এৰি যোৱাৰ পাছত তেওঁ কনফেডাৰেচন অৱ ইণ্ডিয়ান ইণ্ডাষ্ট্ৰী (চিআইআই)ৰ কৰ্পৰেট যোগাযোগ বিভাগত কাম কৰাৰ পাছত অলাভজনক বিশ্ব বন্যপ্ৰাণী পুঁজি প্ৰকৃতিৰ বাবে যোগদান কৰে।^৯

বঁটা

আয়াৰে চাৰিবাৰকৈ শ্ৰেষ্ঠ এংকৰৰ বঁটা লাভ কৰে। ১৯৮৯ চনত তেওঁ অসাধাৰণ মহিলাৰ বাবে ইন্দিৰা গান্ধী প্ৰিয়াদৰ্শিনী বঁটাও লাভ কৰে।^২