গিৰিজানন্দ চৌধুৰী ব্যৱস্থাপনা আৰু প্ৰযুক্তি প্ৰতিষ্ঠান, গুৱাহাটী

গিৰিজানন্দ চৌধুৰী ব্যৱস্থাপনা আৰু প্ৰযুক্তি প্ৰতিষ্ঠান (ইংৰাজী নাম: Girijananda Chowdhury Institute of Management and Technology; চমুকৈ জি আই এম টি, কেতিয়াবা জি চি আই এম টি) হৈছে অসমৰ ব্যক্তিগতখণ্ডৰ এখন আগশাৰীৰ ব্যৱস্থাপনা আৰু অভিযান্ত্ৰিক প্ৰতিষ্ঠান। শ্ৰীমন্ত শংকৰ একাডেমী সমাজৰ আধিনত ২০০৬ চনত স্থাপিত ই হৈছে অসমৰ প্ৰথম ব্যক্তিগতখণ্ডৰ অভিযান্ত্ৰিক প্ৰতিষ্ঠান।

পাঠ্যক্ৰম

গুৱাহাটী বিশ্ববিদ্যালয়ৰ অধিনত এই প্ৰতিষ্ঠানখনে স্নাতক আৰু স্নাতকোত্তৰ পৰ্যায়ত পাঠ্যক্ৰম আগবঢ়ায়।

অভিযান্ত্ৰিক বিষয়ত চাৰিবছৰীয়া স্নাতক পৰ্যায়ৰ পাঠ্যক্ৰম আগবঢ়োৱা বিভাগসমূহ হৈছে:

• বিদ্যুত পাৰমাণৱিক আৰু দূৰসংযোগ বিভাগ (Electronics and Telecommunication Engineering)
• কম্পিউটাৰ বিজ্ঞান আৰু অভিযান্ত্ৰিক বিভাগ (Computer Science and Engineering)
• তথ্য প্ৰযুক্তিবিদ্যা বিভাগ (Information Technology)
• প্ৰায়োগিক বিদ্যুত পাৰমাণৱিক আৰু যন্ত্ৰায়ক বিভাগ (Applied Electronics and Instrumentation Engineering)
• বৈদ্যুতিক অভিযান্ত্ৰিক বিভাগ (Electrical Engineering)
• যান্তিক অভিযান্ত্ৰিক বিভাগ (Mechanical Engineering)

স্নাতকোত্তৰ পৰ্যায়ৰ পাঠ্যক্ৰম সমূহ:

• দুবছৰীয়া স্নাতকোত্তৰ ব্যৱাসায়িক প্ৰশাসন (Master of Business Administration)
• তিনিবছৰীয়া স্নাতকোত্তৰ প্ৰায়োগিক কম্পিউটাৰ (Master of Computer Application)