গিয়াচুদ্দিন

গিয়াচুদ্দিন(১৬-১৭ শতিকা)ৰ তেওঁ ইছলাম ধৰ্মাৱলম্বীৰ লোক আছিল। পিতৃ আছিল আবুবকৰ। ১৬১৪ চনত ঢাকাৰ নবাবে হাজোৰ শাসনকৰ্তা পৰীক্ষিত নাৰায়ণক দমন কৰাৰ উদ্দেশ্যে সৈন্যদল পঠিয়াইছিল। সেই সৈন্যদলৰ অন্যতম সেনাপতি আছিল আবুবকৰ। গিয়াচুদ্দিনো আবুবকৰৰ লগতেই অসমলৈ আহিছিল। পৰীক্ষিতৰ লগত হোৱা যুদ্ধত হাজোত গিয়াচুদ্দিনৰ মৃত্যু ঘটিছিল। গিয়াচুদ্দিন এজন পণ্ডিত লোক আছিল। তেওঁৰ মৃত্যুস্থান হাজোত থকা তেওঁৰ সমাধিস্থলীয়ে পিছলৈ পোৱামক্কা নাম লৈ এক তীৰ্থস্থান হিচাপে প্ৰসিদ্ধি লাভ কৰে^১।