কোৰিয়াল শাৰী

কোৰিয়াল শাৰী ( Korial Saree) পশ্চিম বংগৰ পৰম্পৰাগত হাতে বোৱা শাৰী। এই হস্ততাঁত শাৰীবোৰ ৰঙা পাৰি, নক্সাৰ অভিনৱত্ব, অলংকাৰযুক্ত আঁচল, বয়নত প্ৰাকৃতিক আঁহৰ (পাটসূতা) ব্যৱহাৰৰ বাবে বিখ্যাত। শাৰীখন আছিল পবিত্ৰতা, বিশুদ্ধতা আৰু মংগলৰ প্ৰতীক। ২০২৪ চনত কোৰিয়াল শাৰীয়ে পঞ্জীয়নভুক্ত ভৌগোলিক নিৰ্দেশক (GI) হিচাপে স্বীকৃতি লাভ কৰে।^১

কোৰিয়াল শাৰী পৰম্পৰাগতভাৱে হাতশালত বোৱা হয়, আৰু নক্সা তৈয়াৰ কৰিবলৈ জালা ব্যৱস্থা ব্যৱহাৰ কৰে। হাতশালত মাকো হাতেৰে এফালৰ পৰা আন এটা ফাললৈ চলায়। বোৱাৰ বাবে ১০০ কাউণ্টৰ ৰেচমৰ সূতা ব্যৱহাৰ কৰা হয় আৰু লগতে প্ৰয়োজন অনুসৰি জৰী ব্যৱহাৰ কৰা হয়। শাড়ীত সৰল বোৱনৰ পাৰি বা অতিৰিক্ত দীঘ ব্যৱহাৰ কৰা পাৰি থাকে; আঁচলত পৰম্পৰাগত ফুল আৰু জ্যামিতিক নক্সা থাকে, যিবোৰ জালা পদ্ধতি ব্যৱহাৰ কৰি তৈয়াৰ কৰা হয়। শাৰীখনৰ গাত বুটি নক্সা থাকে, যিটো অতিৰিক্ত বাণিসুতা জালা পদ্ধতি ব্যৱহাৰ কৰি তৈয়াৰ কৰা হয়। কোৰিয়াল শাড়ীৰ বিশেষত্ব হ’ল ইয়াক বোৱাৰ পিছত সাধাৰণ পৰম্পৰাগত “খৈ” মাড় দিয়া হয় আৰু এটা নিৰ্দিষ্ট সময়ৰ বাবে শুকুৱাই লোৱা হয়। শেষত শাৰীখন সাৱধানে ভাঁজ কৰা হয়।

২০২৪ চনৰ তথ্য অনুসৰি পশ্চিম বংগৰ মুৰ্চিদাবাদ আৰু বীৰভূম জিলাত ১৪৬ গৰাকী শিপিনী কোৰিয়াল শাৰী বোৱাৰ কামত নিয়োজিত হৈ আছে। ২০১৮-১৯ বিত্তীয় বৰ্ষত এই শাৰীৰ বাৰ্ষিক বিক্ৰী আছিল ২.৪৫ কোটি টকা।^২