কে আৰ বিজয়া

দেৱনায়কী ( K. R. Vijaya ) এগৰাকী ভাৰতীয় অভিনেত্ৰী, যিয়ে তামিল, মালয়ালম, তেলেগু আৰু কানাড়া ছবিত অভিনয় কৰিছে। তেওঁ কে আৰ বিজয়া মঞ্চনাম অধিক পৰিচিত। ১৯৬৩ চনৰ পৰা আৰম্ভ কৰি ছয় দশকৰো অধিক সময় দক্ষিণ ভাৰতীয় চলচ্চিত্ৰত তেওঁ অভিনয় কৰি আহিছে। অভিনেত্ৰীগৰাকীয়ে দক্ষিণ ভাৰতীয় চলচ্চিত্ৰৰ প্ৰায় সকলো দিগগজৰ সৈতে কাম কৰিছে আৰু বহুতো বিশিষ্ট ভূমিকাত অভিনয় কৰিছে।^১

ব্যক্তিগত জীৱন

১৯৬৬ চনত মদাথিল ভেলায়ুথান নামৰ এজন ব্যৱসায়ীক বিয়া কৰায়। তেওঁৰ স্বামী সুদৰ্শন ট্ৰেডিং কোম্পানীৰ মুখ্য কাৰ্যবাহী আৰু চলচ্চিত্ৰ প্ৰযোজক আছিল। এই দম্পতীৰ হেমলতা নামৰ এজনী কন্যা আছে।^২ ২০১৬ চনৰ ২৬ মাৰ্চত ৮২ বছৰ বয়সত এম ভেলায়ুথানৰ মৃত্যু হয়।^৩৪

কৰ্মজীৱন

বিজয়াৰ তেওঁৰ প্ৰথম ছবি কাৰ্পাগমত (১৯৬৩) নায়িকা হিচাপে আত্মপ্ৰকাশ কৰিছিল। তেওঁৰ উল্লেখযোগ্য ছবিসমূহ হ’ল ইধয়া কমলাম (১৯৬৫), ওদায়িল নিন্নু (১৯৬৫), সৰস্বতী সবাথাম (১৯৬৬), চেলভাম (১৯৬৬), নেঞ্জিৰুক্কুম বাৰৈ (১৯৬৭), ইৰু মালাৰগাল (১৯৬৭), নম্মা ভেট্টু দেয়ৱম (১৯৭০), ধীৰগা সুমংগলী (১৯৭৪), থাংগাহাক্কম (১৯৭৪), থিৰিছুলাম (১৯৭৯) আৰু ইথিৰি পুভে চুভান্নাপুভে (১৯৮৪)। তেওঁৰ ১৯৬৭ চনত একে বছৰতে সন্তান জন্ম দিয়াৰ উপৰিও ১৮খন ছবিত মুখ্য চৰিত্ৰত অভিনয় কৰাৰ সুকীয়া অভিলেখ আছিল।