কেৰী উইলিয়ামছ ক্লিফৰ্ড

কেৰী উইলিয়ামছ ক্লিফৰ্ড (Carrie Williams Clifford) আছিল এগৰাকী লেখিকা, ক্লাব মহিলা আৰু আমেৰিকাৰ মহিলা অধিকাৰ আৰু নাগৰিক অধিকাৰ আন্দোলনৰ কৰ্মী।^১

জীৱনী

অহাইঅ'ৰ চিলিকোথেত জন্মগ্ৰহণ কৰা^২ আৰু তাতেই ডাঙৰ-দীঘল হৈ শিক্ষা গ্ৰহণ কৰা ক্লিফৰ্ডে ৰাজ্যখন এৰি পশ্চিম ভাৰ্জিনিয়াৰ পাৰ্কাৰছবাৰ্গত তিনি বছৰ শিক্ষকতা কৰে।^১৩ ১৮৮৬ চনত তেওঁ অহাইঅ'ৰ ক্লিভলেণ্ডলৈ উভতি যায় আৰু অহাইঅ' ৰাজ্যৰ বিধায়ক উইলিয়াম এইচ ক্লিফৰ্ডক বিয়া কৰায় আৰু এগৰাকী নিয়োজিত ক্লাব মহিলা হয়।^১ ৯০৮ চনত তেওঁ স্বামী আৰু দুটা সন্তান মৰিছ আৰু জোছুয়াৰ সৈতে ৱাশ্বিংটন ডি.চি.লৈ যায়৷ ১৯৩৪ চনৰ ১০ নৱেম্বৰত ক্লিফৰ্ডৰ মৃত্যু হয়,^১ আৰু তেওঁক অহাইঅ'ৰ ক্লিভলেণ্ডৰ উডলেণ্ড কবৰস্থানত সমাধিস্থ কৰা হয়।^{৩ ৪}

ক্লিফৰ্ডত থকাৰ সময়তে ক্লিফৰ্ডে মিনাৰ্ভা ৰিডিং ক্লাব প্ৰতিষ্ঠা কৰে, যিয়ে বৰ্তমানৰ সামাজিক সমস্যাসমূহৰ বিষয়ে আলোচনা কৰে।^৫ নেচনেল এছ'চিয়েচন অৱ কালাৰ্ড উইমেনৰ সহকাৰী ৰেকৰ্ডিং সম্পাদিকা হিচাপে আগবঢ়োৱা তেওঁৰ কামৰ ফলত ১৯০১ চনত তেওঁ অহাইঅ' ফেডাৰেচন অৱ কালাৰ্ড ৱমেনছ ক্লাব প্ৰতিষ্ঠা কৰে।^১৫ ক্লিভলেণ্ডত থকাৰ সময়ত তেওঁ সংস্থাটোৰ প্ৰথম সভানেত্ৰী হিচাপে কাৰ্যনিৰ্বাহ কৰিছিল।^১

ক্লিফৰ্ডে ৰেচ ৰাইমছ (১৯১১)^৬আৰু দ্য ৱাইডেনিং লাইট (১৯২২)^৭ নামৰ দুখন কবিতা পুথি লিখিছিল৷