কেন'ট টেক দিচ শ্বিট এনিম'ৰ

কেন'ট টেক দিচ শ্বিট এনিম'ৰ (Can't Take This Shit Anymore) হ'ল বিনোদ কাপৰিৰ ২০১৪ চনৰ এখন ভাৰতীয় তথ্যচিত্ৰ। এইখনে ৬২ সংখ্যক ৰাষ্ট্ৰীয় চলচ্চিত্ৰ বঁটাৰ সামাজিক বিষয়ৰ ওপৰত শ্ৰেষ্ঠ চলচ্চিত্ৰৰ ৰাষ্ট্ৰিয় চলচ্চিত্ৰ বঁটা লাভ কৰিছিল। ইয়াত মহিলাসকলৰ দৈনন্দিন জীৱনৰ স্পষ্ট কাহিনী কোৱা হৈছে - মুকলি ঠাইত শৌচ কৰাৰ সময়ত তেওঁলোকে সন্মুখীন হোৱা অপমান আৰু বিপদৰ কথা।^১

সংক্ষিপ্তসাৰ

কেন'ট টেক দিচ শ্বিট এনিম'ৰ-ত ছয়গৰাকী বিবাহিত মহিলাক দেখুৱাইছে যিসকলে তেওঁলোকৰ নতুন ঘৰত শৌচালয়ৰ অভাৱৰ বাব‍েই পিতৃ-মাতৃৰ ঘৰলৈ উভতি আহে। মুকলি ঠাইত শৌচ কৰিবলগীয়া হোৱাৰ অপমান আৰু অস্বস্তিৰ সন্মুখীন হৈ আৰু সামাজিক চাপৰ সন্মুখীন হৈ এই মহিলাসকল পিতৃ-মাতৃৰ ঘৰলৈ উভতি যোৱাটোকে‍ বাছি লৈছিল, যিটো গ্ৰাম্য ভাৰতত এগৰাকী বিবাহিত মহিলাৰ বাবে অকল্পনীয় আছিল।

উত্তৰ প্ৰদেশৰ কুশনগৰ জিলাত পৰিৱেশিত এই তথ্যচিত্ৰখনে এফালে পূৰদাহ পালন কৰিবলগীয়া আৰু আনফালে মুকলিত নিজকে সকাহ দিবলৈ বাধ্য হোৱা মহিলাসকলৰ হতাশজনক পৰিস্থিতিৰ এক ভয়ানক সোঁৱৰণী।নায়ক আৰু এগৰাকী সামাজিক কৰ্মী আছমাৰ সৈতে হোৱা সাক্ষাৎকাৰৰ জৰিয়তে, যিগৰাকী কাহিনীকাৰো হয়, চলচ্চিত্ৰখনত মহিলাসকলে মুকলি ঠাইত শৌচ কৰাৰ সময়ত সন্মুখীন হোৱা অপমান আৰু বিপদৰ স্পষ্ট কাহিনী কৈছে‍।

কেমেৰাই দৰ্শকক পথাৰ আৰু পথৰ কাষলৈ লৈ যায় য'ত মহিলাসকলে অন্ধকাৰ আৱৰণত নিজকে মুক্ত কৰিবলৈ দলৱদ্ধভাৱে একত্ৰিত হয়। এই বিশেষ অসুবিধাক আলোকপাত কৰা এটা লোকগীতে ছবিখনৰ আখ্যানৰ মাজত সংযোগ স্থাপন কৰে। আছমাৰ প্ৰচাৰ আৰু এই বিষয়টো সংবাদ মাধ্যমত প্ৰকাশ পোৱাৰ বাবে চৰকাৰী কৰ্তৃপক্ষই ছয়টা ঘৰত শৌচাগাৰ নিৰ্মাণ কৰে। তেতিয়াহে মহিলাসকলে তেওঁলোকৰ বৈবাহিক ঘৰলৈ উভতি আহিছিল।

এই মহিলাসকলৰ কাহিনী নথিভুক্ত কৰাৰ সমান্তৰালকৈ ছবিখনে বিয়াত নিজৰ সামৰ্থ্যৰ বাহিৰত খৰচ কৰা কিন্তু পিছফালৰ চোতালত শৌচাগাৰ নিৰ্মাণ কৰিবলৈ পৰ্যাপ্ত ধন নথকা পৰিয়ালসমূহৰ অগ্ৰাধিকাৰৰ ওপৰত প্ৰশ্ন উত্থাপন কৰিছে। ইয়াৰ পৰা এই প্ৰশ্ন উত্থাপন হয় যে ঘৰৰ এটা শৌচাগাৰে কেৱল এগৰাকী মহিলাৰ উদ্দেশ্য পূৰণ কৰে নেকি? প্ৰধানমন্ত্ৰী শ্ৰী নৰেন্দ্ৰ মোদীয়ে স্বাধীনতা দিৱসৰ ভাষণত এই বিষয়টোৰ উল্লেখ কৰাটো স্বচ্ছতাৰ ক্ষেত্ৰত এতিয়াও কিমান কাম কৰিবলগীয়া আছে তাৰ প্ৰতিফলন।

বঁটা আৰু মনোনয়ন