কৃষ্ণা মুখাৰ্জী

কৃষ্ণা মুখাৰ্জী (ইংৰাজী ভাষা: Krishna Mukherjee; জন্ম: ১২ আগষ্ট ১৯৯২) এগৰাকী ভাৰতীয় অভিনেত্ৰী, যিয়ে প্ৰধানকৈ হিন্দী ভাষা টেলিভিছনত কাম কৰে। তেওঁ ‘য়ে হ্যে মহব্বতেঁ’ ধাৰাবাহিকত আলিয়া ৰাঘৱ ভাল্লাৰ চৰিত্ৰত কৰা অভিনয়ৰ বাবে বেছি পৰিচিত।

প্ৰাৰম্ভিক আৰু ব্যক্তিগত জীৱন

মুখাৰ্জীৰ জন্ম ১৯৯২ চনৰ ১২ আগষ্টত পঞ্জাব, ভাৰতৰ লুধিয়ানাত বিশ্বৰূপ মুখাৰ্জী আৰু ৰুবি মুখাৰ্জীৰ কোলাত হৈছিল।

২০২২ চনৰ ৮ ছেপ্টেম্বৰত হিমাচল প্ৰদেশৰ মানালীত মুখাৰ্জীয়ে তেওঁৰ বহুদিনীয়া প্ৰেমিক চিৰাগ বাটলিৱালাৰ সৈতে আঙুঠি পিন্ধোৱা পৰ্ব সম্পন্ন কৰে। চিৰাগ ভাৰতীয় মাৰ্চেণ্ট নেভীৰ এগৰাকী পাৰ্চী নাৱিক।^১২ ২০২৩ চনৰ ১৩ মাৰ্চত গোৱাত বঙালী ৰীতি-নীতিৰে তেওঁলোক বিবাহপাশত আৱদ্ধ হয়।^৩৪

কৰ্মজীৱন

মুখাৰ্জীয়ে ঝল্লী অঞ্জলি ধাৰাবাহিকত শীলাৰ চৰিত্ৰৰ জৰিয়তে অভিনয়ত আত্মপ্ৰকাশ কৰিছিল। ইয়াৰ পিছত তেওঁ বিন্দাচ চেনেলৰ য়ে হ্যে আশিকী-ত ৰেয়াংশ ভাটিয়াৰ বিপৰীতে সঞ্জনা হিচাপে^৫ আৰু টুইষ্ট ৱালা লাভ-ত আৰ্ছিয়া হিচাপে অভিনয় কৰিছিল।^৬

২০১৬ চনত মুখাৰ্জীয়ে একতা কাপুৰৰ ষ্টাৰ প্লাছৰ কাৰ্যসূচী য়ে হ্যে মহব্বতেঁ-ত অভিষেক বৰ্মা আৰু অভিষেক মালিকৰ বিপৰীতে আলিয়াৰ চৰিত্ৰত যোগদান কৰে, যিটো তেওঁৰ কেৰিয়াৰৰ বাবে এক গুৰুত্বপূৰ্ণ ভূমিকা হিচাপে প্ৰমাণিত হয়।^৭৮ ইয়াৰ সমান্তৰালভাৱে তেওঁ কাপুৰৰ আন এক নিৰ্মাণ অলৌকিক কল্পকাহিনী ধাৰাবাহিক নাগিন ৩-ত এটা নেতিবাচক চৰিত্ৰত অভিনয় কৰিবলৈ চুক্তিবদ্ধ হয়, য’ত তেওঁ অন্তিম কেইটামান খণ্ডত অভিনয় কৰিছিল।^৯ ২০১৯ চনৰ মে’ মাহত তেওঁ তামসী হিচাপে শ্ব’টোত প্ৰৱেশ কৰে।^১০১১

২০১৯ চনৰ ডিচেম্বৰত য়ে হ্যে মহব্বতেঁ সমাপ্ত হোৱাৰ পিছত মুখাৰ্জীয়ে অভিনয়ৰ পৰা এটা চুটি বিৰতি লৈছিল।^১২

২০২১ চনৰ জানুৱাৰী মাহত নাগিন ৫-ৰ স্পিন-অফ কুছ টোহ হ্যে: নাগিন এক নয়ে ৰং মেঁ ঘোষণা কৰা হয়।^১৩

২০২২ চনত তেওঁক হৰ্ষ ৰাজপুতৰ বিপৰীতে প্ৰিয়া সিংহানিয়া হিচাপে দেখা গৈছিল। ইয়াৰ উপৰি তেওঁ দংগল চেনেলৰ শুভ গুন-ত শ্বেহজাদা ধামীৰ বিপৰীতে কাম কৰিছিল।