কুসুমা কৰুণাৰত্নে

কুসুমা কৰুণাৰত্নে (জন্ম: ২১ নৱেম্বৰ, ১৯৪০) এগৰাকী শ্ৰীলংকাৰ শিক্ষাবিদ, বিশ্ববিদ্যালয়ৰ প্ৰশাসক, অধ্যাপক আৰু সিংহলী ভাষা আৰু সাহিত্যৰ পণ্ডিত।^১২

ব্যক্তিগত জীৱন

১৯৪০ চনৰ ২১ নৱেম্বৰত ডোডাম্পহালাৰ ডিকৱেলাত মিষ্টাৰ আৰু মিচেছ ডি ই জয়সূৰ্যৰ ব্যাৱসায়িক পৰিয়ালত জন্মগ্ৰহণ কৰিছিল কুসুমা জয়সূৰ্যই। ডোদমপাহলা বিদ্যালয়ত আৰু তাৰ পিছত ডিকৱেলাৰ বিজিতা বিদ্যালয়ত স্কুলীয়া শিক্ষা গ্ৰহণ কৰিছিল। তেওঁ পেৰাডেনিয়া কেম্পাছৰ চিলন বিশ্ববিদ্যালয়ৰপৰা স্নাতক শিক্ষা সমাপ্ত কৰে;^১ তাত ১৯৬৪ চনত তেওঁ সেই প্ৰতিষ্ঠানৰপৰা প্ৰথম শ্ৰেণীৰ সন্মানীয় ডিগ্ৰী লাভ কৰা তেওঁৰ শাখাৰ প্ৰথমগৰাকী মহিলা ছাত্ৰী হয়।^৩ পিছলৈ পেছাত অভিযন্তা সমৰাজীৱা কৰুণাৰত্নেৰ লগত বিবাহপাশত আবদ্ধ হয়। তেওঁলোকৰ দুজন পুত্ৰ সাৱন্ত কৰুণাৰত্নে আৰু পচন্ত কৰুণাৰত্নে, দুয়োজনেই গ্ৰাফিক্স আৰু ইমেজ/ভিডিঅ’ প্ৰচেছিঙৰ বিশেষজ্ঞ বৈদ্যুতিক অভিযন্তা। বয়োজ্যেষ্ঠ সাৱন্ত কৰুণাৰত্নেৰ পি.এইচ.ডি. অষ্ট্ৰেলিয়াৰ ছিডনী বিশ্ববিদ্যালয়ৰপৰা ইলেক্ট্ৰিকেল আৰু কম্পিউটাৰ ইঞ্জিনিয়াৰিঙত স্নাতক ডিগ্ৰী লাভ কৰে। সৰুজন পছন্ত কৰুণাৰত্নেই পি.এইচ.ডি. আমেৰিকাৰ নৰ্থৱেষ্টাৰ্ণ বিশ্ববিদ্যালয়ৰপৰা ইলেক্ট্ৰিকেল ইঞ্জিনিয়াৰিং আৰু কম্পিউটাৰ বিজ্ঞানত স্নাতক ডিগ্ৰী লাভ কৰে।

শৈক্ষিক কেৰিয়াৰ

চিলন বিশ্ববিদ্যালয়ৰ সিংহল বিভাগৰ সহকাৰী প্ৰবক্তা হিচাপে নিযুক্তি পোৱাৰ লগে লগে শৈক্ষিক কেৰিয়াৰ আৰম্ভ হয়। ১৯৬৭ চনত মিচেছ কৰুণাৰত্নে আৰু তেওঁৰ স্বামীয়ে যুক্তৰাজ্যলৈ যাত্ৰা কৰে আৰু দুয়োজনে স্নাতকোত্তৰ অধ্যয়নৰদ্বাৰা অধিক শিক্ষা গ্ৰহণ কৰে আৰু এচেক্স বিশ্ববিদ্যালয়ত সাহিত্যৰ সমাজবিজ্ঞান অধ্যয়ন কৰে। পিছলৈ তেওঁ লণ্ডনৰ স্কুল অৱ অৰিয়েণ্টেল এণ্ড আফ্ৰিকান ষ্টাডিজত স্নাতক অধ্যয়ন কৰে। কলম্বো বিশ্ববিদ্যালয়ৰপৰা ডক্টৰেট ডিগ্ৰী লাভ কৰে।

কৰুণাৰত্নে কলম্বো বিশ্ববিদ্যালয়ৰ সিংহলী বিভাগৰ প্ৰথম মহিলা প্ৰবক্তা হিচাপে পৰিগণিত হয় আৰু পিছলৈ সিংহলী ভাষাৰ প্ৰথম মহিলা অধ্যাপিকা আৰু সেই বিভাগৰ মুৰব্বী হোৱা প্ৰথম মহিলা হিচাপে পৰিগণিত হয়।^৩ পিছলৈ অধ্যাপক কৰুণাৰত্নে কলম্বো বিশ্ববিদ্যালয়ৰ ডীন আৰু ভাৰপ্ৰাপ্ত উপাচাৰ্য হয়।^৩

কেৰিয়াৰৰ সময়ছোৱাত তেওঁ অধ্যাপক আৰু কূটনীতিবিদকে ধৰি বহু জাপানীক সিংহল ভাষা শিকাইছে, যাৰ ফলত জাপান আৰু শ্ৰীলংকাৰ মাজৰ সম্পৰ্ক শক্তিশালী কৰাত সহায় কৰিছে। সিংহলী ভাষালৈ বহু ইংৰাজী আৰু জাপানী উপন্যাস অনুবাদ কৰিছে। জাপানী সাহিত্য আৰু সংস্কৃতিৰ ক্ষেত্ৰত জাপানক আগবঢ়োৱা বিশিষ্ট সেৱাৰ বাবে, আৰু তেওঁৰ গৃহ দেশ আৰু জাপানৰ মাজৰ আন্তঃৰাষ্ট্ৰীয় সম্পৰ্কৰ বাবে ২০১১ চনত জাপানৰ সম্ৰাটে তেওঁক অৰ্ডাৰ অৱ দ্য ৰাইজিং সন্মানেৰে সন্মানিত কৰে।