কুনাল গোস্বামী

কুনাল গোস্বামী (Kunal Goswami) এগৰাকী ভাৰতীয় অভিনেতা আৰু ব্যৱসায়ী ব্যক্তিত্ব যিয়ে চলচ্চিত্ৰ আৰু টেলিভিছনত অভিনয় কৰিছিল। তেওঁ ভাৰতীয় চলচ্চিত্ৰ তাৰকা তথা প্ৰযোজক-পৰিচালক মনোজ কুমাৰৰ পুত্ৰ৷

জীৱনী

১৯৮১ চনত পিতৃৰ দ্বাৰা পৰিচালিত ক্ৰান্তি নামৰ ছবিত অভিনয়েৰে গোস্বামীয়ে বলীউডত আত্মপ্ৰকাশ কৰে।^১ ১৯৮৩ চনত ঘুংৰু^২ আৰু কলাকাৰ নামৰ ছবি দুখনত তেওঁ প্ৰথম মুখ্য চৰিত্ৰত অভিনয় কৰে। কলাকাৰত অভিনেত্ৰী শ্ৰীদেৱী তেওঁৰ সহ অভিনেত্ৰী আছিল আৰু তেওঁৰ ওপৰত চিত্ৰিত হৈছিল হিট গীত নীলে নীলে অম্বৰ পাৰ।^৩ তেওঁ দো গুলাব (১৯৮৩), ৰিকি (১৯৮৬), আখৰী বাজী (১৯৮৯) আৰু পাপ কি কামাই (১৯৯০) আদিৰ দৰে আন কেইবাখনো চলচ্চিত্ৰত অভিনয় কৰিছিল।^৪৫৬৭ ১৯৯১ চনত নম্বৰী আদমী আৰু বিষকন্যাৰ মুক্তিৰ পিছত কেইবাবছৰ ধৰি অভিনয় জগতৰ পৰা আঁতৰি থাকে।^৮৯ ১৯৯৯ চনত তেওঁৰ পিতৃৰ পৰিচালনাত নিৰ্মিত জয় হিন্দ নামৰ ছবিখনত অভিনয়েৰে তেওঁ পুনৰবাৰ নিজৰ কেৰিয়াৰ পুনৰুজ্জীৱিত কৰাৰ চেষ্টা কৰিছিল।^{১০১১১২} কিন্তু তেওঁৰ কোনো এখন ছবি সফল নহ’ল আৰু ১৯৯৯ চনৰ পিছত তেওঁ ছবিজগত ত্যাগ কৰে।[ উদ্ধৃতিৰ প্ৰয়োজন ]

২০০০ চনত গোস্বামীয়ে ডি ডি নেচনেলত প্ৰচাৰিত হোৱা টেলিভিছন ধাৰাবাহিক আলাগ আলাগতো অভিনয় কৰিছিল।^১৩

ব্যক্তিগত জীৱন

তেওঁৰ বিশাল নামৰ এজন ককায়েক আছে। তেওঁৰ খুৰা ৰাজীৱ গোস্বামীও এগৰাকী অভিনেতা। ২০০৫ চনত তেওঁ ৰীতি গোস্বামীৰ সৈতে বিবাহপাশত আবদ্ধ হয়। তেওঁ এতিয়া দিল্লীত কেটাৰিং ব্যৱসায় চলাই আছে৷^{১১৪১৫১৬}

চলচ্চিত্ৰপুঞ্জী

চলচ্চিত্ৰ

টেলিভিছন