কাৰ্তিকা থিৰুণাল লক্ষ্মী বাই

মহাৰাণী কাৰ্তিকা থিৰুণাল লক্ষ্মী বাই (Karthika Thirunal Lakshmi Bayi; ১৯১৬-২০০৮) আছিল ট্ৰাভাংকুৰৰ শেষ শাসক মহাৰাজ শ্ৰী চিথিৰা থিৰুণাল বালাৰামা বৰ্মা আৰু তেওঁৰ উত্তৰাধিকাৰী শ্ৰী উথ্ৰাডম থিৰুণাল মাৰ্থাণ্ডা বৰ্মাৰ একমাত্ৰ ভগ্নী। ট্ৰাভাংকোৰ ৰাজ্যত প্ৰচলিত মেট্ৰিলিনিয়াল মাৰুমাক্কাথায়ম উত্তৰাধিকাৰ ব্যৱস্থাৰ অধীনত তেওঁৰ সন্তানসকলেই সিংহাসনৰ উত্তৰাধিকাৰী আছিল। সেয়েহে মহাৰাজৰ পত্নীসকলতকৈ ট্ৰাভাংকুৰ দৰবাৰত তেওঁ অতি বিশেষ স্থান লাভ কৰিছিল আৰু তেওঁক নিজৰ অধিকাৰত আটিংগলৰ ৰাণী বুলি অভিহিত কৰা হৈছিল। ২০১৩ চনত তেওঁৰ একমাত্ৰ জীৱিত পুত্ৰই তেওঁৰ খুৰাকৰ পিছত ট্ৰাভাঙ্কোৰৰ নামমাত্ৰ মহাৰাজ হিচাপে কাৰ্যনিৰ্বাহ কৰিছিল আৰু তেওঁক মূলম থিৰুনাল ৰামা বাৰ্মা বুলি জনা যায়।

প্ৰাৰম্ভিক বছৰসমূহ

কিলিমানুৰৰ ৰাণী মাতৃ ছেঠু পাৰ্বতী বায়ী আৰু শ্ৰী ৰবি বৰ্মা কয়ী থামপুৰণৰ একমাত্ৰ কন্যা হিচাপে জন্মগ্ৰহণ কৰা কাৰ্তিকা থিৰুণাল লক্ষ্মী বাই লেফটেনেণ্ট কৰ্ণেল জি ভি ৰাজাৰ সৈতে বিবাহপাশত আৱদ্ধ হ‍ৈছিল। ৱানইণ্ডিয়া অনলাইন ডেইলিৰ মতে তেওঁ প্ৰাক স্বাধীন আৰু স্বাধীন ভাৰতৰ ডাঙৰ ডাঙৰ অনুষ্ঠানৰ সাক্ষী আছিল; তেওঁ এগৰাকী নিপুণ নৃত্যশিল্পী, গায়িকা আৰু এগৰাকী ভাষাবিদো আছিল।^১ পৰম্পৰা অনুসৰি তেওঁ মূথা থামপুৰান নামেৰে জনাজাত আটিংগাল ফিফডমৰ মুৰব্বীও আছিল।

১৯১৬ চনৰ ১৭ ছেপ্টেম্বৰত ট্ৰাভাংকুৰৰ মেট্ৰিলিনিয়াল ৰয়েল হাউচত কিলিমানুৰ কোভিলাকামৰ সংস্কৃত পণ্ডিত আৰু অভিজাত শ্ৰী পুৰাম নল ৰবি বৰ্মা কোচু কোভিল তাম্পুৰন আৰু ট্ৰাভাংকুৰৰ আম্মা মহাৰাণী মুলাম থিৰুনাল ছেঠু পাৰ্বতী বাইৰ একমাত্ৰ কন্যা হিচাপে জন্মগ্ৰহণ কৰে। নিৰ্বাচিত টিউটৰ আৰু পণ্ডিতসকলে তেওঁক শিক্ষা দিছিল। মালয়ালম, সংস্কৃত, ইংৰাজী, ফৰাচী আদি ভাষা আয়ত্ত কৰিছিল। শৈশৱৰ পৰাই কাৰ্তিকা থিৰুনালৰ নৃত্য-সংগীতৰ প্ৰতি গভীৰ আগ্ৰহ আছিল। তেওঁৰ আগ্ৰহক স্বীকৃতি দি তেওঁৰ জ্যেষ্ঠ ভাতৃ মহাৰাজ শ্ৰী চিথিৰা থিৰুনালে হৰিকেশনেল্লুৰ মুথাইয়া ভাগৱতক তেওঁৰ সংগীত শিক্ষক হিচাপে নিযুক্তি দিয়ে। ১৯৩৩ চনত ১৬ বছৰ বয়সত কাৰ্তিকা থিৰুনালে সাগৰ পাৰ হোৱাৰ সৈতে জড়িত তেতিয়াৰ প্ৰচলিত অন্ধবিশ্বাসৰ বিৰুদ্ধে পৰিয়ালৰ পৰা প্ৰথমগৰাকী মাতৃৰ সৈতে সাগৰীয় যাত্ৰা আৰম্ভ কৰে। তেওঁ ত্ৰিবেন্দ্ৰমত অনুষ্ঠিত ১৯৩৫ চনৰ সৰ্বভাৰতীয় মহিলা সন্মিলনতো অংশগ্ৰহণ কৰিছিল।^২

ৰাজকীয় বিবাহ

কাৰ্তিকা থিৰুনালৰ ১৬ বছৰ সম্পূৰ্ণ হোৱাৰ লগে লগে তাইৰ বিয়া পাতিবলৈ সিদ্ধান্ত লোৱা হৈছিল। সাধাৰণতে ট্ৰেভাংকুৰ ৰাজকুমাৰী আৰু ৰাণীৰ বাবে দৰা হিচাপে কয়ি থাম্পুৰানসকলক নিৰ্বাচিত কৰা হৈছিল।^৩ উথৰাদোম থিৰুনালৰ মতে মহাৰাজ শ্ৰী চিথিৰা থিৰুনাল আৰু ছেঠু পাৰ্বতী বাইয়ে কয়ী থাম্পুৰানসকলৰ শ্ৰেষ্ঠত্বক আওকাণ কৰি পুঞ্জাৰ পেলেচৰ পি.আৰ.গোদাবৰ্মা ৰাজা নামৰ এজন যুৱ অভিজাত ব্যক্তিৰ সৈতে কাৰ্তিকা থিৰুনালৰ বিয়া অনুষ্ঠিত কৰিছিল। মহাৰাজই অনুভৱ কৰিছিল যে ভনীয়েকৰ বাবে উপযুক্ত পতি‍ বিচাৰিবলৈ বেলেগ বাছনি কৰাটো ঠিকেই আছে আৰু প্ৰথমবাৰৰ বাবে পুঞ্জাৰ ৰয়েল হাউচৰ পৰা দৰা বাছি লৈছিল।

পি.আৰ.ৰামাৱৰ্মা ৰাজা, (কাৰ্থিকা থিৰুনালৰ মাতৃৰ ফালৰ পৰা মাহীয়েকৰ স্বামী) যেতিয়া কৌদিয়াৰ প্ৰাসাদলৈ আহিছিল, তেতিয়া তেওঁ কনিষ্ঠ ভাতৃ গোদাবৰ্মা ৰাজা (কৰ্ণেল জি ভি ৰাজা)ৰ নাম কাৰ্তিকা থিৰুনালৰ সম্ভাৱ্য দৰা হিচাপে আগবঢ়াইছিল। পিছলৈ কেৰেলাৰ ক্ৰীড়া আৰু পৰ্যটনৰ ৰজা হিচাপে অমৰ খ্যাতি লাভ কৰা গোদাবৰ্মা ৰাজা, প্ৰস্তাৱৰ সময়ত চিকিৎসা বিজ্ঞানত ডিগ্ৰী লাভৰ বাবে মাদ্ৰাজত অধ্যয়ন কৰি আছিল। ১৯৩৩ চনত এই দম্পতীহালে ইজনে সিজনক লগ পাইছিল। গোদাবৰ্মাই কাৰ্তিকা থিৰুনালৰ সৈতে‍ বিয়াৰ প্ৰস্তাৱ গ্ৰহণ কৰি তাতেই পঢ়া-শুনা বন্ধ কৰি দিলে। কাৰ্তিকা থিৰুনালৰ পৰিয়ালেও অনুমোদন জনাইছিল, আৰু এইদৰেই বিয়াৰ ঘোষণা কৰা হৈছিল। প্ৰথমবাৰৰ বাবে ট্ৰেভাংকুৰ ৰাজকুমাৰীয়ে কয়ী থাম্পুৰানৰ বাহিৰে আন কোনোবা এজনক বিয়া কৰাইছিল। পুঞ্জাৰ ৰজাঘৰীয়া পৰিয়াল পাণ্ডিয়া বংশৰ বংশধৰ বুলি বিশ্বাস কৰা হয়। ^৪

সম্পূৰ্ণ শিৰোনাম

মহামহিম শ্ৰী পদ্মনাভসেৱিনী বাঞ্চিধৰ্মা বৰ্ধিনী ৰাজা ৰাজেশ্বৰী মহাৰাণী কাৰ্তিক থিৰুনাল লক্ষ্মী বাই, অটীংগল মুঠা থামপুৰণ আৰু ত্ৰাভাংকুৰ মহাৰাণী।