কাশ্মীৰৰ ৰেশ্মা

ৰেশ্মা (১৯৫০ - নৱেম্বৰ ২০২২), আছিল জম্মু আৰু কাশ্মীৰৰ শ্ৰীনগৰৰ এগৰাকী লিঙ্গান্তৰিত গায়িকা আৰু অধিকাৰ কৰ্মী। তেওঁ জনসাধাৰণৰ মাজত কাশ্মীৰৰ ৰেশ্মা নামেৰে পৰিচিত।^১২ তেওঁ খ্যাতি লাভ কৰিছিল আৰু তেওঁৰ গীতৰ ভিডিঅ’বোৰ সামাজিক মাধ্যমত হাজাৰ হাজাৰবাৰ দেখা হৈছিল।^৩

প্ৰাৰম্ভিক জীৱন

ৰেশ্মাৰ জন্ম শ্ৰীনগৰত হৈছিল। তেওঁৰ দুই গৰাকীকৈ ভনীয়েক আৰু ছয়জন গৰাকী ভাতৃ আছিল।^১ তেওঁ ১১ বছৰ বয়সত গায়ন আৰু নৃত্যৰ প্ৰতি তেওঁৰ আগ্ৰহৰ অনুভৱ কৰিছিল।^৪ সৰুৰ পৰাই, তেওঁ লিংগ পৰিচয়ৰ বাবে অপমানৰ সন্মুখীন হৈছিল। ফলস্বৰূপে, তেওঁ পঞ্চম শ্ৰেণীৰ পিছতেই বিদ্যালয় এৰি দিয়ে আৰু তেওঁৰ ককাইদেৱৰ তত্ত্বাৱধানত এটা দৰ্জী দোকানত কাম কৰিবলৈ আৰম্ভ কৰে।^১৪

জীৱন আৰু সংগীত ক্ৰিয়াকলাপ

২২ বছৰ বয়সত, এজন গ্ৰাহকৰ অনুৰোধ মৰ্মে গীত গাইছিল।^১৪ এই পৰিস্থিতিৰ মাজতে, তেওঁ "ৰেশ্মা" নাম গ্ৰহণ কৰে।^১ যদিও তেওঁৰ মাতৃয়ে গান গোৱা কাৰ্যকলাপক সমৰ্থন নকৰিলে, অৱশেষত ২০০১ চনত, তেওঁ নিজৰ ভাতৃৰ মৃত্যুৰ পিছত তেওঁৰ সন্তানক লালন-পালন কৰিবলৈ গান গোৱাৰ সিদ্ধান্ত লয়।^১

সমাজসেৱা

ৰেশ্মা কাশ্মীৰত লিঙ্গান্তৰিত ব্যক্তিসকলৰ অধিকাৰৰ বাবে সংগ্ৰামৰ অন্যতম মুখ আছিল।^৫ ২০১১ চনত, তেওঁ আৰু আন লিঙ্গান্তৰিত অধিকাৰ কৰ্মীৰে এক "Intervention Plan"ৰ জৰিয়তে সমাজ কল্যাণ বিভাগক তত্‍পৰ কৰাৰ চেষ্টা কৰিছিল।^৬

মিডিয়াত

২০২২ চনৰ এক তথ্যচিত্ৰ Trans Kashmir-ত ৰেশ্মাক অন্তৰ্ভুক্ত কৰা হৈছিল।^৭

মৃত্যু

ৰেশ্মাই নৱেম্বৰ ২০২২ চনত কৰ্কট ৰোগত আক্ৰান্ত হৈ ৭০ বছৰ বয়সত পৰলোক প্ৰাপ্ত হয়। তেওঁৰ সংগীত আৰু সমাজসেৱাই কাশ্মীৰৰ লিঙ্গান্তৰিত সমাজৰ বাবে এক অমূল্য অবদান হিচাপে ৰৈ গ’ল।^৮