কায়া চক্ৰৱৰ্তী

কায়া চক্ৰৱৰ্তী (ইংৰাজী ভাষা: Kaya Chakrabortty; জাপানী ভাষা: チャクラボルティ雅, Hepburn: Chakuraboruti Kaya; জন্ম: ৬ আগষ্ট, ২০০১) এগৰাকী জাপানী সুন্দৰী প্ৰতিযোগিতাৰ খিতাপধাৰী, যিয়ে ২০২৪ চনৰ মিছ ইউনিভাৰ্চ জাপান খিতাপ জয় কৰিছিল। তেওঁ মেক্সিকোত অনুষ্ঠিত মিছ ইউনিভাৰ্চ ২০২৪ প্ৰতিযোগিতাত জাপানক প্ৰতিনিধিত্ব কৰিছিল আৰু তাত তেওঁ শীৰ্ষ ৩০ গৰাকী ছেমি-ফাইনেলিষ্টৰ ভিতৰত স্থান লাভ কৰিবলৈ সক্ষম হৈছিল।^১

প্ৰাৰম্ভিক জীৱন আৰু শিক্ষা

কায়া চক্ৰৱৰ্তীৰ জন্ম আমেৰিকা যুক্তৰাষ্ট্ৰৰ মিছিগানৰ ডেব্ৰুইটত এগৰাকী জাপানী মাতৃ আৰু এজন বাংলাদেশী পিতৃৰ ঘৰত হৈছিল। তেওঁ জাপানী, ইংৰাজী, স্পেনিছ আৰু কোৰিয়ানকে ধৰি কেইবাটাও ভাষাত সাৱলীল।^২ তেওঁ মিছিগান ষ্টেট ইউনিভাৰ্চিটিত অধ্যয়ন কৰিছিল, য'ত তেওঁ ২০২৪ চনত মানৱ জীৱবিজ্ঞান আৰু স্নায়ুবিজ্ঞানত দুটাকৈ ডিগ্ৰী আৰু জাপানী ভাষাত এটা মাইনৰ বিষয় লৈ স্নাতক ডিগ্ৰী লাভ কৰে। হাইস্কুলত পঢ়ি থকা দিনত তেওঁ এগৰাকী প্ৰতিযোগী ফিকাৰ স্কেটাৰ আছিল আৰু দুবাৰকৈ ইউ.এছ. হাইস্কুল নেচনেল চেম্পিয়নশ্বিপ জয় কৰিছিল।^৩

কেৰিয়াৰ

২০২৪ চনত কায়া চক্ৰৱৰ্তীয়ে মিছ ইউনিভাৰ্চ জাপানৰ খিতাপ অৰ্জন কৰে। ইয়াৰ সৈতে তেওঁ এই খিতাপ জয় কৰা বাংলাদেশী মূলৰ প্ৰথমগৰাকী দ্বিজাতীয় (biracial) মহিলা হিচাপে পৰিগণিত হয়। ২০২৪ চনৰ ২৫ জুলাইত টকিঅ'ৰ য়ামানো হলত এই নিৰ্বাচনী অনুষ্ঠান অনুষ্ঠিত হৈছিল।^৪৫

স্বেচ্ছাসেৱীমূলক কাম আৰু অধিবক্তা

চক্ৰৱৰ্তীৰ স্বেচ্ছাসেৱীমূলক কামৰ ভিতৰত জৰুৰীকালীন উদ্ধাৰ আৰু আশ্ৰয় শিবিৰত ৰন্ধন কাৰ্য অন্তৰ্ভুক্ত। তেওঁ এগৰাকী প্ৰমাণিত জৰুৰীকালীন চিকিৎসা প্ৰতিৰক্ষক (EMT) আৰু প্ৰায় ১৫ বছৰ ধৰি বিভিন্ন মানৱীয় প্ৰচেষ্টাৰ সৈতে সক্ৰিয়ভাৱে জড়িত হৈ আছে। তেওঁ শিশুৰ স্বাস্থ্য আৰু ভাষা শিক্ষাৰ হকে মাত মাতি আহিছে। বৰ্তমান তেওঁ জাপানত জাপানী ছাত্ৰ-ছাত্ৰীক ইংৰাজী শিকাই আছে, যাৰ লক্ষ্য হৈছে নৱ প্ৰজন্মক অনুপ্ৰাণিত আৰু সবল কৰা।^৬

বৃত্তিগত অভিজ্ঞতা

চক্ৰৱৰ্তীয়ে ডেব্ৰুইট মেডিকেল চেণ্টাৰত এজন মেডিকেল স্ক্ৰাইব আৰু গৱেষক ফেলো হিচাপে কাম কৰিছে। তাত তেওঁ এনাষ্টেছিয়া আৰু বহুভাষিক প্ৰকাশনৰ সৈতে জড়িত অধ্যয়নত মনোনিৱেশ কৰিছিল। ইয়াৰ উপৰি চক্ৰৱৰ্তীয়ে এগৰাকী ব্যক্তিগত ফিকাৰ স্কেটিং প্ৰশিক্ষক হিচাপে কাম কৰিছে আৰু হেভেন হাউচত নিশাৰ আহাৰ প্ৰস্তুত কৰা স্বেচ্ছাসেৱক হিচাপে কাম কৰিছে।^৭

বঁটা আৰু স্বীকৃতি

• মিছ ইউনিভাৰ্চ জাপান ২০২৪^৮
• ইউ.এছ. ফিকাৰ স্কেটিং চিনিয়ৰ হাইস্কুল নেচনেল চেম্পিয়ন (২০১৯)^৯১০
• মিছিগান হাইস্কুল টিম ফিকাৰ স্কেটিং চেম্পিয়ন (২০১৯)^১১
• ইউ.এছ. ফিকাৰ স্কেটিং চিনিয়ৰ হাইস্কুল নেচনেল চেম্পিয়ন (২০১৮)^১২১৩
• মিছিগান হাইস্কুল টিম ফিকাৰ স্কেটিং চেম্পিয়ন (২০১৮)
• মিছিগান হাইস্কুল টিম ফিকাৰ স্কেটিং চেম্পিয়ন (২০১৭)
• মিছিগান হাইস্কুল টিম ফিকাৰ স্কেটিং চেম্পিয়ন (২০১৬)
• মিছিগান হাইস্কুল টিম ফিকাৰ স্কেটিং চেম্পিয়ন (২০১৫)