কামিলা তৈয়বজী

কামিলা তৈয়বজী (১৪ ফেব্ৰুৱাৰী ১৯১৮ – ১৭ মে ২০০৪) এগৰাকী ভাৰতীয় সমাজসেৱী আৰু আইনজীৱী আছিল। আইনজীৱী হিচাপে তেওঁ তেতিয়াৰ লণ্ডনত কৰ্মৰত একমাত্ৰ মহিলা উকিল আছিল আৰু প্ৰিভি কাউন্সিলৰ সন্মুখত প্ৰশ্ন কৰা প্ৰথমগৰাকী মহিলা হিচাপে পৰিচিতি লাভ কৰিছিল।^১

প্ৰাৰম্ভিক জীৱন আৰু শিক্ষা

কামিলা ফয়েজ বদৰুদ্দিন তৈয়বজীৰ জন্ম বোম্বেত হৈছিল। তেওঁ সেই চহৰৰ বিশিষ্ট মুসলিম তৈয়বজী পৰিয়ালৰ সদস্য আছিল। তেওঁৰ পিতৃ ফয়েজ বদৰুদ্দিন তৈয়বজী এগৰাকী ন্যায়াধীশ আছিল আৰু মাতৃ সালিমা বোম্বে বিধানসভাৰ এগৰাকী সদস্য আছিল।^২

তেওঁৰ ককাদেউতা বদৰুদ্দিন তৈয়বজী (১৮৪৪–১৯০৬) ভাৰতীয় জাতীয় কংগ্ৰেছৰ তৃতীয় সভাপতি আছিল।^৩

কামিলা বোম্বেৰ ছেইণ্ট জেভিয়াৰ্ছ কলেজত আৰু পিছলৈ অক্সফ’ৰ্ড বিশ্ববিদ্যালয়ৰ ছেইণ্ট হিউজ কলেজত অধ্যয়ন কৰে। অক্সফ’ৰ্ডত অধ্যয়ন কৰা প্ৰাৰম্ভিক যুগৰ মুছলিম মহিলাসকলৰ মাজত তেওঁ এগৰাকী আছিল।^৪

কৰ্মজীৱন

লণ্ডনত প্ৰায় ২৫ বছৰ ধৰি বীমা আইনৰ অনুশীলনকালত কামিলা প্ৰায়ে উজ্জ্বল ৰঙৰ ৰেশমী শাৰী পৰিধান কৰাৰ বাবে পৰিচিত আছিল।^২ ১৯৫৩ চনৰপৰা ১৯৫৬ চনলৈকে তেওঁ বিবিচি টেলিভিছনৰ অনুষ্ঠান এছিয়ান ক্লাব শকুন্তলা শ্ৰীনাগেশৰ সৈতে উপস্থাপন কৰিছিল।^৫

১৯৬০ চনত তেওঁ যুক্তৰাজ্যত Women's India Association স্থাপন কৰি ইয়াৰ প্ৰথম সভাপতি হিচাপে কাৰ্যনিৰ্বাহ কৰে।^৬

ভাৰতলৈ ঘূৰি আহি তেওঁ ১৯৬৮ চনত Women's India Trust (WIT) স্থাপন কৰে, যাৰ লক্ষ্য আছিল চিলাই, কাপোৰ বোৱা আৰু খাদ্য প্ৰস্তুতৰ জৰিয়তে মহিলাসকলৰ আৰ্থিক স্বাৱলম্বিতা বৃদ্ধি কৰা।^৭

ব্যক্তিগত জীৱন আৰু উত্তৰাধিকাৰ

২০০৪ চনত মুম্বাইত ৮৬ বছৰ বয়সত কামিলাৰ মৃত্যু হয়।^৮ তেওঁৰ সন্মানত পানভেলত কামিলা তৈয়বজী ডব্লিউআইটি কেন্দ্ৰৰ নামকৰণ কৰা হৈছে।^৯

বাহ্যিক সংযোগ

• Women's India Trust – দাপ্তৰিক ৱেবছাইট