কবিতা গোয়াত

কবিতা গোয়াত (জন্ম: ১৫ আগষ্ট ১৯৮৮) ভাৰতৰ এগৰাকী মহিলা বক্সাৰ। তেওঁ ৬৯-৭৫ কেজি শাখাত প্ৰতিদ্বন্দ্বিতা কৰে। চীনৰ গুয়াংজোত অনুষ্ঠিত ২০১০ চনৰ এছিয়ান গেমছত কবিতাই ব্ৰঞ্জৰ পদক জিকিছিল।^১ ২০১০ চনৰ এছিয়ান গেমছৰ ছেমিফাইনেলত তেওঁ চীনৰ জিনজি লিৰ^২ হাতত ১:৩ পয়ণ্টত পৰাজিত হয়।

বক্সিং কেৰিয়াৰ

কবিতা গোয়াতৰ বৰ্তমানৰ প্ৰশিক্ষক অনুপ কুমাৰ। ইয়াৰ আগতে তেওঁ ৰাজ সিঙৰ ওচৰত প্ৰশিক্ষণ লৈছিল।^৩

২০১৭ চনত ছাৰ্বিয়ান চহৰৰ ষষ্ঠ নেচনছ কাপ চলি থকা সময়ত, কবিতা গোয়াতে ছেমিফাইনলেৰ সময়ত আঘাত পাইছিল, যাৰ কাৰণে তেওঁ তৃতীয় স্থানত থমকি ৰ’ব লগা হৈছিল।^৪ কবিতাই ইয়াৰ আগতে ২০০৯ চনত ৬৪ কিলোগ্ৰাম শাখাত মেৰি কমৰ সৈতে হানৈ এছিয়ান ইনড’ৰ গেমছত স্বৰ্ণপদক জিকিছিল।^৫ ইয়াৰ লগতে তেওঁ আৰু বহুকেইটা পদক জিকিছে।

চেম্পিয়নশ্বিপ আৰু অন্যান্য কৃতিত্ব

কবিতা গোয়াতে বিভিন্ন চেম্পিয়নশ্বিপত অসংখ্য স্বৰ্ণ, ৰূপ আৰু ব্ৰঞ্জৰ পদক জিকিছে।^৬

সোণৰ পদকসমূহ

• হানৈ এছিয়ান ইনড’ৰ গেমছ (২০০৯)^৭
• ১১ তম ছিনিয়ৰ মহিলা জাতীয় বক্সিং চেম্পিয়নশ্বিপ (২০১০)
• ১২ তম ছিনিয়ৰ মহিলা জাতীয় বক্সিং চেম্পিয়নশ্বিপ (২০১১)
• ৪ৰ্থ আন্তঃ-জোনেল মহিলা জাতীয় বক্সিং চেম্পিয়নশ্বিপ (২০১২)
• ১১ তম ছিনিয়ৰ মহিলা হাৰিয়ানা ৰাজ্য বক্সিং চেম্পিয়নশ্বিপ (২০১০)
• ১২ তম ছিনিয়ৰ মহিলা হাৰিয়ানা ৰাজ্য বক্সিং চেম্পিয়নশ্বিপ (২০১১)
• ১৪ তম ছিনিয়ৰ মহিলা হাৰিয়ানা ৰাজ্য বক্সিং চেম্পিয়নশ্বিপ (২০১৫)

ৰূপৰ পদক

• ৯ম ছিনিয়ৰ মহিলা জাতীয় বক্সিং চেম্পিয়নশ্বিপ (২০০৮)
• ফেডাৰেছন কাপ মহিলা বক্সিং চেম্পিয়নশ্বিপ (২০০৯)
• ১০ তম ছিনিয়ৰ মহিলা জাতীয় বক্সিং চেম্পিয়নশ্বিপ (২০০৯)
• ১৩ তম ছিনিয়ৰ মহিলা জাতীয় বক্সিং চেম্পিয়নশ্বিপ (২০১২)
• ১৬ তম ছিনিয়ৰ (এলিট) মহিলা জাতীয় বক্সিং চেম্পিয়নশ্বিপ (২০১৫)

ব্ৰঞ্জ পদক

• ১৪ তম ছিনিয়ৰ মহিলা বক্সিং চেম্পিয়নশ্বিপ (২০১৩)
• এছিয়ান গেমছ (২০১০)
• এন. চি. শৰ্মা মেমৰিয়েল ফেডাৰেছন কাপ মহিলা বক্সিং চেম্পিয়নশ্বিপ (২০০৯)^৭

ব্যক্তিগত জীৱন

কবিতা গোয়াত হাৰিয়ানাৰ ঔম প্ৰকাশ আৰু স্মিত্ৰা দেবীৰ ঘৰত জন্মগ্ৰহণ কৰিছিল।^৩ পঢ়া শুনা কৰা আৰু খেল খেলা কবিতাৰ হবি।^৩