এলহাম ইউছুফিয়ান

এলহাম ইউছুফিয়ান (Elham Youssefian) এজন ইৰাণী মানৱ অধিকাৰৰ অধিবক্তা আৰু অক্ষমতা অধিকাৰৰ সমৰ্থক। আন্তঃৰাষ্ট্ৰীয় অক্ষমতা মিত্ৰতা (আই ডি এ) আৰু আন্তঃৰাষ্ট্ৰীয় শৰণাৰ্থী সহায় প্ৰকল্পৰ বাবে তেওঁ কাম কৰি আহিছে। জলবায়ু পৰিৱৰ্তনৰ গৱেষণা আৰু পৰিকল্পনাত অক্ষমতাক অন্তৰ্ভুক্ত কৰাৰ বাবে তেওঁ প্ৰচাৰ চলাই আহিছে।

জীৱনী

ইউছেফিয়ানৰ জন্ম হৈছিল ইৰানত। ইউছুফিয়ান এগৰাকী অন্ধ মহিলা। ^১ ইউছেফিয়ানে লণ্ডন স্কুল অৱ ইকনমিক্স (এল এছ ই)ৰপৰা মানৱ অধিকাৰ আইনত স্নাতকোত্তৰ ডিগ্ৰী লাভ কৰিছে।^২ স্নাতক হোৱাৰ পিছত ইৰাণত ফৌজদাৰী আইন আৰু পৰিয়াল আইন চৰ্চা কৰিছিল। ^৩৪

ইউছেফিয়ানে ২০০৮ চনত ইৰাণ চৰকাৰে ৰাষ্ট্ৰসংঘৰ প্ৰতিবন্ধী ব্যক্তিৰ অধিকাৰ চুক্তি গ্ৰহণ কৰাৰ পোষকতা কৰিছিল।^২৩ ইউছেফিয়ানে ইৰাণত অক্ষমতাৰ অধিকাৰ উলংঘাৰ নথিভুক্ত কৰাৰ প্ৰচেষ্টাৰ নেতৃত্ব দিছিল ^২৫ আৰু ২০১৫ চনলৈকে ডেনিছ শৰণাৰ্থী পৰিষদৰ সুৰক্ষা বিষয়া হিচাপে কাম কৰিছিল, য'ত তেওঁ ইৰাণত বাস কৰা আফগান শৰণাৰ্থীসকলক সেৱা আগবঢ়াইছিল।^৪

২০১৫ চনত ইউছেফিয়ান আমেৰিকা যুক্তৰাষ্ট্ৰৰ নিউয়ৰ্ক চহৰলৈ গুচি যায়।^২ ২০১৯ চনৰপৰা ২০২৩ চনলৈকে তেওঁ আন্তঃৰাষ্ট্ৰীয় অক্ষমতা মিত্ৰজোঁট (IDA)ত অন্তৰ্ভুক্ত মানৱীয় কাৰ্য্য আৰু দুৰ্যোগৰ আশংকা হ্ৰাসৰ উপদেষ্টা হিচাপে কাম কৰিছিল, যিটো অক্ষম লোকক প্ৰতিনিধিত্ব কৰা ১১০০ৰো অধিক সংস্থাৰ বিশ্বব্যাপী নেটৱৰ্ক।^২ ২০২৪ চনত ইউছেফিয়ানে আমেৰিকা যুক্তৰাষ্ট্ৰৰ অলাভজনক সংস্থা আন্তঃৰাষ্ট্ৰীয় শৰণাৰ্থী সহায় প্ৰকল্পত অক্ষমতা অন্তৰ্ভুক্তি আৰু অভিগম্যতাৰ সঞ্চালক হিচাপে যোগদান কৰে।^৬ তেওঁ মানৱীয় কাৰ্য্যত অক্ষমতা অন্তৰ্ভুক্তিৰ ওপৰত ৰেফাৰেন্স গ্ৰুপৰ সহ-সভাপতি আছিল।^৭

ইউছেফিয়ানে জলবায়ু পৰিৱৰ্তনৰ ওপৰত গৱেষণা আৰু পৰিকল্পনাৰ ক্ষেত্ৰত বিশেষভাৱে সক্ষম লোকসকলক অধিক আন্তঃবিভাজনমূলক আৰু অক্ষমতা প্ৰয়োজনীয়তাৰ ওপৰত আলোকপাত কৰে।^{৮৯১০১১} ২০২২ চনৰ ৰাষ্ট্ৰসংঘৰ জলবায়ু পৰিৱৰ্তন সন্মিলন (COP27)কে ধৰি বিভিন্ন আন্তঃৰাষ্ট্ৰীয় অনুষ্ঠানৰ সুবিধাৰ অভাৱক তেওঁ প্ৰত্যাহ্বান জনাইছে, য’ত তেওঁ প্ৰস্তাৱৰ খচৰা পঢ়িবলৈ অসুবিধা পাইছিল। ^১২সন্মিলনত "জলবায়ু কাৰ্য্যত অক্ষমতা অন্তৰ্ভুক্তি" নামৰ পাৰ্শ্ব অনুষ্ঠানতো ইউছুফিয়ানে ভাষণ দিয়ে।^১৩ ২০২৩ চনৰ ৰাষ্ট্ৰসংঘৰ জলবায়ু পৰিৱৰ্তন সন্মিলনত (চিঅ’পি২৮) ‘ন্যায্য পৰিৱৰ্তন ৰোডমেপৰ কাৰ্য্য পৰিকল্পনা’ত বিশেষভাৱে সক্ষম লোকসকলক অন্তৰ্ভুক্ত কৰাৰ বাবে আয়োজন কৰা পেনেলৰ তিনিজন বক্তাৰ ভিতৰত তেওঁ অন্যতম আছিল। ^১৪

২০২৪ চনৰ মাৰ্চ মাহত ইউছেফিয়ানে আন্তঃৰাষ্ট্ৰীয় শৰণাৰ্থী সহায় প্ৰকল্পত অক্ষমতা অন্তৰ্ভুক্তি আৰু অভিগম্যতাৰ সঞ্চালক হিচাপে যোগদান কৰে। ২০২৫ চনত ইউছেফিয়ানে ৰুছ-ইউক্ৰেইন যুদ্ধত বিশেষভাৱে সক্ষম লোকসকলৰ বাবে "সংকটৰ ভিতৰত সংকট"ৰ ওপৰত আলোকপাত কৰিছিল। ^১৫ ঈউছুফিয়ানে সংবাদ মাধ্যম কমন ড্ৰিমছৰ বাবে আমেৰিকা যুক্তৰাষ্ট্ৰৰ প্ৰতিবন্ধী শৰণাৰ্থীৰ জীৱনৰ ওপৰত লিখনি আগবঢ়াইছে। ^১৬

বঁটা

২০২৩ চনত ইউছেফিয়ানক বিবিচি ১০০ মহিলা হিচাপে নিৰ্বাচিত কৰা হৈছিল।