উমা তুলি

উমা তুলি (Uma Tuli) এগৰাকী ভাৰতীয় সমাজকৰ্মী, শিক্ষাবিদ আৰু দিল্লীস্থিত বেচৰকাৰী সংস্থা অমৰ জ্যোতি চেৰিটেবল ট্ৰাষ্টৰ প্ৰতিষ্ঠাপক, যিয়ে শাৰীৰিকভাৱে অক্ষম লোকসকলৰ পুনৰ্বাসনৰ বাবে কাম কৰে।^{১২৩৪৫} ২০১২ চনত ভাৰত চৰকাৰৰ তৰফৰ পৰা তেওঁক দেশৰ চতুৰ্থ সৰ্বোচ্চ অসামৰিক বঁটা পদ্মশ্ৰীৰে সন্মানিত কৰা হৈ‍ছিল।^৬

পটভূমি আৰু শিক্ষা

১৯৪৩ চনৰ ৩ মাৰ্চত নতুন দিল্লীত তুলি বংশৰ এটা পাঞ্জাৱী হিন্দু খাত্ৰী পৰিয়ালত উমা তুলিয়ে জন্মগ্ৰহণ কৰিছিল।^২৩৪ গুৱালিয়ৰৰ জিৱাজী বিশ্ববিদ্যালয়ৰ পৰা স্নাতকোত্তৰ ডিগ্ৰী লাভ কৰি তাৰ পিছত মানচেষ্টাৰ বিশ্ববিদ্যালয়ৰ পৰা বিশেষ শিক্ষাত (এম ই ডি) আন এক স্নাতকোত্তৰ ডিগ্ৰী লাভ কৰে।^২৭ পাছলৈ তেওঁ দিল্লী বিশ্ববিদ্যালয়ৰ পৰা ইংৰাজী সাহিত্যত ডক্টৰেট ডিগ্ৰী লাভ কৰে।^২৩৪৭ ত্ৰিশ বছৰতকৈও অধিক সময় তেওঁ দিল্লী আৰু গুৱালিয়ৰৰ বিভিন্ন মহাবিদ্যালয়ত শিক্ষকতাৰ সেৱাৰে নিজৰ কেৰিয়াৰ গঢ়ি তুলিছে।^৩৪

ফাউণ্ডেশ্যন

শিক্ষক হিচাপে দৰমহাৰ পৰা জমা হোৱা সঞ্চয়ৰ সহায়ত তুলীয়ে ১৯৮১ চনত অমৰ জ্যোতি চেৰিটেবল ট্ৰাষ্ট,^২৫৭৮ প্ৰতিষ্ঠা কৰে।^৯ বছৰ বছৰ ধৰি এই প্ৰতিষ্ঠানটোৱে শাৰীৰিকভাৱে অক্ষম লোকসকলৰ বাবে অন্তৰ্ভুক্ত শিক্ষা, স্বাস্থ্যসেৱা, বৃত্তিমূলক প্ৰশিক্ষণ, নিয়োগ, ক্ৰীড়া আৰু সাংস্কৃতিক সুবিধাৰ একক খিৰিকীৰ প্ৰদানকাৰী হিচাপে পৰিগণিত হৈছে।^২৩৪৫ প্ৰতিষ্ঠানটোৱে ফিজিঅ'থেৰাপিৰ পাঠ্যক্ৰমৰ বাবে দিল্লী বিশ্ববিদ্যালয়,^২ বিশেষ শিক্ষাৰ শিক্ষক প্ৰশিক্ষণৰ বাবে ৰ'হাম্পটন বিশ্ববিদ্যালয়ৰ সৈতে^২৫ আৰু মণিপাল বিশ্ববিদ্যালয় (MAHE), মধ্যপ্ৰদেশ ভোজ মুক্ত বিশ্ববিদ্যালয় আৰু ইন্দিৰা গান্ধী ৰাষ্ট্ৰীয় মুক্ত বিশ্ববিদ্যালয়ৰ সৈতেও নেটৱৰ্ক গঢ়ি তুলিছে।^২২৭ গুৱালি‍য়ৰতো ইয়াৰ এটা শাখা আছে।^৩৪৮