উমাদে ভাট্টিয়ানী

উমাদে ভট্টিয়ানী (জন্ম: অজ্ঞাত-মৃত্যু: ১৫৬২ চন) যাক অন্য নাম উমাদেও আৰু উমা দেৱী বুলিও জনা যায়, মাৰৱাৰৰ বিখ্যাত ৰাথোৰ শাসক মালদেও ৰাথোৰৰ পত্নীসকলৰ ভিতৰত অন্যতম পত্নী আছিল। মালদেও ৰাথোৰৰ ৰাজত্ব কাল আছিল ১৫৩০ - ১৫৫১ চন। মালদেওৰ পত্নী উমাদেয়ে স্বামীক কৰা ব্যৱহাৰৰ বাবে সমাজে তেওঁক ৰুথী ৰাণী — খঙাল বা ক্ষুব্ধ ৰাণী বা 'ৰাণী-যি-চুপতি মৰা" নামেৰে জনা গৈছিল।^১

পৰিয়াল

উমাদে ভাট্টিয়ানী জয়ছালমেৰৰ ভাট্টি ৰাজপুত বংশৰ এগৰাকী ৰাজকুমাৰী আৰু জয়ছালমেৰৰ শাসক ৰাৱাল লুংকৰণ ভাট্টি (ৰাজত্বকাল ১৫৩০ - ১৫৫১)ৰ কন্যা আছিল। তেওঁৰ ভগ্নী ধীৰ বাই ভট্টিয়ানী আছিল মেৱাৰৰ মহাৰাণা উদয় সিংহৰ প্ৰিয়তমা পত্নী।^২

বিবাহ

তেওঁৰ বিবাহ হৈছিল মাৰৱাৰৰ ৰাজকুমাৰ মালদেও ৰাথোৰৰ সৈতে।^২ কিন্তু তেওঁলোকৰ বৈবাহিক জীৱন সুখ আৰু শান্তিপূৰ্ণ নাছিল।^৩ স্বামীৰ লগত কোনো ধৰণৰ শাৰীৰিকী সম্পৰ্ক স্থাপন কৰিবলৈও উমাদেই অস্বীকাৰ কৰিছিল। মালদেওৰ প্ৰতি তেওঁৰ কঠোৰ মনোভাবৰ বাবেই তেওঁক ৰুথী ৰাণী উপাধি প্ৰদান কৰা হৈছিল।^৪

জনপ্ৰিয় সংস্কৃতিত

সাহিত্যিক প্ৰেমচান্দৰদ্বাৰা ৰচিত উপন্যাস ৰুথী ৰাণীৰ শিৰোনাম চৰিত্ৰ আছিল উমাদে। চনী টিভিৰ ঐতিহাসিক নাটক ভাৰত কা বীৰ পুত্ৰ – মহাৰাণা প্ৰতাপত মৃণাল দেশৰাজে কাল্পনিক উমাদেৰ চৰিত্ৰত অভিনয় কৰিছিল।^৫ আন এটি মন কৰিবলগীয়া কথা যে, জয়ছামন্দ অঞ্চলৰ আন এগৰাকী ৰুথী ৰাণীৰ বিষয়েও একেধৰণৰ এটা কাহিনী আছে^৬ ধেবৰ হ্ৰদ বা জয়ছামন্দ হ্ৰদৰ ওচৰৰ হাৱা মহল ৰুথী ৰাণী কা মহল বুলিও জনা যায়। জয়সামন্দত এতিয়াও উমাদে ভাট্টিয়ানীৰ প্ৰসাদ দেখা যায়।