উজ্জ্বলা ৰাউত

উজ্জ্বলা ৰাউত (ইংৰাজী ভাষা: Ujjwala Raut; জন্ম: ১১ জুন ১৯৭৮) — এগৰাকী ভাৰতীয় ছুপাৰমডেল।^১২ তেওঁক ভাৰতৰ অন্যতম প্ৰথম ছুপাৰমডেল হিচাপে গণ্য কৰা হয়।^৩৪

কেৰিয়াৰ

১৯৯৬ চনৰ ফেমিনা মিছ ইণ্ডিয়া প্ৰতিযোগিতাত "ফেমিনা লুক অফ দ্য য়েৰ" খিতাপ জিকাৰ সময়ত ৰাউত আছিল ১৭বছৰীয়া বাণিজ্য শাখাৰ এগৰাকী ছাত্ৰী।^১ ইয়াৰ উপৰি তেওঁ নিচত অনুষ্ঠিত ১৯৯৬ চনৰ এলিট মডেল লুক প্ৰতিযোগিতাত শীৰ্ষ পোন্ধৰজনৰ ভিতৰত স্থান লাভ কৰিছিল।^৫৬ তেওঁ ইভ চেণ্ট-লৰেণ্ট, ৰবেৰ্টো কাভালি, হুগো বছ, চিহ্নিয়া ৰাউলি, ডায়েন ভন ফাৰষ্টেনবাৰ্গ, ডলচে এণ্ড গাব্বানা, বেটসী জনছন, গুচি, গিভেঞ্চি, ভেলেণ্টিনো, অস্কাৰ ডি লা ৰেণ্টা, আৰু এমিলিঅ’ পুচি আদিকে ধৰি ভিক্টোৰিয়াছ ছিক্ৰেট ফেশ্বন শ্ব’ৰ ৰেম্পত খোজ দিছিল।^৭

তেওঁ ইভ চেণ্ট-লৰেণ্টৰ ব্ৰেণ্ড এম্বেছেডৰ হিচাপে আত্মপ্ৰকাশ কৰা প্ৰথমগৰাকী ভাৰতীয় আছিল।^৮

তেওঁ ভিক্টোৰিয়াছ ছিক্ৰেট ফেশ্বন শ্ব’ত খোজ দিয়া প্ৰথমসকল ভাৰতীয়ৰ ভিতৰত অন্যতম আছিল। তেওঁ ২০০২ আৰু ২০০৩ চনত দুবাৰকৈ এই অনুষ্ঠানত অংশগ্ৰহণ কৰিছিল।^৯ ২০১২ চনত তেওঁ মডেল মিলিন্দ সোমানৰ সৈতে কিংফিচাৰ কেলেণ্ডাৰ হাণ্টৰ সহ-সঞ্চালনা আৰু বিচাৰকৰ দায়িত্ব পালন কৰিছিল।^১০

তেওঁ চনম তেৰী কচম (২০১৬) নামৰ এখন হিন্দী বলিউড চলচ্চিত্ৰত অভিনয় কৰিছে।^১১১২

হাৰ্পাৰছ বজাৰ ইণ্ডিয়াই ইয়াৰ বাৰ্ষিক বঁটাৰ দ্বিতীয় সংস্কৰণত তেওঁক ২০২৫ চনৰ 'ৱমেন অফ দ্য য়েৰ' হিচাপে সন্মানিত কৰে।^১৩১৪

ব্যক্তিগত জীৱন

উজ্জ্বলাৰ পিতৃ মুম্বাই আৰক্ষীৰ এজন উপ-আযুক্ত আছিল।^৯ ২০০৪ চনৰ ১৯ জুনত তেওঁ মেক্সৱেল ষ্টেৰীৰ সৈতে বিবাহপাশত আবদ্ধ হয়^১৫ আৰু ২০১১ চনত এই দম্পতীৰ বিচ্ছেদ ঘটে। তেওঁলোকৰ ক্ষা নামৰ এগৰাকী কন্যা সন্তান আছে।^{১৬১৭১৮}